IX BEYNƏLXALQ BANKÇILIQ FORUMU

Namiq Əliyev 1977-ci ildə Bakı şəhərində anadan olub. Bakı Dövlət Universitetinin məzunudur. Tələbə ikən bir sıra dövrü nəşrlərdə çalışıb. 1999-2000-ci illərdə Respublika Elmi Texniki Kitabxanasında, 2001-2003-cü illərdə Azərbaycan Respublikası Mədəniyyət Nazirliyinin Mədəni Maarif Baş İdarəsində aparıcı mütəxəssis vəzifəsində çalışıb. 2004-cü ildən "Azad Azərbaycan" müstəqil Teleradio Yayım Şirkətində  müxbir, aparıcı müxbir, redaktor assistenti, redaktor vəzifəsini daşıyıb.

2010-cu ilin may ayında Azərbaycan Respublikası Mərkəzi Bankının Kommunikasiya departamentində fəaliyyətə başlayıb, 2011-ci ilin iyul ayından həmin departamentin İctimaiyyətlə Əlaqələr şöbəsinin rəisidir. Azərbaycan Televiziya və Radio verilişləri Qapalı Səhmdar Cəmiyyətinin (AZTV) "İqtisadiyyat xəbərləri" verilişinin aparıcısıdır (2019)

1987-cı ildə Şəki şəhərində anadan olmuşdur. Azərbaycanlıdır. Ali təhsillidir.

2008-ci ildə Bakı Dövlət Universitetini “İnformatika” ixtisası üzrə bakalavr, 2011-ci ildə isə həmin universiteti eyni ixtisas üzrə magistr dərəcələri ilə bitirmişdir. 2015-ci ildə ADA Universiteti və “Maastricth School of Management” birgə EMBA proqramına daxil olmuşdur. 2017-ci ildə həmin universitetləri Beynəlxalq Biznesin İdarəedilməsi ixtisası üzrə magistr dərəcəsilə bitirmişdir. 2020-ci ildə Kopenhagen Biznes Məktəbinin “Maliyyə Sektorunda Rəqəmsal Transformasiya”, 2021-ci ildə isə Harvard Business School-un “Biznes Analizi, Mühasibatlıq və İdarəedənlər üçün İqdisadiyyat” istiqamətlərində xüsusi kurslarda təhsilini davam etdirməklə müvafiq sertifikatlar əldə etmişdir. O, həmçinin 2014-cü ildə Oracle şirkətinin təşkilatın arxitekturası üzrə “OCM” sertifikatına da yiyələnmişdir. 2024-cü ildən İngiltərənin London Metropolitan Universitetində “Tətbiqi Psixologiya” ixtisasını magistr dərəcəsi üzrə təhsilini davam etdirir.

Əmək fəaliyyətinə 2009-cu ildə “ICL” MMC-də texniki mütəxəssis vəzifəsilə başlamışdır. 2010-2011-ci illərdə “İnfosecurity” MMC-də aparıcı veb-proqramçı vəzifəsində çalışmışdır. 2011-2016-cı illərdə “Azercell Telekom” MMC-də İnformasiya Kommunikasiya Texnologiyaları departamentində kiçik proqramçı, proqramçı, aparıcı proqramçı, 2016-2018-ci illərdə isə həmin şirkətdə Məhsul və Xidmətin Yaradılması bölməsinin rəhbəri vəzifələrində çalışmışdır.

2018-2020-ci illərdə “PAŞA Bank” ASC-də Rəqəmsal Laboratoriya departamentinin Rəqəmsal Mühəndislik şöbəsinin rəhbəri vəzifəsində çalışmışdır. 2021-ci ilin yanvar ayından 2024-cü ilin may ayınadək həmin bankın Texnologiya blokunun baş direktoru vəzifəsində işləmişdir.

2024-cü ilin may ayından Mərkəzi Bankın baş direktoru vəzifəsinə təyin edilmişdir. Hal-hazırda həmin vəzifədə çalışır.

Evlidir, üç övladı var.

Chairman of the Board, Banks Association of Türkiye

Włodzimierz Kiciński 1991-ci ildən bank sektorunda çalışır. O, karyerasına Polşa Milli Bankında (mərkəzi bank) xarici əlaqələr departamentinin direktoru kimi başlayıb və ölkənin London Klubu və Paris Klubu ilə borcun restrukturizasiyası üzrə danışıqlarında iştirak edib.

2002–2011-ci illərdə Nordea Bank Polska-nın İdarə Heyətinin sədri vəzifəsində çalışıb. Bu dövrdə o, həmçinin Polşa Banklar Assosiasiyasının idarəedici orqanlarında təmsil olunub.

2012-ci ildə KGHM Polska Miedź şirkətində Maliyyə üzrə Vitse-Prezident vəzifəsini icra etməyə başlayıb. 2017-ci ildən isə Polşa Banklar Assosiasiyasının Vitse-Prezidenti kimi fəaliyyət göstərir.

7 Aprel 1975-ci il tarixində Azərbaycan Respublikası İmişli rayonunda anadan olmuşdur.

Təhsili

1992-ci ildə ikinci ixtisas qrupu üzrə ən yüksək balla Azərbaycan Dövlət İqtisad Universitetinə qəbul olmuş, 1997-ci ildə ali təhsilini bitirmiş, 2004-cü ildə Gürcüstan İctimai əlaqələr Institutunda Jurnalistika ixtisası üzrə ikinci ali təhsili almışdır. 2009-cu ildə iqtisad üzrə fəlsəfə doktoru və 2017-ci ildə isə iqtisad elmləri doktoru alimlik dərəcəsini müdafiə etmişdir. O, 2021-ci ildə Harvard Universitetinin Kennedi İdarəçilik Məktəbində "İqtisadi artımın idarəedilməsi" mövzusunda xüsusi proqram çərçivəsində təhsil almışdır. 2013-cü ildə Vüsal Qasımlıya dosent elmi adı verilmişdir.

2010-2014-cü illərdə V.Qasımlı UNEC-də Xüsusi İstedadlar Qrupu və MBA proqramı üzrə pedaqoji fəaliyyətlə məşğul olub.

V.Qasımlı Vaşinqton Universiteti, Kaliforniya Universiteti, Qahirə Amerika Univeristeti, Varşava Universiteti, Seulun Hanyan və Hankuk universitetləri və Rio-de-Janeyro Universitetində ictimai mühazirələr oxumuşdur.

2013-cü ildə Koreya Beynəlxalq İqtisadi Siyasət İnstitutunda qonaq alim kimi çalışmışdır.

2021-ci ildən Vüsal Qasımlı Prezident yanında Dövlət İdarəçilik Akademiyasında professor (0,5 ştat) vəzifəsində çalışır.

Onun Azərbaycan, rus, koreya və ingilis dillərində 10 kitabı və 500-ə qədər elmi və publisistik məqaləsi var.

Əmək fəaliyyəti

12.05.2000-06.12.2003 müddətində Ekspress qəzetinin redaksiyasında iqtisadi məsləhətçi,

15.02.2005-19.11.2005, “ANS-PRESS Nəşriyyat evi” MMC-də iqtisadi icmalçı,

19.11.2005-30.04.2007, “ANS-PRESS Nəşriyyat evi” MMC-də prezident,

09.02.2009-11.05.2011, Azərbaycan-İctimai-Siyasi Universitetində kafedra müdirinin müavini,

2007-2011-ci illərdə Avropa İttifaqı, Dünya Bankı, Yaponiya Beynəlxalq Əməkdaşlıq Təşkilatının (JİCA) və bir sıra beynəlxalq qurumların həyata keçirdiyi layihələrdə çalışmışdır.

2011-2016-cı illərdə Azərbaycan Respublikasının Prezidenti yanında Strateji Araşdırmalar Mərkəzinin İqtisadiyyatın təhlili və qloballaşma məsələləri şöbəsinin müdiri vəzifəsində işləmişdir.

015-ci ildə Böyük İyirmiliyin beyin mərkəzlərinin T20 platformasında Azərbaycanı təmsil etmişdir.

10.05.2016 tarixindən hal-hazıradək Azərbaycan Respublikası İqtisadi İslahatların Təhlili və Kommunikasiya Mərkəzinin icraçı direktorudur.

2018-ci ildə tərəqqi medalı ildə təltif edilmişdir.

Vüsal Qasımlı 2021-ci ildə BMT-nin Asiya və Sakit Okean Komissiyasının milli koordinatoru təyin olunmuşdur.

Ailəlidir, üç övladı var.

Maliyyə və idarəetmə məsləhətçiliyi sahəsində 17 ildən artıq təcrübəyə malik olan Kutay karyerasına HSBC Türkiyədə başlamış, daha sonra Peppers & Rogers Group şirkətində maliyyə xidmətləri üzrə məsləhətçi kimi fəaliyyət göstərmişdir. 2013-cü ildən etibarən Mastercard-da bir sıra əsas vəzifələrdə çalışaraq aparıcı maliyyə institutları ilə mühüm layihələr həyata keçirmişdir. 2022-ci ildə müştəri idarəçiliyi üzrə vitse-prezident vəzifəsini icra edərkən Türkiyənin regionun ən sürətlə inkişaf edən və aparıcı bazarlarından birinə çevrilməsində mühüm rol oynamışdır.

1977-ci ildə Azərbaycan Dövlət İqtisad Universitetinin “Mühasibat uçotu” fakultəsinə daxil olmuş və 1981-ci ildə “İqtisadçı” ixtisası üzrə tam kursu bitirmişdir. Əmək fəaliyyətini 1981-ci ildən Azərbaycan Respublikası Rabitə Nazirliyində, “Nəzarət-Təftiş” İdarəsində aparıcı mühasib kimi başlamışdır.

1981-1983-cü illərdə Hərbi xidmətdə olmuşdur. Hərbi xidməti  başa vurduqdan sonra 1983-cü ilin iyul ayından etibarən 1989-cu ilin yanvar ayınadək, Azərbaycan Respublikası Rabitə Nazirliyinin “Nəzarət-Təftiş” İdarəsində mühasib-revizor, Baş təftişçi və Baş mühasibin müavini kimi fəaliyyət göstərmişdir. 1989-cu ildən AR Rabitə Nazirliyinin “Rayon Rabitəsi” İstehsalat Birliyinə “Nəzarət və mühasibat uçotu” şöbəsinin rəisi vəzifəsinə təyin edilmişdir.

1993-1998-ci illərdə “Rabitəbank” SKB-nın İdarə Heyətinin Sədri vəzifəsində çalışmışdır və 1998-ci ildən hal-hazıradək “Rabitəbank” ASC-nin Müşahidə Şurasının Sədri vəzifəsində çalışır.

1996-cı ildə “Azərbaycan Banklar Assosiasiyası”nın Prezidenti vəzifəsinə seçilmiş və 2006-cı ilə qədər həmin vəzifədə çalışmışdır. 2006-cı ildən 2015-ci ilədək “Azərbaycan Banklar Assosiasiyası”nın Rəyasət Heyətinin üzvü olmuşdur. 2015-ci ildən yenidən “Azərbaycan Banklar Assosiasiyası”nın Prezidenti vəzifəsinə seçilmişdir.

Emil Zeynalov karyerasına Rusiyada fəaliyyət göstərən “Credit Europe Bank”da başlayıb. Daha sonra o, Azərbaycanda yerli kommersiya banklarında müxtəlif vəzifələrdə çalışıb.

Emil Zeynalov 6 ildən artıqdır ki, “Mastercard”da çalışır və bu müddət ərzində Azərbaycanda biznesin inkişafı və əlaqələrin idarə olunmasında müstəsna rol oynayıb.

Eren Özkan “Mastercard Advisors & Consulting Services” şirkətində Türkiyə, Azərbaycan, Ukrayna və Moldova üzrə klaster rəhbəridir. O, Avropa, Yaxın Şərq və Asiya-Sakit okean regionunu əhatə edən 20-dən çox ölkədə 16 illik idarəetmə konsaltinq təcrübəsinə malikdir və hazırda 4 yüksək inkişaf edən bazarda 130 nəfərlik komanda onun rəhbərliyi altında çalışır. Onun əsas fəaliyyət sahəsi maliyyə xidmətlərini əhatə edir. Bura inkişaf strategiyası, loyallıq, portfelin optimallaşdırılması, rəqəmsal transformasiya, müştərinin həyat dövrünün idarə edilməsi və analitikası, yeni məhsulların inkişaf etdirilməsi daxildir.

Otabek Nasirov Mərkəzi Asiya Fintex Assosiasiyasının sədri, “Cyber Park” və AICA-nın Ekspert Şurasının, həmçinin Özbəkistan Respublikasının Prezidenti yanında Xarici İnvestorlar Şurasının (FIC) işçi qruplarının üzvüdür.

Otabek Nasirov Mərkəzi Asiyada fintex bazarının və icmasının inkişafında, həmçinin tənzimləyici “qum qutuları”nın və fintex sənayesinin yerli qanunvericiliyinin, o cümlədən blokçeyn texnologiyası sahəsində təhsil, süni intellekt, rəqəmsal aktivlər, kibertəhlükəsizlik və s. konvergent texnologiyaların inkişafında fəal iştirak edir. Özbəkistanın Rəqəmsal Texnologiyalar Nazirliyi, Mərkəzi Bank, Rəqabətin Təşviqi və İstehlakçıların Hüquqlarının Müdafiəsi Komitəsi, Perspektivli Layihələr üzrə Milli Agentlik (NAPP) və Dövlət Vergi Komitəsi kimi əsas dövlət qurumlarında fintex icmasının maraqlarını təmsil və müdafiə edir.

O, “UMAY Angels Club” və “ICLUB by Venture Found TA Ventures”in üzvü olmaqla yanaşı, həm də Özbəkistan Vençur Kapitalı Assosiasiyası (UzVCA), Milli Vençur Kapital Fondu (UzVC) və “AloqaVentures” Vençur Fondu ilə əməkdaşlıq edir.

Bilik və təcrübəsini “Coca-Cola”, “Carlsberg Group”, “General Motors”, “Ernst &

Young”, həmçinin İsveçrənin Şaffhauzen Texnologiya İnstitutunun Beynəlxalq

Tədqiqat İnstitutu çərçivəsində Beynəlxalq Təlim Məktəbi kimi beynəlxalq və

qlobal şirkətlərdə qazanıb.

Daşkənd Dövlət Hüquq İnstitutunun və Moskvanın “Skolkovo” İdarəetmə

Məktəbinin məzunudur.

Otabek “Global Blockchain Business Council” (GBBC) assosiasiyasının və “Chapter Zero Uzbekistan” (İqlim İdarəetmə Təşəbbüsü | İİT) layihəsinin səfiridir.

Strategiyalar, biznes və korporativ inkişaf üzrə təcrübəli mütəxəssis olan Dirim Altunbaş inkişaf etməkdə olan bazarlarda rəqəmsal transformasiyanı sürətləndirmək sahəsində 10 ildən artıq təcrübəyə malikdir. Tərəfdaşlıq münasibələrinin qurulması sahəsində təcrübəsi sayəsində o, Şərqi Avropa, Yaxın Şərq və Afrika regionunda elektron ticarət və fintex sahələrində bir çox əhəmiyyətli layihələrə rəhbərlik edib. Hazırda “Mastercard”da fəaliyyət göstərən Dirim Altunbaş insanların imkanlarını genişləndirən və iqtisadiyyatları gücləndirən təhlükəsiz və rahat rəqəmsal ödəniş həllərinin miqyasının genişləndirilməsi ilə məşğul olur.

Edqar Abdullayev Türkiyənin Yeditepe Üniversitesinin, Biznesin İdarə  Olunması üzrə  Magistr təhsilini almışdır.

On altı illik idarəetmə təcrübəsi vardır. İş həyatının 11 ilini Telekommunikasiya,  2 ilini Nəqliyyat və Turizm sahəsində, 6 ilini isə Bankçılıq və Maliyyə Texnologiyaları sahəsində  işləmişdir. 2008 – 2014-cü illərdə, Azercell Telecom şirkətində Daxil Olan  Müraciətlərin İdarə Olunması Bölümünün Rəhbəri kimi fəaliyyət göstərmişdir.  2014 – 2016 – cı illərdə DOST TAXI MMC-nin Baş İcraçı Direktoru kimi  çalışmışdır. 2016 – 2019-cu ilin əvvəlinə qədər PAŞA Bank ASC-də təşkilati  İnkişaf və Keyfiyyətin Təminatı Departamentinin Direktoru vəzifəsində bir sıra  yeniliklərə imza atmış və bankda boyük dəyişikliyin idarə olunması  komandasının üzvü olmuşdur.

2019-cu ildən 2021-ci ilə  kimi Azerconnect şirkətində, Müştəri və Rəqəmsal  Xidmət İdarəsinin Direktoru vəzifəsində, böyük bir komanda ilə uğurlu şəkildə çalışmışdır. Hal-hazırda United Payment MMC şirkətinin Baş İcraçı Direktorudur və ölkənin “Rəqəmsal Ödəniş Strategiyasına” öz töhfəsini verməkdədir

Ramil Mahmudov Azərbaycan Respublikası Mərkəzi Bankının Ödəniş sistemləri və hesablaşmalar departamentinin direktor müavinidir. O, ödəniş sistemləri, elektron bankçılıq, kart biznesi, rəqəmsal ödənişlər üzrə 20 ildən artıq mərkəzi bankçılıq sahəsində təcrübəyə malikdir. Ödəniş təhcizatçıları və Fintech üçün bir sıra qayda və tövsiyələrin həmmüəllifi kimi o, həmçinin ödəniş sistemləri ekosistemi və ödəniş alətləri, həmçinin risklərin idarə edilməsi, fırıldaqçılığın idarə edilməsi, çarcbək qaydaları ilə bağlı beynəlxalq təcrübə ilə də tanışdır.

Cənab Mahmudov Lüksemburq Universitetində Bank işi və Maliyyə, Azərbaycan Dövlət İqtisad Universitetində isə Maliyyə üzrə magistr dərəcəsinə malikdir. O, Nyu York Universitetinin Stern Biznes Məktəbindən İdarəetmə təhsili diplomu və Avropa və Asiyada ödənişlər və idarəetmə sahəsində çoxsaylı təlim sertifikatları alıb.

Aleksandrın ödəniş sahəsində 20 ildən artıq təcrübəsi var. O, beGateway adlı white-label SaaS platformasını hazırlayan eComCharge şirkətində məhsul inkişafına rəhbərlik edir.

Vik Omelçenko Banza şirkətində kommersiya direktoru (CCO) və idarəedici tərəfdaşdır. 20 illik İT təcrübəsinə malik Vik uğurlu lider, vençur investor və startap mentorudur. Banza 17 ölkədə 200-dən çox əməkdaşı ilə fəaliyyət göstərir və 300-dən artıq biznesin avtomatlaşdırılması layihəsini uğurla başa çatdırıb. Şirkət CRM və BPM sistemləri, həmçinin veb və mobil tətbiqlər üzrə ixtisaslaşıb. Vik no-code texnologiyalar və proses idarəçiliyinin sinerjisi sayəsində bankçılıq, satış, logistika, istehsalat və müştəri xidməti sahələrində bizneslərin sürətlənməsinə və təkmilləşdirilməsinə kömək edir. O, tədbirdə no-code yanaşmanın müasir bizneslərə necə çeviklik və innovasiya gətirdiyini bölüşəcək. 

İskəndər Şodiev — Dubayda yerləşən və 20-dən çox ölkədə fəaliyyət göstərən süni intellekt əsaslı “zypl.ai” fintech şirkətinin Mərkəzi Asiya üzrə Regional Direktorudur. O, Mərkəzi Asiya və MDB regionunda strateji tərəfdaşlıqlara rəhbərlik edir, əsas diqqətini maliyyə sektorunda risklərin idarəedilməsi üçün süni intellekt həllərinə, sintetik məlumat (data) texnologiyalarına və banklar və mikromaliyyə təşkilatları üçün rəqəmsal transformasiyaya yönəldir.

İskəndər beynəlxalq şirkətlərdə marketinq, layihə idarəçiliyi və biznesin inkişafı sahəsində geniş təcrübəyə malikdir. MBA dərəcəsinə sahib olan Şodiev, texnologiya, maliyyə və innovasiyanı birləşdirərək inkişaf etməkdə olan bazarlarda artımı və tərəqqini dəstəkləyir.

Cəlal Orucov 1999-cu ildə Azərbaycan Dövlət İqtisad Universitetinin Maliyyə və Kredit fakültəsini bitirib.

O, 2001-ci ildə Avropa İttifaqının TACIS Proqramının Əlaqələndirmə Bürosunda aparıcı ekspert kimi əmək fəaliyyətinə başlayıb. 2002–2005-ci illərdə Azərbaycan Respublikası Mərkəzi Bankının Ödəniş sistemləri və İnformasiya texnologiyaları departamentində aparıcı ekspert, daha sonra şöbə müdiri vəzifəsində çalışıb. 2005–2006-cı illərdə Mərkəzi Bankın “Millikart” Emal Mərkəzinin direktoru olub.

2006–2016-cı illərdə “Millikart” MMC Emal Mərkəzinin İcraçı direktoru vəzifəsində fəaliyyət göstərib. 2016–2017-ci illərdə “Unibank”da texnologiyalar üzrə direktor (CTO), 2017–2018-ci illərdə isə Azərbaycan Beynəlxalq Bankında İdarəedici direktor vəzifəsində çalışıb.

Cəlal Orucov 2018-ci ildən “PAŞA Bank”da İcraçı Şuranın üzvü və Əməliyyatlar üzrə baş direktor (Chief Operations Officer) kimi fəaliyyət göstərir.

Dmytro Kovalenko BS/2-də Gürcüstan və Azərbaycanda biznesin inkişafı və tərəfdaşlıq fəaliyyətlərinə rəhbərlik edir. O, 2024-cü ildə şirkətə qoşulub və bank sektoru üzrə 20 ildən artıq təcrübəyə, həmçinin istehsalat və FinTech layihələrinin inkişafı sahəsində güclü təcrübəyə malikdir.

Mikheil Kapanadze texnologiya və siyasət sahəsində təcrübəli mütəxəssisdir və bankçılıq, dövlət qurumları və digər sahələrdə çoxşaxəli təcrübəyə malikdir. O, karyerasına 1997-ci ildə proqramçı kimi başlayıb və tədricən strateji və rəhbərlik vəzifələrinə yüksəlib.

2020-ci ildən Mikheil Gürcüstan Banklar Assosiasiyası çərçivəsində Açıq Bankçılıq təşəbbüsünə rəhbərlik edir, milli standartların hazırlanmasında iştirak edir və maliyyə institutlarını uyğunluğa yönləndirir. Bundan əvvəl o, Ədliyyə Nazirliyinin İctimai Xidmətlərin İnkişafı Agentliyində yüksək vəzifələrdə çalışıb və Gürcüstanın e-Hökumət ekosisteminin inkişafına mühüm töhfələr verib. Onun fəaliyyəti elektron şəxsiyyət vəsiqəsi infrastrukturunun təkmilləşdirilməsini və “Elektron sənəd və elektron etimad xidmətləri haqqında” qanunun həmmüəllifliyini əhatə edib. Bu işlər ölkənin rəqəmsal xidmətlər və etimad mexanizmlərinin əsaslarının formalaşmasına kömək edib.

2017–2019-cu illərdə o, həmin agentlikdə IT inkişafının direktor vəzifəsini vəzifə borcu üzrə müvəqqəti icra edərək əhali qeydiyyatı, vətəndaşlıq və miqrasiya kimi sahələri də nəzarətdə saxlayıb.

2023–2024-cü illərdə Mikheil Gürcüstanın növbəti nəsil e-pasport və e-şəxsiyyət vəsiqəsi proqramları üzrə məsləhətçi kimi fəaliyyət göstərib. Daha əvvəl, 2006–2012-ci illərdə Bank of Georgia-da yüksək təsirli bank layihələrində iştirak edib, o cümlədən IBAN-a keçid, PCI DSS uyğunluğu və RTGS inteqrasiyası. O, hazırda sistem arxitektoru və mentor kimi fəaliyyətini davam etdirir, proqram təminatı inkişafı, bulud texnologiyaları və təhlükəsiz rəqəmsal şəxsiyyət sahələrində dərin biliklərə malikdir.

Farrukh Farajullayev is a commercial leader with over 10 years of experience in the IT, cloud, and digital technology sectors. As the Chief Commercial Officer (CCO) at AzInTelecom, he drives commercial strategy and execution, overseeing key functions such as sales, marketing, product development, and business development. His expertise in cloud, digital solutions, and emerging technologies enables him to design and implement initiatives that deliver substantial revenue growth and business expansion.

Farrukh has played a pivotal role in the development and rollout of services including AzInTelecom’s cloud solutions, the SİMA digital solutions platform, and other innovative offerings designed to support businesses in their digital transformation journey. His strategic vision has led to effective go-to-market strategies aligned with market needs, resulting in significant revenue and market share growth.

Committed to customer satisfaction, innovation, and collaboration, Farrukh has cultivated strong relationships with clients, partners, and stakeholders, fostering long-term loyalty and sustainable success.

Vyaçeslav Fyodorov ödəniş sistemləri və e-commerce sahəsində 15 ildən artıq təcrübəyə malik mütəxəssisdir. O, Yandex.Dengi, Yota, DengiOnline, Go2See və Go2Sport kimi şirkətlərdə rəhbər vəzifələrdə çalışmış, bir sıra innovativ ödəniş həllərinin və layihələrin həyata keçirilməsinə rəhbərlik etmişdir.

Hal-hazırda AllSailing.Store layihəsinin idarəedici tərəfdaşı və Rusiya Federasiyası İdman Nazirliyinin idman sektorunun rəqəmsal transformasiyası üzrə işçi qrupunun üzvüdür.

Ekspert kimi startap məktəbləri və biznes inkubatorlarında (FRII, Ingria, Hack Day) mentorluq edir, həmçinin Skolkovo, Vedomosti, ComNews və digər nüfuzlu platformalarda e-commerce və elektron ödəniş sistemləri mövzusunda mütəmadi çıxışlar edir.

Onun əsas ixtisaslaşma sahələrinə rəqəmsal məhsulların inkişaf strategiyası, ödəniş infrastrukturunun qurulması, biznes proseslərinin avtomatlaşdırılması və layihələrin investisiya mərhələsinə hazırlanması daxildir.

Mən sizin şirkətinizə dəstək olmaq üçün təkmil Hamısı Bir Arada Risk və Uyğunluq xidmətləri təqdim edən Sanction Scanner şirkətinin təsisçisi və baş direktoruyam. Mən 2018-ci ildən maliyyə cinayətlərinin qarşısının alınması və maliyyə institutları və bizneslər üçün təhlükəsiz və uyğun əməliyyatların aparılması missiyası ilə Sanksiya Skanerinə rəhbərlik edirəm.

Ödəniş, fintech və bank həllərinin işlənib hazırlanmasında 15 ildən artıq təcrübəmlə mən maliyyə sənayesindəki çətinlikləri və imkanları dərindən başa düşürəm. Mənim kompüter elmləri üzrə magistr dərəcəsi və biznesin idarə edilməsi və texnologiyanın idarə edilməsi üzrə MBA dərəcəsi var.

Endryu Ryabçuk Qlobal ödəniş proqram təminatı tədarükçüsü olan Akurateco şirkətinin təsisçisi və texniki direktoru (CTO)dur. Şirkət ödəniş xidməti təminatçıları, banklar və beynəlxalq ticarətçilər üçün fərdiləşdirilə bilən, PCI DSS sertifikatlı həllər təqdim edir.

Onlayn ödənişlər sahəsində 20 ildən çox təcrübəyə malik olan Endryu, bizneslər üçün gəlirliliyi artıran və ödəniş emalı xərclərini azaldan məhsulların hazırlanması üzrə dərin bilik və təcrübəyə sahibdir.

2019-cu ildə Akurateco şirkətini təsis etdikdən bəri o, şirkətin inkişaf və arxitektura proseslərinə rəhbərlik edir.

İlker Kurtuluş məlumat, analitika və süni intellekt sahəsində 10 ildən artıq təcrübəyə malik peşəkar rəhbərdir. O, məlumat əsaslı strategiyalar vasitəsilə maliyyə institutları və fintech şirkətlərində transformasiya proseslərinə rəhbərlik etmişdir.

Hazırda Mastercard Advisors & Consulting Services bölməsində direktor vəzifəsində çalışan İlker, maliyyə qurumlarına məlumatların modernləşdirilməsi, generativ süni intellektin (GenAI) tətbiqi və məhsul strategiyasının formalaşdırılması istiqamətində dəyər yaratmağa kömək edir.

“Mastercard”a qoşulmazdan əvvəl o, aparıcı bank və fintech şirkətlərində Məlumat idarəetməsi ofislərinə rəhbərlik etmiş, genişmiqyaslı məlumat platformaları, GenAI və monetizasiya layihələri vasitəsilə ölçülə bilən nəticələr əldə etmişdir. Onun ixtisaslaşdığı sahələrə məlumat strategiyası, idarəetmə və innovasiya daxildir. İlkerin məqsədi tətbiqi GenAI və ağıllı avtomatlaşdırma vasitəsilə gələcəyə hazır təşkilatlar qurmaqdır.

Analitik dəqiqliyi və strateji baxışı ilə tanınan İlker, maliyyə ekosistemlərinin daha ağıllı, inklüziv və süni intellektlə gücləndirilmiş əməliyyatlara keçidinə töhfə verməyə sadiqdir. Peşəkar fəaliyyətindən kənarda isə o, məlumat sahəsində gənc istedadların mentorluğuna və yeni texnologiyaların iqtisadi transformasiyaya təsirini araşdırmağa böyük maraq göstərir.

Bora Gül 2009-cu ildə Sakarya Universitetinin Kompüter Mühəndisliyi fakültəsini bitirib və karyerasına Türkiyə Sığorta şirkətində Proqram Mühəndisi olaraq başlayıb. Buradakı təcrübəsindən sonra, sığorta sektoruna proqram təminatı həlləri təqdim edən Agito şirkətində təxminən üç il yarım Proqram Mühəndisi kimi çalışıb.

Daha sonra Türkiyənin ən böyük proqram təminatı şirkətlərindən biri olan OBSS-ə qoşulan Gül, burada beş il müddətində Texniki Lider, Resurs Meneceri və Hesab Meneceri vəzifələrində çalışıb; bank sektoruna yönəlik geniş miqyaslı rəqəmsal transformasiya layihələrində həm texniki, həm də operativ məsuliyyətlər daşıyıb.

2018-ci ildə Yıldıray Yılmaz ilə birlikdə Assistbox şirkətini quraraq sahibkarlıq yoluna qədəm qoyub; şirkətin satış, biznesin inkişafı və böyümə proseslərinə rəhbərlik edir. Bu gün Assistbox maliyyə, sığorta və pərakəndə kimi bir çox sektorda video görüş texnologiyaları ilə seçilən bir SaaS həllidir.

Bora Gül texnologiya və proqram təminatı sahəsindəki biliklərini sektor təcrübəsi və liderlik bacarıqları ilə birləşdirərək iş dünyasına dəyər qatmağa davam edir.

Expresspay'in rəhbəri

Hamid Mastercard Services şirkətində Biznesin İnkişafı direktoru vəzifəsində çalışır. O, Azərbaycandakı maliyyə institutları ilə strateji tərəfdaşlıqlara rəhbərlik edir və onlara Mastercard-ın qabaqcıl texnologiyaları, analitika və məsləhət həlləri vasitəsilə dəyər yaratmaqda köməklik göstərir.

Mastercard-a qoşulmazdan əvvəl Hamid bankçılıq və idarəetmə konsaltinqi sahəsində 10 ildən artıq təcrübəyə malik olub. O, McKinsey & Company və “Böyük Dördlük” şirkətlərində (Big Four) Azərbaycan və Yaxın Şərqdə fəaliyyət göstərib. Hamid Bankçılıq, FinTex, İstehsalat və Pərakəndə ticarət sektorlarında aparıcı təşkilatlara biznes strategiyası, yeni təkliflərin hazırlanması, bazara çıxış strategiyası və əməliyyat modelinin transformasiyası istiqamətlərində məsləhətlər verib.

Cənab Reşat Kökçen hazırda Mastercard şirkətində EEMEA regionu üzrə Kibertəhlükəsizlik Satışlarının vitse-prezidenti vəzifəsində çalışır. Bu mühüm rolda o, etibarlı rəqəmsal ekosistemin qurulmasına və region üzrə dayanıqlılığın artırılmasına həsr olunub, bütün tərəfdaşların dəyişən kibertəhlükələrə qarşı qorunmasını təmin edir.

O, kibertəhlükəsizlik, bulud texnologiyaları və fırıldaqçılığın qarşısının alınması sahələrində 15 ildən artıq təcrübəyə malikdir və xüsusilə yeni yaranan texnoloji məhsulların bazara çıxarılması üzrə ixtisaslaşıb. Reşat Kökçen maliyyə, pərakəndə ticarət, e-ticarət, telekommunikasiya və ağıllı şəhərlər kimi müxtəlif sahələrdə transformativ layihələrə uğurla rəhbərlik edib.

Mastercard-da hazırkı vəzifəsindən öncə o, şirkətdə Şərqi Avropa ölkələri üzrə SSO Biznesin İnkişafı rəhbəri kimi mühüm liderlik təcrübəsi qazanıb.

Mastercard-a qoşulmazdan əvvəl və Sənaye mühəndisliyi üzrə təhsilini tamamladıqdan sonra, Reşat Kökçen müxtəlif sahələrdə qabaqcıl texnoloji məhsullara yönəlmiş seqment, məhsul idarəçiliyi və biznesin inkişafı üzrə müxtəlif vəzifələrdə çalışıb.

Fatih Alali süni intellekt, risklərin idarə edilməsi və bankçılıq sahəsində 15 ildən çox təcrübəyə malik olan peşəkar liderdir. Onun karyerası Mastercard, McKinsey & Company, SAS və bank sektoru üzrə müxtəlif rəhbər və məsləhətçi vəzifələrini əhatə edir. Mastercard-da o, Vitse-Prezident kimi AI strategiyası və istifadə hallarının tətbiqi, anderraytinq, kolleksiya prosesləri və ödənişlərin transformasiyası üzrə təşəbbüslərə rəhbərlik edir. Onun fəaliyyət coğrafiyası Türkiyə, MDB və Mərkəzi–Şərqi Avropanı əhatə edir.

Mastercard-a qoşulmazdan əvvəl Fatih, McKinsey-də böyük banklar və fintexlər üçün böyüməni sürətləndirən və riskləri azaldan süni intellekt əsaslı transformasiya layihələrinə rəhbərlik edib. Karyerasının əvvəlində SAS-da çalışarkən, strateji risk analitikası proqramlarını idarə edib.

Dərin kəmiyyət biliklərini strateji konsaltinq təcrübəsi ilə birləşdirən Fatih, maliyyə sektoru üzrə C-level rəhbərlərlə birlikdə innovasiya, dayanıqlıq və davamlı inkişafı təşviq edən təşəbbüslərə liderlik edir.

Özgün Kars maliyyə texnologiyaları, qlobal ödəniş sistemləri və AML uyğunluğu üzrə ixtisaslaşmış Solution Advisor-dır. 15 ildən artıq təcrübəyə malik olan Özgün, EMEA regionunda aparıcı maliyyə qurumları üçün SWIFT infrastrukturunun və AML uyğunluq platformalarının hazırlanması və tətbiqində mühüm rol oynayıb. Onun əsas ekspertizası kompleks tənzimləmə və əməliyyat tələblərini təhlükəsiz, səmərəli və miqyaslana bilən maliyyə sistemlərinə çevirməkdən ibarətdir.

Bakıda keçirilən Beynəlxalq Bankçılıq Forumunda o, qabaqcıl texnologiyalar vasitəsilə transsərhəd ödənişlərin sürətinin, şəffaflığının və tənzimləməyə uyğunluğunun gücləndirilməsi ilə bağlı fikirlərini bölüşəcək.

Orxan İsmayılov 2008–2012-ci illərdə Azərbaycan Dövlət İqtisad Universitetində Beynəlxalq Münasibətlər ixtisası üzrə bakalavr təhsili almış, 2021–2023-cü illərdə isə ADA Universitetində Dövlət İdarəçiliyi üzrə magistr dərəcəsini əldə etmişdir. O, dövlət idarəçiliyi, strateji tərəfdaşlıqların qurulması, rəqəmsal hökumət və innovasiya sahələrində dərin peşəkar təcrübəyə malik mütəxəssisdir.

Karyerasına 2008-ci ildə Təhsil Nazirliyinin regional şöbəsində Məlumatların İdarə Edilməsi Sistemləri üzrə mütəxəssis kimi başlamış, burada dövlət idarəçiliyi və informasiya sistemlərinin tətbiqi sahəsində praktiki bacarıqlar qazanmışdır. 2013–2018-ci illərdə özəl sektorda beynəlxalq iqtisadi tərəfdaşlıqlar üzrə baş mütəxəssis kimi çalışaraq beynəlxalq əməkdaşlıq, bazar araşdırmaları və qlobal layihələrin koordinasiyası istiqamətində mühüm təcrübə toplamışdır.

2018–2023-cü illərdə Elektron Hökumətin İnkişafı Mərkəzində Marketinq və Kommersiya şöbəsinə rəhbərlik etmiş, rəqəmsal hökumət xidmətlərinin təşviqi, istifadəçi təcrübəsinin yaxşılaşdırılması və kommersiya strategiyalarının formalaşdırılması üzrə aparıcı layihələrə rəhbərlik etmişdir.

2023-cü ildən etibarən İnnovasiya və Rəqəmsal İnkişaf Agentliyində Strateji tərəfdaşlıq şöbəsinə rəhbərlik edir və dövlət qurumları, beynəlxalq təşkilatlar və özəl sektor arasında əməkdaşlıqların qurulmasına yönəlik təşəbbüslərə rəhbərlik edir. O, həmçinin I Yüksəliş müsabiqəsinin finalçısı və texnologiya sahəsində startap təsisçisidir.

Tamerlan Məşədihəsənli AzIntelecom-da “Məhsul və Xidmətlər” şöbəsinin rəhbəridir. Rəqəmsal həllər üzrə peşəkar mütəxəssis kimi tanınan Tamerlan, Azərbaycanda innovativ texnologiyaların inkişafına əhəmiyyətli töhfələr verib. 27 yaşında "Alim" adını qazanmış bu bacarıqlı gənc, müxtəlif sektorlar üzrə rəqəmsallaşmanın genişləndirilməsində xidmət göstərmişdir. Xüsusilə, SİMA vasitəsilə təhlükəsiz rəqəmsal identifikasiya xidmətlərinin inkişafında göstərdiyi liderlik bacarıqları ilə Azərbaycanın rəqəmsal transformasiyasında aparıcı şəxslərdən biri hesab olunur.

1988-ci ildə Azərbaycanda anadan olmuş Vüqar Məmmədrzayev maliyyə xidmətləri və ödəniş texnologiyaları sahəsində 15 ildən artıq təcrübəyə malik yüksək səviyyəli rəhbərdir. O, karyerasına 2008-ci ildə Azərbaycan Royal Bankında başlayıb və bu müddət ərzində qlobal ödəniş sistemləri, operativ səmərəlilik, risklərin idarə edilməsi və innovasiya sahəsində dərin ekspertiza qazanaraq sənayenin aparıcı mütəxəssislərindən birinə çevrilib.

Karyerası boyunca o, B2B, B2C və C2C kanalları üzrə böyük miqyaslı qlobal ödəniş portfellərini idarə etmiş, aylıq dövriyyəsi 115 milyon ABŞ dollarını ötən əməliyyatlara nəzarət etmiş və 85 ölkədə 60-dan çox maliyyə institutu ilə strateji tərəfdaşlıqlar qurmuşdur. Müştəriyönümlü yanaşması və güclü kommersiya bacarıqları çalışdığı təşkilatların inkişafına ardıcıl töhfə verib.

Fərqli bazarlar üzrə komandalarla iş təcrübəsi və formalaşdırdığı kommunikasiya strategiyaları müştəri məmnuniyyətinin gücləndirilməsində və təşkilati uyğunluğun artırılmasında mühüm rol oynayıb. O, həmçinin idarə heyətlərinə mütəmadi olaraq yüksək səviyyəli təqdimatlar edir və daxili qərarvermə proseslərinə töhfə verir.

Daimi inkişafı prioritet hesab edən Vüqar Məmmədrzayev hər il ən azı bir innovasiya yönümlü layihəyə rəhbərlik edir və proseslərin optimallaşdırılması, uzunmüddətli dəyər yaradılması kimi istiqamətlərə fokuslanır. Onun topladığı təcrübə və liderlik yanaşması onu ödəniş texnologiyaları sektorunda etibarlı fikir liderinə çevirir.

1988-ci il fevralın 15-də anadan olub. Orta təhsilini ABŞ-ın Kolorado ştatında yerləşən Pritchett High School-da başa vurduqdan sonra 2006–2010-cu illərdə Azərbaycan Dövlət İqtisad Universitetində (UNEC) Xüsusi İstedadlar Qrupunda maliyyə ixtisası üzrə bakalavr təhsili alıb. 2023-2025-cü illərdə İspaniyanın nüfuzlu ali təhsil müəssisəsi olan IE Business School-un Global Executive MBA (GXMBA) proqramı üzrə təhsilini davam etdirib.

Peşəkar fəaliyyətinə Azercell Telecom MMC-də başlayıb. Daha sonra Unibank KB ASC-nin Xəzinədarlıq Departamentində şöbə rəhbəri kimi fəaliyyət göstərərək maliyyə bazarlarında effektiv idarəetmə və risk menecmenti bacarıqlarını nümayiş etdirib. Sonrakı illərdə Unicapital İnvestisiya Şirkəti ASC-də rəhbər vəzifədə çalışaraq şirkətin strateji hədəflərinə nail olunmasında mühüm rol oynayıb.

Hazırda ölkənin aparıcı investisiya şirkətlərindən biri olan ABB-İnvest İnvestisiya Şirkəti QSC-də İcraçı direktor vəzifəsində çalışır. Bununla yanaşı, Azərbaycan Kapital Bazarları Assosiasiyasında (AKBA) Direktorlar Şurasının üzvü və Azərbaycan Respublikasının Milli Depozit Mərkəzində (MDM) Müşahidə Şurasının üzvü kimi fəaliyyət göstərir.

Oqtay Qasımov 2023-cü ilin noyabrında Bakı Fond Birjasına Baş Kommersiya İnzibatçısı təyin edilib. 2005-ci ildən bankçılıq karyerası ilə ticarət, xəzinədarlıq və kapital bazarlarına diqqət üzrə geniş təcrübəyə malik olan Oqtay Qasımov hal hazırda biznesin inkişafı, kapital bazarlarında əlaqələr və marketinq şöbələrinə nəzarət edir. Hazırkı vəzifəsindən əvvəl Oqtay Qasımov PASHA Private Banking-də sərvətin idarə edilməsi meneceri vəzifəsində çalışaraq yüksək maliyyəyə sahib müştərilərə hədəflənmiş maliyyə məsləhətləri verib. 2007-ci ildə Azərbaycan Dövlət İqtisad Universitetinin fərqlənmə məzunu, bank işi və maliyyə ixtisası üzrə magistr dərəcəsinə malikdir. Oqtay Qasımov 2023-cü ildən etibarən CFA İnstitutunun Sertifikatlı Maliyyə Analitiki (CFA) tituluna malikdir.

Javidan Afandiyev is a specialist with over 10 years of experience in the banking and financial ecosystem of Azerbaijan, combating both financial and non-financial fraud.

Throughout his career, he has worked in various capacities in banks, processing centers, and the Azerbaijan Banks Association, contributing to the development and implementation of anti-fraud strategies in the country.

He currently works at the International Bank of Azerbaijan OJSC and focuses on strengthening fraud prevention mechanisms, improving risk management, and implementing modern anti-fraud solutions.

His professional skills include fraud detection and prevention, analysis, fraud risk assessment, anti-fraud systems integration, training and education, digital payment security, and industry collaboration.

Tamerlan Məşədihəsənli AzIntelecom-da “Məhsul və Xidmətlər” şöbəsinin rəhbəridir. Rəqəmsal həllər üzrə peşəkar mütəxəssis kimi tanınan Tamerlan, Azərbaycanda innovativ texnologiyaların inkişafına əhəmiyyətli töhfələr verib. 27 yaşında "Alim" adını qazanmış bu bacarıqlı gənc, müxtəlif sektorlar üzrə rəqəmsallaşmanın genişləndirilməsində xidmət göstərmişdir. Xüsusilə, SİMA vasitəsilə təhlükəsiz rəqəmsal identifikasiya xidmətlərinin inkişafında göstərdiyi liderlik bacarıqları ilə Azərbaycanın rəqəmsal transformasiyasında aparıcı şəxslərdən biri hesab olunur.

Rüstəm Abbasov ABB Bankda Yeni Nəsil ATM-lərin Baş Məhsul Sahibidir. 15+ illik bank və ödəniş texnologiyaları təcrübəsi ilə smart cash-in/cash-recycling, əməliyyat təhlükəsizliyi və müştəri təcrübəsinin rəqəmsallaşdırılması üzrə innovativ layihələrə rəhbərlik edir.

Elmir Həsənli Azərbaycan Mərkəzi Bankında Data Operations və Analytics bölməsinin rəhbəridir.

O, bankçılıq və maliyyə sektorunda 15 ildən artıq təcrübəyə malikdir, Mərkəzi Banka qoşulmazdan əvvəl isə xarici investisiyalı bankda Maliyyə Direktoru kimi çalışmışdır. Elmir data idarəetməsi, analitika və rəqəmsal transformasiya sahələrində əsas təşəbbüslərə rəhbərlik edərək, data əsaslı qərarvermə və təşkilati səmərəliliyin gücləndirilməsinə töhfə verir.

O, ACCA üzvü və CDMP sertifikatına sahibdir, bu da onun maliyyə idarəçiliyi, data governance və beynəlxalq standartlar üzrə güclü ekspertizasını göstərir. Hal-hazırda Mərkəzi Bankda Elmir Həsənli SupTech və RegTech yönümlü layihələrinin icrasında aparıcı rol oynayır və tənzimləyici ekosistemin modernləşdirilməsinə dəstək verir.

Bank Respublika ASC-də İnformasiya Təhlükəsizliyi Departamentinin direktorudur. Kiber təhlükəsizlik, İT əməliyyatları və bank texnologiyaları  sahəsində 20 ildən artıq təcrübəyə malikdir. Bank sektoru ilə yanaşı, təhsil və  maliyyə sektorlarında bir sıra kibertəhlükəsizlik layihələri həyata keçirmişdir.  Azərbaycan Dövlət Neft Akademiyasının Biznesin İdarəedilməsi ixtisası üzrə  magistr dərəcəsinə sahibdir. Cisco Networking Academy-də uzunillik tədris  təcrübəsinə malik peşəkar təlimçidir. İT, informasiya təhlükəsizliyi və  kiber təhlükəsizlik sahələrində sertifikatlara malikdir.

Bank və korporativ sektorda 25 ildən artıq təcrübəyə malik, maliyyə bazarları, investisiyalar və xəzinədarlıq sahəsində ixtisaslaşmış təcrübəli rəhbərdir. Fəaliyyəti ərzində ölkənin aparıcı maliyyə qurumlarında əsas idarəetmə vəzifələrində çalışmış, o cümlədən Bakı Fond Birjasında İdarə Heyəti sədrinin vəzifəsini icra etmişdir.

Peşəkar təcrübəsi aktivlərin və likvidliyin idarə edilməsini, valyuta əməliyyatlarını, beynəlxalq maliyyə əlaqələrini və maliyyə proseslərinin optimallaşdırılması üzrə strategiyaların hazırlanmasını əhatə edir. Xarici maliyyə institutları ilə əməkdaşlıq çərçivəsində bir sıra layihələrin həyata keçirilməsində iştirak etmişdir.

Hazırda Azər-Türk Bank ASC-in İnvestisiya Mərkəzinə rəhbərlik edərir.

Beynəlxalq MBA təhsili və çoxşaxəli təcrübəsi yerli və qlobal maliyyə proseslərini dərindən dərk edərək praktiki bacarıqları effektiv şəkildə tətbiq etməyə imkan verir.

Elşad İbrahimov 2025-ci ilin Noyabr ayından etibarən Kapital Bank ASC-nin Xəzinədarlıq departamentinin direktoru vəzifəsinə təyin olunub. Bu təyinatdan əvvəl o, “Assist Finance İnvestisiya Şirkəti” ASC-nin Müşahidə Şurasının sədri və 2024–2025-ci illərdə “InvestAZ Yatırım şirkətində” Baş maliyyə inzibatçısı və İdarə Heyətinin üzvü kimi fəaliyyət göstərib. Daha əvvəlki dövrdə “AFB Bank”da İdarə Heyətinin üzvü, Xəzinədarlıq departamentinin direktoru vəzifələrində çalışıb.  2013-2017-ci iilərdə isə “DəmirBank” ASC-də Xəzinədarlıq departamentinə rəhbərlik etmiş, həmçinin müxtəlif maliyyə qurumlarında rəhbər vəzifələrdə çalışmışdır. Azərbaycan Dövlət İqtisad Universitetində Biznesin təşkili və idarəedilməsi üzrə bakalavr və magistr pillələrində təhsil almışdır. 2018-2020-ci illərdə İngiltərənin Sheffield Universitetində Executive MBA dərəcəsi üzrə təhsilini başa vurmuşdur. 

Rəqəmsal maliyyə, tənzimləmə innovasiyaları və yeni texnologiyalar sahəsində geniş təcrübəyə malik FinTech eksperti. Azərbaycan Mərkəzi Bankında səkkiz ildən artıq fəaliyyətim ərzində rəqəmsal identifikasiya sistemi, FinTech sahəsində tənzimləmələr və xüsusi tənzimləmə rejimi kimi mühüm rəqəmsal transformasiya təşəbbüslərinə rəhbərlik etmişəm. Karyeram boyunca ölkənin FinTech ekosisteminin formalaşmasında, tənzimləyici islahatların həyata keçirilməsində və maliyyə inklüzivliyinin artırılmasında mühüm rol oynamışam. Ekspertizam maliyyə texnologiyaları və bu sahədə tənzimləmələrin yaradılması sahələrini əhatə edir; hazırkı fəaliyyətim isə virtual aktivlərin tənzimlənməsi, CBDC layihəsi və milli maliyyə sisteminin modernləşdirilməsini dəstəkləyən təhlükəsiz, effektiv, innovasiyaya açıq maliyyə həllərinin yaradılmasına yönəlmişdir.

AMB, Ödəniş Sistemləri və Məhsulların İnkişafı departamenti, Böyük mütəxəssis