BAKI FİNTEX SEKTORU TİCARƏT HEYƏTİ PROQRAMI

Murat Kastan maliyyə institutları sektorunda 19 ildən artıq təcrübəyə malikdir. O, 2019-cu ilin mart ayında UPT-yə Beynəlxalq Tərəfdaşlıqlar üzrə İcraçı vitse-prezident vəzifəsində qoşulub, daha sonra Baş Kommersiya Direktoru vəzifəsinə təyin edilib. 2023-cü ilin oktyabrında Türkiyənin ilk lisenziyalı ödəniş şirkəti olan UPT-nin CEO-su vəzifəsinə təyin olunan Kastan, eyni zamanda TURKFIN-in (Türk Dövlətləri Fintech Əməkdaşlıq Platforması) İdarə Heyətinin üzvüdür.

UPT-yə qoşulduqdan sonra Kastan 200 tərəfdaşı əhatə edən qlobal ödəniş şəbəkəsinin qurulmasına rəhbərlik edib. Bu şəbəkə nağd ödənişlərdən və hesablararası köçürmələrdən tutmuş virtual TRY IBAN xidmətlərinə qədər müxtəlif həllər təqdim edir. Rəqəmsal sahədə isə o, birbaşa SEPA çıxışı, QR ödənişləri və gündəlik maliyyə ehtiyacları üçün kartları bir arada təqdim edən çoxvalyutalı UPTION Wallet tətbiqinin inkişafına rəhbərlik edib.

Serhat Şener Türk Dövlətləri Fintech Alyansının (TURKFIN) İdarə Heyətinin üzvüdür. TURKFIN türk dövlətlərinin fintech assosiasiyaları tərəfindən yaradılmış, maliyyə texnologiyaları sahəsində əməkdaşlığın gücləndirilməsi, qarşılıqlı inteqrasiya olunan ödəniş sistemlərinin təşviqi və regionda sərhədlərarası innovasiyaların dəstəklənməsinə xidmət edən regional platformadır.

O, Türkiyə Ödəniş və Elektron Pul Təşkilatları Assosiasiyasının (TÖDEB) İdarə Heyətində iki il yarım fəaliyyət göstərib və hazırda Assosiasiyanın Nəzarət Şurasının Alternativ üzvüdür. Həmçinin Fintechium Consultancy şirkətinin təsisçisi və Sender Payment Services şirkətinin İdarə Heyətinin üzvüdür.

Ödənişlər, maliyyə xidmətləri, texnoloji risklər və idarəetmə konsaltinqi sahələrində 20 illik təcrübəyə malik olan Serhat karyerasına Deloitte Türkiye şirkətində başlayıb, daha sonra PricewaterhouseCoopers (PwC) Türkiye şirkətində çalışıb. Burada əsasən maliyyə xidmətləri və texnologiya sektorlarında fəaliyyət göstərən müştərilərə məsləhət xidmətləri təqdim edib.

Serhat banklara, ödəniş və elektron pul təşkilatlarına, kriptoaktiv xidmət təminatçılarına, fintech şirkətlərinə və texnologiya təminatçılarına strategiya, bazara giriş, lisenziyalaşdırma, tənzimləyici tələblərə uyğunluq, korporativ idarəetmə, daxili nəzarət və ödəniş infrastrukturu üzrə məsləhətlər verir. Hazırda onun fəaliyyəti Türkiyə, Mərkəzi Asiya və daha geniş türk regionu arasında qarşılıqlı inteqrasiya olunan ödəniş sistemləri, sərhədlərarası ödənişlər və pulköçürmələri üzrə əlaqələrin inkişaf etdirilməsi yolu ilə regional əməkdaşlığın gücləndirilməsinə yönəlib.

1977-ci ildə Azərbaycan Dövlət İqtisad Universitetinin “Mühasibat uçotu” fakultəsinə daxil olmuş və 1981-ci ildə “İqtisadçı” ixtisası üzrə tam kursu bitirmişdir. Əmək fəaliyyətini 1981-ci ildən Azərbaycan Respublikası Rabitə Nazirliyində, “Nəzarət-Təftiş” İdarəsində aparıcı mühasib kimi başlamışdır.

1981-1983-cü illərdə Hərbi xidmətdə olmuşdur. Hərbi xidməti  başa vurduqdan sonra 1983-cü ilin iyul ayından etibarən 1989-cu ilin yanvar ayınadək, Azərbaycan Respublikası Rabitə Nazirliyinin “Nəzarət-Təftiş” İdarəsində mühasib-revizor, Baş təftişçi və Baş mühasibin müavini kimi fəaliyyət göstərmişdir. 1989-cu ildən AR Rabitə Nazirliyinin “Rayon Rabitəsi” İstehsalat Birliyinə “Nəzarət və mühasibat uçotu” şöbəsinin rəisi vəzifəsinə təyin edilmişdir.

1993-1998-ci illərdə “Rabitəbank” SKB-nın İdarə Heyətinin Sədri vəzifəsində çalışmışdır və 1998-ci ildən hal-hazıradək “Rabitəbank” ASC-nin Müşahidə Şurasının Sədri vəzifəsində çalışır.

1996-cı ildə “Azərbaycan Banklar Assosiasiyası”nın Prezidenti vəzifəsinə seçilmiş və 2006-cı ilə qədər həmin vəzifədə çalışmışdır. 2006-cı ildən 2015-ci ilədək “Azərbaycan Banklar Assosiasiyası”nın Rəyasət Heyətinin üzvü olmuşdur. 2015-ci ildən yenidən “Azərbaycan Banklar Assosiasiyası”nın Prezidenti vəzifəsinə seçilmişdir.

Bankçılıq və maliyyə xidmətləri sektorlarında 22 ildən artıq təcrübəyə, o cümlədən 17 ildən çox rəhbər vəzifələrdə iş təcrübəsinə və Direktorlar Şurasında 7 ildən artıq fəaliyyət təcrübəsinə malik yüksək səviyyəli rəhbər və idarə heyəti lideri. Bank idarəçiliyi, fintex və prosessinq, pərakəndə bankçılıq və mikromaliyyə sahələrində, eləcə də strateji dövlət siyasəti üzrə məsləhətçilik istiqamətində geniş təcrübəyə malikdir.

Hazırkı və əvvəlki vəzifələri

• İdarə Heyətinin sədri, Doscredobank (2025 – hazırda)
• Direktorlar Şurasının sədri, Qırğızıstan Fond Birjası (KSE) (2024 – hazırda)
• Direktor müavini, “M Bulak” MMC Mikromaliyyə Şirkəti
• Əvvəlki rəhbər vəzifələri:
  • “Interbank Processing Center” QSC-nin Direktorlar Şurasının sədri
  • “Ishenim” Kredit Bürosu QSC-nin Direktorlar Şurasının üzvü
  • “Jubilee” Sığorta Şirkəti QSC-nin Direktorlar Şurasının üzvü
• Əvvəlki icraedici rəhbər vəzifələri:
  • “Commercial Bank Kyrgyzstan” ASC-nin İdarə Heyətinin üzvü
  • “Kyrgyz Investment and Credit Bank” (KICB) QSC-nin İdarə Heyətinin üzvü
  • “Interbank Processing Center” QSC-nin İdarə Heyətinin üzvü
• Dövlət sektoru və məsləhətçilik təcrübəsi:
  • Qırğızıstan Respublikası Milli Bankının sədrinin keçmiş müşaviri
  • Qırğızıstan Respublikasının maliyyə nazirinin ictimai əsaslarla müşaviri

Təhsil və sertifikatlar

• Dövlət İdarəçiliyi üzrə magistr dərəcəsi (MPA)
• Beynəlxalq İqtisadi Münasibətlər üzrə bakalavr dərəcəsi
• Rəhbərlər üçün ixtisasartırma və peşəkar təhsil proqramları:
  • Dayanıqlı Bankçılıq — Amsterdam Maliyyə İnstitutu
  • Pərakəndə Bankçılıq — Vyana Birgə İnstitutu / Avropa Yenidənqurma və İnkişaf Bankı (EBRD)
  • Sertifikatlı İnformasiya Təhlükəsizliyi Meneceri (CISM) — Mile2.com

Qazaxıstan Ödəniş Təşkilatları Assosiasiyasının sədr müavini

1987-cı ildə Şəki şəhərində anadan olmuşdur. Azərbaycanlıdır. Ali təhsillidir.

2008-ci ildə Bakı Dövlət Universitetini “İnformatika” ixtisası üzrə bakalavr, 2011-ci ildə isə həmin universiteti eyni ixtisas üzrə magistr dərəcələri ilə bitirmişdir. 2015-ci ildə ADA Universiteti və “Maastricth School of Management” birgə EMBA proqramına daxil olmuşdur. 2017-ci ildə həmin universitetləri Beynəlxalq Biznesin İdarəedilməsi ixtisası üzrə magistr dərəcəsilə bitirmişdir. 2020-ci ildə Kopenhagen Biznes Məktəbinin “Maliyyə Sektorunda Rəqəmsal Transformasiya”, 2021-ci ildə isə Harvard Business School-un “Biznes Analizi, Mühasibatlıq və İdarəedənlər üçün İqdisadiyyat” istiqamətlərində xüsusi kurslarda təhsilini davam etdirməklə müvafiq sertifikatlar əldə etmişdir. O, həmçinin 2014-cü ildə Oracle şirkətinin təşkilatın arxitekturası üzrə “OCM” sertifikatına da yiyələnmişdir. 2024-cü ildən İngiltərənin London Metropolitan Universitetində “Tətbiqi Psixologiya” ixtisasını magistr dərəcəsi üzrə təhsilini davam etdirir.

Əmək fəaliyyətinə 2009-cu ildə “ICL” MMC-də texniki mütəxəssis vəzifəsilə başlamışdır. 2010-2011-ci illərdə “İnfosecurity” MMC-də aparıcı veb-proqramçı vəzifəsində çalışmışdır. 2011-2016-cı illərdə “Azercell Telekom” MMC-də İnformasiya Kommunikasiya Texnologiyaları departamentində kiçik proqramçı, proqramçı, aparıcı proqramçı, 2016-2018-ci illərdə isə həmin şirkətdə Məhsul və Xidmətin Yaradılması bölməsinin rəhbəri vəzifələrində çalışmışdır.

2018-2020-ci illərdə “PAŞA Bank” ASC-də Rəqəmsal Laboratoriya departamentinin Rəqəmsal Mühəndislik şöbəsinin rəhbəri vəzifəsində çalışmışdır. 2021-ci ilin yanvar ayından 2024-cü ilin may ayınadək həmin bankın Texnologiya blokunun baş direktoru vəzifəsində işləmişdir.

2024-cü ilin may-noyabr aylarında Azərbaycan Respublikası Mərkəzi Bankın baş direktoru vəzifəsində işləmişdir.

2024-ci ilin noyabr ayının 7-dən Azərbaycan Respublikası Milli Məclisinin qərarı ilə Azərbaycan Respublikası Mərkəzi Bankı İdarə Heyətinin üzvü vəzifəsinə təyin edilmişdir. 

Azərbaycan Respublikası Prezidentinin 4 dekabr 2024-cü il tarixli Sərəncamı ilə Mərkəzi Bankın sədrinin müavini vəzifəsinə təyin edilmişdir.

Evlidir, üç övladı var.

O, 2020-ci ildən ABB-də müxtəlif rəhbər vəzifələrdə fəaliyyət göstərib, son olaraq bankın Rəqəmsal Ofisinin rəhbəri olub. Bu müddət ərzində ABB-nin rəqəmsal transformasiyası, ABB mobile, korporativ internet bankçılıq və ABB Biz platformalarının inkişafı, rəqəmsal satış və xidmətlərin genişləndirilməsi, investisiya xidmətləri və süni intellekt əsaslı bankçılıq həllərinin inkişafında iştirak edib.

Eyni zamanda, ABB-nin rəqəmsal ekosisteminin genişləndirilməsi istiqamətində yeni məhsul və xidmətlərin inkişafına rəhbərlik edib. Bu çərçivədə ABB mobile üzərindən aviabiletlərin və tədbir biletlərinin satışı, sığorta məhsullarının təqdim edilməsi, eləcə də yaxın zamanda istifadəyə verilməsi planlaşdırılan hotel rezervasiyası xidmətlərinin inteqrasiyası kimi layihələr həyata keçirilib.

Mehmet Ali Savaş həmçinin Azericard-ın Müşahidə Şurasının üzvüdür.

Onun bank və maliyyə sektorunda 15 ildən artıq beynəlxalq təcrübəsi var. ABB-dən əvvəl BNP Paribas Qrupu, Poste Italiane və National Bank of Kuwait kimi aparıcı maliyyə qurumlarında, eləcə də onların rəqəmsal transformasiya təşəbbüslərində çalışıb. Peşəkar fəaliyyəti ərzində İtaliya, Türkiyə, Küveyt və Azərbaycanda rəqəmsal bankçılıq, məhsul inkişafı və transformasiya layihələrində müxtəlif rəhbər vəzifələr tutub.

Mehmet Ali Savaş Türkiyənin Işık Universitetində Management Information Systems ixtisası üzrə tam təqaüdlə təhsil alıb.

AzFina sədrinin müavini, Epoint-in baş direktoru