VI BEYNƏLXALQ BANKÇILIQ FORUMU

Azərbaycan Respublikası Mərkəzi Bankının sədri

Alpaslan Çakar, Ankara Universitetinin Siyasi Elmlər və Dövlət İdarəçiliyi Fakültəsini bitirmişdir. 1996-cı ildə Çakar bankımızda Auditor Köməkçisi vəzifəsində çalışmağa başlamışdır. Daha sonra Auditor və Departament Meneceri vəzifələrinə qədər yüksəlmişdir, 2005-ci ildə isə Regional Baş Direktor vəzifəsinə təyin edilmişdir. Alpaslan Çakar müxtəlif illərdə müxtəlif vəzifələrdə çalışmış, 2021-ci ilin martından isə Ziraat Bank-da baş icraçı direktor (CEO) və Rəyasət Heyətinin üzvi olmuşdur. Eyni ildən isə Kredit Komitəsinin sədri vəzifəsində çalışmağa başlamışdır. 2021-ci ilin aprelindən isə Türkiyə Banklar Birliyinin sədridir. 2021-ci ilin may ayından Türkiyənin Varlıq Fondunun Rəyasət Heyətinin üzvidir. 2022-ci ilin fevralından isə Ziraat Katılım Bankının Rəyasət Heyəti sədri vəzifəsini icra etməkdədir. 

Orxan Məmmədov 1984-cü ildə Bakı şəhərində anadan olub.

2005-ci ildə Bakı Dövlət Universitetinin Beynəlxalq Münasibətlər fakültəsini bitirib.

2005-ci ildə Beynəlxalq Biznes və Maliyyə Proqramı üzrə Böyük Britaniyanın Regent Universitetində təhsil alıb.

2009-cu ildə Biznes administrasiyası üzrə magistr, 2012-ci ildə isə Azərbaycan Dövlət İqtisad Universitetində Maliyyə və Kredit üzrə ikinci təhsil alıb.

Sənaye və Energetika Nazirliyində, İqtisadiyyat Nazirliyində müxtəlif vəzifələrdə çalışıb.

27 fevral 2018-ci il tarixindən Azərbaycan Respublikası Kiçik və Orta Biznesin İnkişafı Agentliyinin İdarə Heyətinin sədri vəzifəsinə təyin edilib.

İngilis, rus və türk dillərində sərbəst danışır.

1977-ci il iyunun 7-də Qubadlı rayonunun Həmzəli kəndində anadan olmuşdur. Azərbaycan Dövlət İqtisad Universitetinin Beynəlxalq iqtisadi münasibətlər fakültəsini bitirmişdir. Oksford Universitetində «İqtisadiyyat və siyasət» xüsusi proqramı üzrə təhsil almışdır. İqtisad elmləri üzrə fəlsəfə doktorudur. «Tərəqqi» medalı ilə təltif edilmişdir. 1 monoqrafiya və 9 elmi məqalənin müəllifidir.

2000–2011-ci illərdə «Ultra Computers» MMC-də mühəndis, direktor, 2011– 2015-ci illərdə Azərbaycan Respublikası İqtisadi İnkişaf Nazirliyində baş məsləhətçi, iqtisadiyyat və sənaye nazirinin müşaviri vəzifələrində çalışmışdır. 2000-ci ildən Azərbaycan Dövlət İqtisad Universitetinin müəllimidir.

Yeni Azərbaycan Partiyası İdarə Heyətinin üzvüdür.

Beşinci çağırış Azərbaycan Respublikası Milli Məclisinin deputatı olmuşdur.

Milli Məclisin İqtisadi siyasət, sənaye və sahibkarlıq komitəsinin sədridir. Azərbaycan-Avstriya parlamentlərarası əlaqələr üzrə işçi qrupunun rəhbəri, Belarus, Birləşmiş Ərəb Əmirlikləri, Böyük Britaniya, Çin, İspaniya, İsveçrə, İtaliya, Kanada, Koreya, Litva, Niderland, Türkiyə, Yaponiya parlamentləri ilə əlaqələr üzrə işçi qruplarının üzvüdür.

ATƏT-in Parlament Assambleyasında və Avronest Parlament Assambleyasında Azərbaycan nümayəndə heyətlərinin üzvüdür.

1977-ci ildə Azərbaycan Dövlət İqtisad Universitetinin “Mühasibat uçotu” fakultəsinə daxil olmuş və 1981-ci ildə “İqtisadçı” ixtisası üzrə tam kursu bitirmişdir. Əmək fəaliyyətini 1981-ci ildən Azərbaycan Respublikası Rabitə Nazirliyində, “Nəzarət-Təftiş” İdarəsində aparıcı mühasib kimi başlamışdır.

1981-1983-cü illərdə Hərbi xidmətdə olmuşdur. Hərbi xidməti  başa vurduqdan sonra 1983-cü ilin iyul ayından etibarən 1989-cu ilin yanvar ayınadək, Azərbaycan Respublikası Rabitə Nazirliyinin “Nəzarət-Təftiş” İdarəsində mühasib-revizor, Baş təftişçi və Baş mühasibin müavini kimi fəaliyyət göstərmişdir. 1989-cu ildən AR Rabitə Nazirliyinin “Rayon Rabitəsi” İstehsalat Birliyinə “Nəzarət və mühasibat uçotu” şöbəsinin rəisi vəzifəsinə təyin edilmişdir.

1993-1998-ci illərdə “Rabitəbank” SKB-nın İdarə Heyətinin Sədri vəzifəsində çalışmışdır və 1998-ci ildən hal-hazıradək “Rabitəbank” ASC-nin Müşahidə Şurasının Sədri vəzifəsində çalışır.

1996-cı ildə “Azərbaycan Banklar Assosiasiyası”nın Prezidenti vəzifəsinə seçilmiş və 2006-cı ilə qədər həmin vəzifədə çalışmışdır. 2006-cı ildən 2015-ci ilədək “Azərbaycan Banklar Assosiasiyası”nın Rəyasət Heyətinin üzvü olmuşdur. 2015-ci ildən yenidən “Azərbaycan Banklar Assosiasiyası”nın Prezidenti vəzifəsinə seçilmişdir.

7 Aprel 1975-ci il tarixində Azərbaycan Respublikası İmişli rayonunda anadan olmuşdur.

Təhsili

1992-ci ildə ikinci ixtisas qrupu üzrə ən yüksək balla Azərbaycan Dövlət İqtisad Universitetinə qəbul olmuş, 1997-ci ildə ali təhsilini bitirmiş, 2004-cü ildə Gürcüstan İctimai əlaqələr Institutunda Jurnalistika ixtisası üzrə ikinci ali təhsili almışdır. 2009-cu ildə iqtisad üzrə fəlsəfə doktoru və 2017-ci ildə isə iqtisad elmləri doktoru alimlik dərəcəsini müdafiə etmişdir. O, 2021-ci ildə Harvard Universitetinin Kennedi İdarəçilik Məktəbində "İqtisadi artımın idarəedilməsi" mövzusunda xüsusi proqram çərçivəsində təhsil almışdır. 2013-cü ildə Vüsal Qasımlıya dosent elmi adı verilmişdir.

2010-2014-cü illərdə V.Qasımlı UNEC-də Xüsusi İstedadlar Qrupu və MBA proqramı üzrə pedaqoji fəaliyyətlə məşğul olub.

V.Qasımlı Vaşinqton Universiteti, Kaliforniya Universiteti, Qahirə Amerika Univeristeti, Varşava Universiteti, Seulun Hanyan və Hankuk universitetləri və Rio-de-Janeyro Universitetində ictimai mühazirələr oxumuşdur.

2013-cü ildə Koreya Beynəlxalq İqtisadi Siyasət İnstitutunda qonaq alim kimi çalışmışdır.

2021-ci ildən Vüsal Qasımlı Prezident yanında Dövlət İdarəçilik Akademiyasında professor (0,5 ştat) vəzifəsində çalışır.

Onun Azərbaycan, rus, koreya və ingilis dillərində 10 kitabı və 500-ə qədər elmi və publisistik məqaləsi var.

Əmək fəaliyyəti

12.05.2000-06.12.2003 müddətində Ekspress qəzetinin redaksiyasında iqtisadi məsləhətçi,

15.02.2005-19.11.2005, “ANS-PRESS Nəşriyyat evi” MMC-də iqtisadi icmalçı,

19.11.2005-30.04.2007, “ANS-PRESS Nəşriyyat evi” MMC-də prezident,

09.02.2009-11.05.2011, Azərbaycan-İctimai-Siyasi Universitetində kafedra müdirinin müavini,

2007-2011-ci illərdə Avropa İttifaqı, Dünya Bankı, Yaponiya Beynəlxalq Əməkdaşlıq Təşkilatının (JİCA) və bir sıra beynəlxalq qurumların həyata keçirdiyi layihələrdə çalışmışdır.

2011-2016-cı illərdə Azərbaycan Respublikasının Prezidenti yanında Strateji Araşdırmalar Mərkəzinin İqtisadiyyatın təhlili və qloballaşma məsələləri şöbəsinin müdiri vəzifəsində işləmişdir.

015-ci ildə Böyük İyirmiliyin beyin mərkəzlərinin T20 platformasında Azərbaycanı təmsil etmişdir.

10.05.2016 tarixindən hal-hazıradək Azərbaycan Respublikası İqtisadi İslahatların Təhlili və Kommunikasiya Mərkəzinin icraçı direktorudur.

2018-ci ildə tərəqqi medalı ildə təltif edilmişdir.

Vüsal Qasımlı 2021-ci ildə BMT-nin Asiya və Sakit Okean Komissiyasının milli koordinatoru təyin olunmuşdur.

Ailəlidir, üç övladı var.

Mastercard Türkiyə və Azərbaycanın Baş meneceri Avşar Gürdal İstanbulun Boğaziçi Universitetindən Mexanika Mühəndisliyi Fakultəsindən bakalavr dərəcəsi üzrə məzun olduqdan sonra, Koç Universitetindən MBA dərəcəsi qazanıb. O Mastercard şirkətində 2015-ci ildən bəri işləyir.

Gürdal karyerasında ilk addımları Unilever şirkətində atıb və daha sonra PRG və Value Partners şirkətlərində çalışdıqdan sonra, 2015-ci ildə Mastercard Advisors şirkətinə qoşulub. 2016-cı ildə, Gürdal şirkətin Müştəri Əlaqələri üzrə Direktoru təyin edilib və 2019-cu ildə Mastercard Türkiyənin Vitse-Prezidenti vəzifəsinə yüksəlib. Yeni vəzifəyə əsasən, Gürdal Mastercard şirkətinin Türkiyə və Azərbaycan üzrə bazar strategiyalarından məsul şəxsdir.

Namiq Əliyev 1977-ci ildə Bakı şəhərində anadan olub. Bakı Dövlət Universitetinin məzunudur. Tələbə ikən bir sıra dövrü nəşrlərdə çalışıb. 1999-2000-ci illərdə Respublika Elmi Texniki Kitabxanasında, 2001-2003-cü illərdə Azərbaycan Respublikası Mədəniyyət Nazirliyinin Mədəni Maarif Baş İdarəsində aparıcı mütəxəssis vəzifəsində çalışıb. 2004-cü ildən "Azad Azərbaycan" müstəqil Teleradio Yayım Şirkətində  müxbir, aparıcı müxbir, redaktor assistenti, redaktor vəzifəsini daşıyıb.

2010-cu ilin may ayında Azərbaycan Respublikası Mərkəzi Bankının Kommunikasiya departamentində fəaliyyətə başlayıb, 2011-ci ilin iyul ayından həmin departamentin İctimaiyyətlə Əlaqələr şöbəsinin rəisidir. Azərbaycan Televiziya və Radio verilişləri Qapalı Səhmdar Cəmiyyətinin (AZTV) "İqtisadiyyat xəbərləri" verilişinin aparıcısıdır (2019)

Kapital Bankın idarə heyətinin müşaviri olaraq əsasən bankın strateji xarici maliyyə institutları və beynəlxalq təşkilatlarla münasibətlərinin idarə olunmasına cavabdehdir.

Kapital Bankdan öncə, Vüqar PAŞA Bankda rəhbər vəzifələrində çalışaraq Fİ, TF, korporativ və fərdi bankçılıq sahələrinə nəzarət edirdi. Onun Etika və Düzgünlük məsələlərinə xüsusi fokusu var.

Oğuz Aslan 2019-cu ildən Mastercard Türkiyə (aze.) Biznesin İnkişafı üzrə Məsləhətçilərin direktoru vəzifəsində çalışmaqdadır. O, bakalavr təhsilini 2014-cü ildə “Boğaziçi Universiteti”nin “Kompüter Mühədisliyi” üzrə bitirmişdir. Hazırkı vəzifəsindən öncə isə Mastercard Türkiyədə müxtəlif vəzifələr tutmuşdur. Oğuz bəy, ingilis və türk dillərini sərbəst bilir. 

Kirill Ovsyannikov 10 ildən çox təcrübəyə malik texnologiyalar üzrə kommunikator, bankçılıq texnologiyaları üzrə ekspert və marketoloqdur. O, 2017-ci ildən bəri BS/2 proqram təminatı məhsullarının bankçılıq və pərakəndə sektorunda tanıtım strategiyasının qurulması və həyata keçirilməsi üzrə məsul şəxsdir. Kirillin geniş media təcrübəsi ona innovasiyaları yayğınlaşdırmağa və mürəkkəb İT konsepsiyalarını sadə dildə izah etməyə imkan tanıyır.

Quliyev Fərid Fuad oğlu 1986-cı ildə Bakı şəhərində anadan olmuşdur. İqtisadçıdır. Peşəkar fəaliyyətə 2007-ildə maliyyə sektorunda başlayıb və 2012-ci ildən etibarən müxtəlif maliyyə təşkilatlarının İdarə heyətlərində təmsil olunub.
2018-ci ilin fevral ayından “Azəricard” MMC-nin Baş direktoru vəzifəsinə təyin olunmuşdur.

Aleksandr Arabey “Qulix”də Biznesin İnkişafı Direktoru vəzifəsində çalışır. O, fintex və bankçılıq, xüsusilə neobankinq (yeni nəsil bankçılıq) üzrə 20 ildən çox təcrübəsi olan icraçıdır. Aleksandr 2000-ci ildən “Qulix Group”un həmtəsisçilərindən biri olmuşdur və öz biznesini dostlarının üçü ilə birgə ərsəyə gətirmişdir. Bu günə qədər və 500-dən çox əməkdaşı ilə birgə şirkətin yüksək vəzifələrində çalışırlar. Rəqəmsal pul köçürülmələri üzrə startapın həmtəsisçiləri, vəsaitin köçürülməsi, aktivlərin idarəedilməsi sahəsində ixtisaslaşmışdırlar. Aleksandr 2008-ci ildə “Qulix”də yeni startap layihəsi olan fintex bölməsinin yaradılmasında iştirak etmişdir. 2021-ci ildə isə AI əsaslı maliyyə xidməti olan yeni “MintWhale”in əsasını qoymuşdur. Onun beynəlxalq səviyyəli tədbir, konfrans, mitap, sərgi, seminarlarda spiker kimi təcrübəsi vardır. O, yeni biznes imkanlarına, təcrübələrini başqaları ilə bölüşməyə və faydalı biznes mübadilələrinə daim açıqdır. 

Pavel Şikarev Belarus Dövlət İqtisadiyyat Universitetində iqtisadiyyat üzrə (maliyyə və bank işi fakültəsi) bakalavr təhsili almışdır. 2011-2016-cı illərdə isə o, Belarus Respublikasının bir çox nüfuzlu banklarında çalışmışdır. O, həm, fiziki şəxslər üçün müştəri xidmətləri, həm də Alfa-Bank Belarusda beynəlxalq və sənədli əməliyyatlar üzrə departamentdə baş iqtisadçı vəzifəsində işləmişdir. 2016-cı ildən başlayaraq “System Technologies” şirkətində biznes analitik kimi çalışmağa başlamışdır. 2018-2020-ci illərdə isə aparıcı biznes analitik vəzifəsini tutmuşdur. Həmin dövrdə o, bazar araşdırması, yeni layihələrin inkişafı, işə qəbul, yeni işçilərə təlimlərin keçirilməsi məsələlərindən məsul olmuşdur. Pavel Şikarev 2020-ci ildən “System Technologies”də Rəqəmsal Bankçılıq üzrə Layihə Meneceri vəzifəsində çalışmaqdadır. 

Anna Murzina “Bank 131” rəqəmsal bankında 2019-cu ildə yaradılışından etibarən fəaliyyət göstərir, onun tərəfdaşları üçün yeni ödəniş metodları tərtib etməsində töhfə verir, eləcə də ödəniş sistemləri və banklar üzrə əlaqələrə nəzarət edir. O, SWIFT, VISA və Mastercard beynəlxalq ödəniş sistemlərinə, eləcə də MIR ödəniş sisteminə qoşulma ilə əlaqədar layihələri uğurla tamamlayıb, həmçinin “Bank 131” üçün baza məhsulların yaradılmasında iştirak edib. “Bank 131”dən əvvəl Anna “Yandex Money” şirkətində çalışıb, “WeChat” ödənişlərinin Rusiyada tətbiqində rol alıb, illərlə “QIWI” bankda ödəniş kanallarının yaradılmasında məsul şəxs olub, “Russian Standard Bank”da “RS Express” ödəniş sistemini istifadəyə verib və infrastruktur layihələri həyata keçirib. Rusiya Xalqlar Dostluğu Universitetindən fərqlənmə diplomu ilə məzun olub.

Aqil Abdullayev 2008-ci ildən IFC-nin bir sıra məsləhət layihələrinə hüquq sahəsində dəstək göstərmişdir və hal-hazırda Elektron və Rəqəmsal Maliyyə Xidmətləri və Azərbaycan İnvestisiya Mühiti və Aqrobiznesin Rəqabətliliyi Layihələri üçün çalışır. O, Bakı Dövlət Universitetinin məzunu olmaqla hüquq ixtisası üzrə magistr dərəcsinə malikdir və 2010-cu ildə Stonier Bank Məktəbini (Amerika Bankirlər Assosiasiyası) bitirmişdir. Daha sonra, 2017-2018-ci illərdə Azərbaycan üçün Amerika Hüquq sistemi məktəbində (Çikaqo-Kent Hüququ Kolleci) təhsil almışdır.

İnformasiya texnologiyaları sahəsində, proqram təminatının hazırlanması və maliyyə sektorunda İT layihələrin idarə edilməsin üzrə 10 ildən çox təcrübəyə malikdir.

Fiziki və hüquqi şəxslər üçün etibarlı, təhlükəsiz və şəffaf bank xidmətlərini təqdim edilməsi üçün Rəqəmsal İdentifikasiya Sistemini hazırlanmasını hədəfləyən Azərbaycanda ilk Blockchain əsaslı platformanın layihə rəhbəridir. Maliyyə sektorunda innovativ həllərin tətbiqi üçün strategiyanın hazırlanması və yeni təşəbbüslərin planlaşdırılmasını həyata keçirir.

Mastercard-a qoşulmazdan əvvəl Mehmet EY Consulting-in Partnyoru olub və burada Türkiyədə Biznes Transformasiyası və İnnovasiya təcrübəsinə rəhbərlik edib. Rolduğu müddətdə o, böyük strategiya, innovasiya və transformasiya layihələrinə rəhbərlik etdiyi Dövlət İdarələrində, Maliyyə İnstitutlarında, “Fintech”lərdə, Telcos-da çalışıb. Tərəfdaşlıq rolu ilə yanaşı, Mehmet 2013-cü ildən EY-də Biznesin İnkişafı Əməliyyatlarına rəhbərlik edib və 2018-ci ildən EY Consulting-in Bazarlar və İnnovasiyalar üzrə liderlik rolunu icra edib. Mehmet TFF və MUYORBİR kimi milli təşkilatlardakı liderlik rollarından geniş idarəetmə və icra təcrübəsi qazanıb.

Mehmet öz vəzifəsinə əsasən, innovasiyalar və tərəfdaşlıqlar vasitəsilə bazar diversifikasiyasını, məhsulları və seqmentləri şaxələndirmək yolu ilə “Mastercard Advisors” biznesinin daha da böyüməsində məsul şəxsdir.

 Mehmet Marmara Universitetində Əmək İqtisadiyyatı üzrə bakalavr dərəcəsinə malikdir. O, həmçinin MIT-dən Biznes Modelinin İnnovasiyaları üzrə Rəhbər tituluna sahibdir.

Sergey Yevtuşenko, “DIS Group” Peşəkar Xidmətlər üzrə Direktor Müavini, İT layihələrin idarə edilməsi üzrə 15 ildən artıq təcrübəyə sahibdir. Onun təcrübə sahəsi korporativ rəqəmsal infrastrukturun MDM, ETL və ERP həllərini əhatə edir. Sergey energetika, metallurqiya və dağ-mədən sənayeləri də daxil olmaqla, qabaqcıl MDB ölkələrində  Məlumatların İdarə Edilməsi və Rəqəmsal Transformasiya layihələrinə rəhbərlik edib. 

Cənab Şust 2011-ci ildə Sankt-Peterburq Dövlət Universitetinin beynəlxalq əlaqələr fakültəsini bitirdikdən sonra Rusiya Elektron Pul və Pul köçürmələri Assosiasiyasına (REMA) qoşulub. Onun məsuliyyət sahəsinə yeni ödəniş üsullarının, bazarın tənzimlənməsinin və ən son texnoloji inkişafların davamlı  tədqiqatı daxildir.

2017-ci ildən Beynəlxalq Maliyyə Korporasiyasında (IFC) maliyyə tənzimlənməsinin inkişafı üzrə məsləhətçi kimi fəaliyyət göstərir. Cənab Şust  Tacikistan, Qırğızıstan, Özbəkistan, Azərbaycan, Ukrayna, Mozambik, Samoa, Solomon, Seyşel və Maldiv adaları,  və digər ölkələrdə e-KYC (e-öz müştərini tanı), Tənzimləyici Test Rejimi və digər islahatların işə salınmasında iştirak edib. O, həmçinin Maliyyə İnklüzivliyi üzrə Alyansın məsləhətçisi, AFİ-nin Milli Maliyyə İnklüzasiyası Strategiyalarının İnkişafı üzrə Siyasət Modelinin və rəqəmsal maliyyə xidmətləri ilə bağlı mülahizələrin Milli Maliyyə Daxiletmə Strategiyalarına daxil edilməsinə dair Təlimatın müəllifidir.

Cənab Şust AML/CFT səyləri, maliyyə inklüzivliyi problemləri və maliyyə innovasiyalarının tənzimlənməsi, o cümlədən kriptovalyutalar üzrə ixtisaslaşmış tədbirlərdə çıxış edərək və dünya üzrə özəl və dövlət sektoru üçün mühazirələr və ən son inkişaflar üzrə öz təcrübəsini təqdim etmişdir.

Cənab Şust siyasi elmlər üzrə fəlsəfə doktoru dərəcəsi və Sankt-Peterburq Dövlət İqtisadiyyat Universitetinin dosentidir.

H.Alper Memis “Picus Security”nin həmtəsisçisi və baş icraçı direktorudur (CEO) və mükafata layiq görülmüş “Complete Security Validation Platform”un yaradıcısıdır. Onun beynəlxalq biznesin inkişafı və maliyyə sahəsində 20 ildən çox təcrübəsi vardır. Alper əməliyyatların effektiv idarəedilməsindən və okeanın o tayındakı inkişafdan məsuldur. “Picus Security”dən başqa, dövlət institutları və qlobal təşkilatlar üçün strategiya, risk menecmenti və maliyyənin idarəedilməsində vacib rol oynamışdır. Alper riyaziyyat üzrə bakalavr və Boston Universitetindən MBA (master) təhsili almışdır. O, CFA dərəcəli maliyyə analitikidir və maliyyənin idarəedilməsində akademik tədqiqatları vardır və nüfuzlu nəşrlərdə dərc edilmişdir.

Teymur Ağakişiyev “Expressbank”ın İdarə Heyəti sədrinin müavinidir. Karyerası boyu bank sektorunda 16 illik təcrübəsi ərzində məhsulların yaradılması, idarə edilməsi və satışı, strategiyanın planlaması, rəqəmsal ödənişlər, ödəniş və kart infrastrukturu, xəzinədarlıq, hesablaşmalar və nağd vəsaitin idarə edilməsi sahələrində bir çox rəhbər vəzifələrdə çalışıb.

Müştəriləri bütün proseslərin əsas rolunda saxlayır, müştəri problemlərini dərindən araşdırmağı və onları müasir texnologiyalar köməkliyi ilə həll etməyi sevir.

Teymur Ağakişiyev Rusiya Federasiyası Höküməti yanında Maliyyə Universitetinin “Bank Menecmenti” ixtisası üzrə MBA dərəcəsini almışdır.

O, bank işi üzrə peşəkar təlimçidir.

1981-ci ildə Türkiyənin Trabzon şəhərində anadan olub, İstanbul Universitetinin Biznesin idarə edilməsi fakültəsini bitirib və Maliyyə İnstitutlarında 17 illik təcrübəyə malikdir. “Finansbank”da 11 il fəaliyyət göstərdikdən sonra, Murat K. Karyerasını “fintech” sektoruna yönləndirib. Hazırda, Murat K. Türkiyənin ilk lisenziyalı pul köçürmə şirkəti olan “UPT Ödeme Hizmetleri ve Elektronik Para A.Ş.”nin  -  Beynəlxalq Tərəfdaşlıqlar Departamentinin rəhbəri və İcraçı vitse-prezidenti vəzifəsini icra edir.

Akim Şomirzoyev “Software Group”un (SoftwareGroup.com) Mərkəzi Asiya üzrə Biznesin İnkişafı Meneceri vəzifəsində çalışır. “Software Group” qlobal şirkət olmaqla, rəqəmsallaşma və maliyyə xidmət təchizatçıları üçün inteqrasiya həllərini təmin edir. Onun Avropa, Orta Şərq və Afrika regionu və MDB ölkələrində fintex, telekom, rəqəmsal texnologiya və bank sektoru da daxil olmaqla 15 ildən çox genişsahəli iş təcrübəsi vardır. O, satış kanallarının inkişaf etdirilməsi, tərəfdaş hesabların idarəedilməsi və texnologiya vasitəsilə yeni biznesin inkişafı üzrə ixtisaslaşmışdır. 

Daniil Solovyev 2010-cu ildə K.E. Tsiolkovsky adına Rusiya Dövlət Texnologiya Universitetinin İnformasiya sistemləri və texnologiyaları kafedrasından (nanotexnologiya) məzun olmuşdur.10 ildən artıq İT şirkətlərin əsas müştəri qrupları  ilə işləmişdir. 2015-ci ildə CloudDC şirkətində əsas müştəri  qrupları ilə iş üzrə menecer vəzifəsinə təyin olunmuşdur.

Hazırki vəzifəsi: RDTEX şirkətində Əsas müştəri qrupları ilə iş üzrə  menecer  

Vəzifə öhdəliyi: Maliyyə Xidmətləri Mərkəzi, şirkətin əsas fəaliyyətlərinə nəzarət

Cənab Solovyev Rusiyada və MDB ölkələrində keçirilən bir çox ixtisaslaşmış bank konfransları və forumlarının müntəzəm iştirakçısıdır.

O, tez-tez maliyyə şirkətlərində informasiya texnologiyalarının effektiv istifadəsi,proqram təminatının seçilməsi və provayderlə biznes arasında əlaqələrin qurulması problemləri barəsində  çıxış edir.

Cənab Ramil Mahmudov Azərbaycan Respublikasının Mərkəzi Bankında Milli ödəniş sisteminin inkişafı və nəzarati şöbəsinin müdiridir. Azərbaycanda nağdsız ödənişlərin inkişafı və qanunvericiliyə uyğun fəaliyyətini tənzimləməsi sahəsi üzrə məsul şəxsdir.

Ödəmə sistemləri, elektron bankçılıq, mobil bankçılıq, kart biznesi, elektron pul, elektron ödənişlər və pərakəndə bankçılıq sahəsində təcrübəli mütəxəssisdir. Banklar və digər maraqlı tərəflər üçün bir sıra tənzimləmə və tövsiyələrin birgə müəllifi kimi, o, həmçinin ECB, AB, MDB, BİS, ödəmə sistemləri ekosistemi və ödəmə vasitəsi ilə bağlı qaydalar, tövsiyələr və təcrübələr, habelə risklərin idarə edilməsi, fırıldaqçılıq, Visa və MasterCard prosedurları ilə tanışdır.

Cənab Mahmudov Lüksemburq Universiteti, Lüksemburq Maliyyə Məktəbinin bankçılıq və maliyyə fakültəsi və Azərbaycan Dövlət İqtisad Universitetinin Maliyyə fakültəsi üzrə magistr dərəcəsi almışdır.

2015-ci ildə Azərbaycan Diplomatik Akademiyasından "İdarəetmə İnkişafı Proqramı" və 2015-ci ildə Nyu-York Universitetinin Stern Biznes Məktəbindən İcra Təhsilinə dair Sertifikat almışdır.

O, Avropa və Asiyada nağdsız ödənişlər və idarəetmə sahəsində çoxsaylı təlim sertifikatları almışdır.

Azərbaycan Respublikası İqtisadiyyat Nazirliyinin İqtisadi İslahatlar Elmi-Tədqiqat İnstitutunun doktorantı Rüstəmov Tamerlan Hafiz oğlu müxtəlif illərdə Azərbaycan Respublikası Mərkəzi Bankı və Maliyyə Bazarlarına Nəzarət Palatasında ödəniş sistemlərinin inkişafı və nəzarəti sahəsində fəaliyyət göstərmişdir.

Hazırda “Bank of Baku” ASC-nin Ödəniş sistemləri departamentinin direktor müavinidir. Həmçinin Azərbaycan Banklar Assosiasiyasında “Ödəniş sistemləri və rəqəmsal bankçılıq üzrə Ekspert Qrupu”nun rəhbəri, Azərbaycan Fintex Assosiasiyasında isə layihə rəhbəridir.

Fəaliyyət göstərdiyi bu illər ərzində ölkədə rəqəmsal ödəniş ekosisteminin formalaşması, bu sahədə normativ hüquqi çərçivənin yaradılması, innovativ ödəniş alətləri və texnologiyalarının tətbiqində yaxından iştirak etmişdir.

Ölkədə rəqəmsal ödənişlər sahəsində ilk dəfə nəşr olunan “Rəqəmsal ödənişlər və elektron bankçılıq xidmətləri” adlı dərsliyin həmmüəllifidir. Rəqəmsal transformasiya və rəqəmsal ödənişlər sahəsində 10-dan artıq elmi məqalələrin və bir çox çox publisist yazıların müəllifidir.

2000-ci ildə Azərbaycan Dövlət İqtisad Universitetinin “İqtisadi İdarəetmə” fakultəsinə daxil olmuş və 2004-cü ildə qeyd olunan fakultə üzrə bakalavr dərəcəsi almışdır.

2004-cü ildə Azərbaycan Dövlət İqtisad Universitetinin MBA proqramı çərçivəsində “Maliyyə” fakultəsinə daxil olmuş, 2006-cı ilə həmin fakultə üzrə magistr dərəcəsi alaraq, ali təhsilini başa vurmuşdur.

Əmək fəaliyyətinə 2000-ci ilə “Azəraqrosığorta” sığorta təşkilatında mühasib kimi başlamışdır.

2002-ci Mart ayından etibarən 2007-ci ilin İyun ayına kimi, Kənd Təsərrüfatı Nazirliyi yanında “Aqrar Elm” mərkəzinin Maliyyə şöbəsində, maliyyəçi və aparıcı maliyyəçi kimi fəaliyyət göstərmişdir.

2007-ci ilin İyun ayından etibarən 2009-cu ilin Sentyabr ayına kimi Kapital Bankın Nərimanov filialında mühasib, 2009-cu ilin Sentyabr ayından 2010-cu ilin Aprel ayına kimi Kapital Bankın Baş ofisində, Riteyl departamentinin “Kart çapı” şöbəsində mütəxəssis və aparıcı mütəxəssis, 2010-cu ilin Aprel ayıdan 2014-cü ilin Yanvar ayında kimi Kapital Bankın Baş ofisində, Riteyl departamentinin “Sosial layihələr şöbəsində” aparıcı mütəxəssis, 2014-cü ilin Yanvar ayından 2014-cü ilin İyul ayına kimi, Kapital Bankın Baş ofisində, Riteyl departamentinin Sosial layihələr şöbəsinin “Ekvayrinq” bölməsinin rəhbəri, 2014-cü ilin İyun ayından 2018-ci ilin Yanvar ayına kimi Kapital Bankın Baş ofisində, Ödəniş kartları departamentinin “Ekvayrinq” şöbəsinin rəisi, 2018-ci ilin Yanvar ayından 2021-ci ilin Sentyabr ayına kimi, Kapital Bankın Baş ofisində, Partnyorlarla iş departamentinin “POS-terminal şəbəkəsi” şöbəsinin rəisi olmaqla 2007-2021-ci illərdə Kapital Bankda çalışmışdır.

2021-ci ilin Sentyabr ayından etibarən hal-hazıradək NBA technologies international şirkətində müavin vəzifəsində çalışır.

Mən Məmmədov Fuad İsrafil oğlu 3 fevral 1982-ci ildə Bakı şəhərində anadan olmuşam. 1989-ci ildə Bakı şəhəri 285 saylı orta məktəbin 1-ci sinifinə getmişəm və 1998-ci ildə həmin məktəbin məzunu olmuşam. 1999-cü ildə Bakı iqtisadi Unuversitetinin Beynəlxalq İqtisadi Əlaqələr fakultəsinin 1-ci kursuna daxil olmuşam və 2004-ci ildə bakalavr dərəcəsini alaraq bitirmişəm.

2003-2004-cı illərdə Silahlı Qüvvələrin həqiqi hərbi xidməti keçmişəm.

2005-2006-ci illərdə Mono.az reklam agentliyində marketing uzrə işləməyə başladım

2006-ci ildən 2007-ci ilə qədər tərəfdaşla birlikdə un məhsulları istehsalı şirkət açdıq

2008-2009-ci illərdə Mega Service şirlətində işləmişəm.

2010-2018-ci illərdə PAŞA Bankda işləmişəm.

2019-ci ildən bu günə kimi NBA Technologies İnternational - da çalışıram.

Sefa Karabulut “Cyberwise” şirkətində audit və komplayns meneceri olaraq çalışmaqdadır. O, həmçinin Türkiyənin əsas banklarında audit və IT mütəxəssisi olaraq çalışmışdır və ümumilikdə 13 ildən çox təcrübəsi mövcuddur. Sefa bəy PCI QSA, PCI ASV, CISA və CISM kimi nüfuzlu sertifikatlara sahibdir. O, Ödəniş Prosessorları, Banklar, Elektron-Ticarət, Aviaşirkətlər də daxil olmaqla bir sıra PCI DSS layihələrini uğurla başa vurmuşdur. 

Səfa bəy, Ödəniş Təhlükəsizliyi, Müəssisə Riskinin İdarə Edilməsi, Məlumat Məxfiliyi, Təhlükəsizlik Hadisələrinin İdarə Edilməsi, Biznesin Davamlılığı, İnformasiya Təhlükəsizlik Standartları (PCI DSS, 27001, SANS, NIST, COBIT və s. ), IT Auditi və Etik Hakerlik bacarıqları üzrə ixtisaslaşmışdır.

O, Erciyes Universitetindən bakalavr, Gazi Universitetindən isə magistr dərəcəsi almışdır.   

Mustafa Duran IQ Money şirkətində İdarə Heyətinin Sədri vəzifəsində çalışmaqdadır. Maliyyə texnologiyası Fintex bütün dünyada olduğu kimi Türkiyədə də sürətlə böyüməyə davam edir.  Buna görə də, Mustafa bəyin rəhbərlik etdiyi şirkət onlayn xidmətləri daha tez, daha yaxşı və aşağı qiymət ilə təklif edir. Qeyri-adi inkişaflar və texnologiyanın böyüməsi də maliyyə xidmətlərinin keyfiyyət və müxtəlifliyini artırmaqdadır və Fintex sayəsində müştəri ehtiyacları daha asan qarşılana bilir. 

Bundan əlavə, Mustafa Duran London İqtisadiyyat Məktəbinin Siyasi Elmlər/İqtisadiyat üzrə bitirmişdir. 

Gökçe Gence kompüter proqram təminatı, informasiya texnologiyaları və xidmətləri, eləcə də maliyyə xidmətlərində satış öncəsi, həllərin dizaynı və layihənin idarə edilməsi üzrə ixtisaslaşmış 15 ildən artıq təcrübəyə malik yüksək səviyyəli peşəkar şəxsdir. Gence Kompyuter Elmləri və Mühəndisliyi sahəsində Bakalavr və MBA dərəcələrinə sahibdir. O, “Fineksus” şirkətində həllər və layihələr üzrə departamentin direktoru və idarə heyətinin üzvüdür, eləcə də şirkət portfoliosu daxilində bütün kommunikasiyalar üçün ilkin əlaqə saxlanılan şəxsdir.

Əli Kərim bir çox dövlət əhəmiyyətli və kommersiya layihələrində IT biznes analitik kimi iştirak etmişdir.

Ani Ödənişlər sisteminin, ISO 20022 standartlarının və Açıq Bankçılıq funksionallığının ölkədə tətbiq edilməsində məsul şəxslərdən biri olmuşdur.

Hal-hazırda Mərkəzi Bankda böyük biznes analitik kimi çalışır. 

Kərimzadə Zeynal Əlibəy oğlu 1986-ci ildə Bakı şəhərində anadan olmuşdur.

Orta təhsilini Bakı şəhərində 138 saylı məktəbdə alıb.

2004-2008-ci illərdə Azərbaycan Texniki Universiteninin “Mühəndis iqtisadiyyati və idarəetmə” fakultəsində Menecment ixtisası üzrə təhsil alıb.

Əmək fəaliyyətini 2006-ci ildə Koçbank Azərbaycan QSC-nin IT departamentində mütəxəssis vəzifəsində başlamışdır.

2007-2008 –ci illərdə BestComp Group şirkətində satış üzrə menecer vəzifəsində çalışıb.

2008-2010 ci-illərdə Bank Respublika ASC-nin Bank Kartları departamentində mütəxəssis, aparıcı mütəxəssis, baş mütəxəssis vəzifələrinə çalışıb.

2010-2013-ci illərdə PAŞA Bank ASC-də Ekvayrinq üzrə ekspert vəzifəsində çalışıb.

2013-2016-ci illərdə PAŞA Bank ASC-də Şüvəlan Biznes Mərkəzinin rəhbəri vəzifəsində çalışıb.

2016-2018-ci illərdə PAŞA Bank ASC-də Xidmət Keyfiyyətinin Təminatı və Xidmət Kanallarının İdarəolunması şöbələrinin rəhbəri olub.

2018-2020 illərdə PAŞA Bank ASC-də Bank Kartları şöbəsinin rəhbəri vəzifəsində çalışıb.

2021-ci ildən etibarən Global Innovations MMC və DataPay QSC şirkətlərinin rəhbəri olaraq çalışır.

2022-ci ildən etibarən Azercell Telekom MMC şirkətində Xüsusi Layihələr departamentində məsləhətçi vəzifəsində çalışır.

2022-ci ildə Azərbaycanda keçirilən beynəlxalq “Take Off Baku” Startap Sammitində “Epoint.az” layihəsi ilə 2-ci yer tutaraq, Azərbaycandan olan yeganə qalib olub.

2022-ci ilin Noyabr ayından Zeynal Kərimzadə Epoint layihəsi ilə 500 Global beynəlxalq akselerasiya mərkəzinin iştirakçısıdır.

Quality Management System üzrə beynəlxalq sertikifasiyalı baş auditordur (IRCA, SGS).

Xanım Proxorova BMT-nin Miqrasiya Agentliyi – Beynəlxalq Miqrasiya Təşkilatının Azərbaycan Respublikasındakı Nümayəndəliyi tərəfindən Azərbaycan Respublikasının Dövlət Miqrasiya Xidmətinin əməkdaşlığı ilə BMqT-nin İnkişaf Fondunun maliyyə dəstəyi ilə icra edilən “Azərbaycanda Pul Köçürmələrinin Sosial-İqtisadi Təsirlərinin Artırılması” layihəsi çərçivəsində beynəlxalq ekspert kimi çalışır.

O,  post-sovet məkanında miqrasiya və pul köçürmələrinin təhlili üzrə 10 ildən artıq təcrübəyə malikdir. 2021-ci ildə A.Proxorova BMqT-nin COVID-19 pandemiyasından sonra Rusiya və Mərkəzi Asiya ölkələri arasında pul köçürmələrinin rəqəmsallaşdırılması mövzusunda hesabatının həmmüəllifi olmuşdur. Bundan öncə xanım Proxorova Dünya Bankı, BMT-nin Avropa üzrə İqtisadi Komissiyası, BMT-nin Qadınlar üzrə Agentliyi, BMT-nin Asiya və Sakit okean regionu üzrə İqtisadi və Sosial Komissiyası, eləcə də digər beynəlxalq təşkilatlar üçün miqrasiya və pul köçürmələri məsələləri üzrə tədqiqat işləri aparmışdır.  

A.Proxorova Ali İqtisadiyyat Məktəbində (Moskva, Rusiya) sosiologiya üzrə magistr təhsili və Avropa Universitetində (Sankt-Peterburq, Rusiya) siyasi elmlər üzrə doktorantura təhsili almışdır. 

Əfqan Baxışov “Unibank”-ın Baş Hüquq və Komplayens İnzibatçısı, İcraedici Komitənin, Risklərin İdarəedilməsi Komitəsinin və Kredit Komitəsinin üzvüdür. Eyni zamanda Azərbaycan Vəkillər Kollegiyasının üzvü və Kollegiyanın Maliyyə Hüququ Qrupunun rəhbəridir.

Hazırda həmçinin Alman-Azərbaycan Ticarət Palatasının daxili audit bölməsinin üzvüdür. Azərbaycan Banklar Assosiasiyasının Hüquq qrupunda Bankı təmsil edir.  

O, 2003-2008-ci illərdə Ədliyyə Nazirliyində müxtəlif vəzifələrdə çalışmışdır. 2008-2016-cı illərdə Mərkəzi Bankın Hüquq Departamentində şöbə rəisi, Direktor müavini işləmişdir. Əfqan Baxışov 2017-2019-cu illərdə Azərbaycan Maliyyə Bazarlarına Nəzarət Palatasında İdarə Heyətinin üzvü və Attestasiya Komissiyasının və Apellyasiya Şurasının Sədri olmuşdur.

Avropa Birliyi və Azərbaycan arasında əməkdaşlıq üzrə nümayəndə heyətinin və Azərbaycanın Ümümdünya Ticarət Təşkilatına üzvlüyə hazırlıq Komissiyasının üzvü olmuşdur.

Əfqan Baxışov Böyük Britaniya hökumətinin “Chevening” təqaüdünü qazanmış, 2018-ci ildə Azərbaycanda, 2018 və 2019-cu illərdə isə Geniş Avropada “Peşəkar Nailiyyət” nominasiyasında “Məzunlar Mükafatları-2018” üzrə qalib olmuşdur.

O, bakalavr və ilk magistr təhsilini Bakı Dövlət Universitetində, ikinci magistr təhsilini isə Mançester Universitetinde almışdır. O, hazırda PhD üzrə namizəddir. 2015-2017-ci illərdə Azərbaycan İqtisad Universitetində iqtisadiyyatın tənzimlənməsinin hüquqi istiqamətləri üzrə dərs demişdir. Hazırda ADA Universitetində hüquq sahəsi üzrə mühazirələr də deyir. 

O, bank, korporativ idarəetmə hüququ, mülki hüquq və liderlik mövzuları üzrə peşəkar təlimçidir.

Murat Durmaz İstanbul Boğaziçi Universitetinin Mexanika Mühəndisliyi Fakultəsindən məzun olub. Durmaz karyerasına “Peppers and Rogers Group”da menecment consultant olaraq başlayıb. Maliyyə insitutlarında konsaltinq təcrübəsi sayəsində o, “TEB Bank” və “BNP Paribas JV”də çalışıb. O, konsultaasiya və maliyyə sektoru üzrə 18 illik təcrübəyə malikdir.

Murat “Mastercard” ilə frilans konsultant və ekspert olaraq çalışmağa başlayıb. 2019-cu ildə isə əsas məhsullar üzrə direktor vəzifəsinə təyin edilib. 2022-ci ilin əvvəllərindən kart məhsulları üzrə Şərqi Avropa regionuna rəhbərlik edən Murat 10-a yaxın ölkədə fəaliyyətdədir.

Olqa “Binance” şirkətinin Rusiya və MDB ölkələrinin Hökumətlə Əlaqələr üzrə direktorudur. O, yanvarda “Binance” şirkətinə qoşulmazdan öncə Rusiya Mərkəzi Bankının Hesabların Emalı Departamentində direktor vəzifəsində çalışmışdır. Rusiya bazarında bir sıra transformasiya layihələrinə rəhbərlik etmək üçün məsuliyyət daşıyırdı. Onun fəaliyyəti Mərkəzi Bankın nəzarəti altında olan bütün şirkətlərə fintex konseptinin hazırlanmasına, Kredit Bürolarının kredit reytinqi üçün yeni yanaşmalara fokuslanmağına yönəlmişdir. 2021-ci ildə isə Mərkəzi Bankın nümayəndəsi kimi bir sıra İşçi Qruplarında iştirak etmişdir. Olqa, həmçinin “XBRL International”ın Müşahidə Şurasının üzvi idi. Daha əvvəllər isə UniCredit Bank və “Ernst & Young”da çalışmışdır. 

Aleksandr NAM-ın maliyyə bazarları ilə bağlı 15 ildən çox təcrübəsi vardır. O, daha çox tədqiqat və rəqəmsal məhsulların inkişafına fokus olmuşdur. Aleksandr blokçeyn, openAPI, bulud kimi innovativ texnologiyalardan istifadə etməkdədir. O, Sber blokçeyn platformasına əsaslanan DLT-nin (rəqəmsal valyutalar) araşdırılması və tədqiqatından və rəqəmsal aktivlərdən məsuldur.  O, Sber-ə qoşulmazdan öncə, Digital Horizon VC, Moscow Exchange Group və SWIFT-də aparıcı fintex məhsul və biznes inkişafı rollarında çalışmışdır. NAM Mançester Universitetini bitirmişdir və Mançester Biznes Məktəbindən MBA dərəcəsi almışdır. 

Vüsal Xəlilov İT və rəqəmsallaşma sahəsində 15 ildən artıq təcrübəyə malikdir. Bakı Dövlət Universitetinin Təqtbiqi riyaziyyat fakültəsinin magistr dərəcəsini bitirən və “Oracle” şirkətinin “OCM” sertifikatının sahibi olan Vüsal Xəlilov, ADA Univesitetinin “MBA” fakültəsinin də məzunudur. O, biznes nəticələrinin yüksəldilməsi üçün son texnoloji həllərin və yeni yanaşmaların tətbiqini həyata keçirən bir peşəkardır. Vüsal Xəlilov “Azercell Telekom” və “PAŞA Bank”da məhsul və xidmətlərin yaradılması və rəqəmsal mühəndislik bölməsi kimi strateji funksiyalara rəhbərlik edib. Hal-hazırda “PAŞA Bank”ın Texnologiya blokunun baş direktoru vəzifəsində çalışmaqdadır.

Şəfiq Əmiri “FARI Solutions” şirkətində Baş Əməliyyat Direktoru və aparıcı blokçeyn məsləhətçisidir. Əmiri firmanın əməliyyatlarına və DLT (Rəqəmsal Sistem) ilə bağlı bütün layihələrə rəhbərlik edir. O, “FARI Solutions”u qlobal maliyyə və texnologiya konfranslarında məruzəçi kimi təmsil etməkdədir və hökumətə və korporativ müştərilərə xidmət və həllər təklif edir. Əmiri Rəqəmsal Avro Assosiasiyasında CBDC (rəqəmsal valyutalar) eksperti və müəssisələr üçün blokçeyn yardım proqramının tədqiqatçısıdır. Əmiri, eyni zamanda çoxsaylı maliyyə və məsləhətlər üzrə Müşahidə Şurası vəzifələrini tutmaqdadır, texnologiya ilə bağlı startapları vardır və mələk investordur. 

Matvey Filippoviç Qerinq Swift-in Belçikadakı qərargahında və Rusiya, Qafqaz və Mərkəzi Asiya da daxil olmaqla 9 ölkəni əhatə edən digər Aİ yerlərində yayılmış komandaya rəhbərlik etməkdədir.  O, 2006-2020-ci illər ərzində SWIFT Standards-da müxtəlif irihəcmli layihələrin rəhbəri olmuşdur. Bura “Target2-Securities” üçün Layihə Meneceri və SWIFT-i ECB və 4CB işçi qruplarında təmsil etməsi daxildir. O, 2006-cı ilin noyabr ayında Nyu York Bankının Qlobal Qəyyumluq mərkəzindən SWIFT-ə qoşulmuşdur və burada İdarəetmə Məlumatı və Statistikasının rəhbəri olmuşdur. O, Brüsseldə “Institut Catholique des Hautes Etudes Commerciales” də biznes və texnologiya üzrə master təhsili almışdır. Matvey, Wharton və IESE-də marketinq və liderlik modulunu bitirmişdir. Matvey bir çox dillərdə sərbəst danışa bilir, bura ingilis, fransız, italyan, ispan, alman dilləri daxildir. O, evlidir və 2 oğlan atasıdır.

Gülbin Çakır 1998-ci ildə Ankara Universitetinin İqtisadiyyat bölməsinin Siyasi Elmlər fakültəsini bitirmişdir. O, karyerasına “Emlak Bank”da xəzinədarlıq meneceri kimi başlamışdır, daha sonra isə eyniadlı bankın Xəzinədarlıq Departamentinə qoşulmuşdur. 2001-ci ildə “Emlak Bank” və “Ziraat Bank”ın birləşməsindən sonra isə o, ikincidə xəzinədarlıq üzrə mütəxəssis vəzifəsində fəaliyyətinə davam etmişdir. Xəzinədarlıqda isə bir neçə vəzifəni əhatə edirdi, 2018-ci ilə qədər forex, investisiya, nağd pulun idarə edilməsi sahələrində geniş təcrübəyə malik olmuşdur. Həmin ilə qədər maliyyə komandasına rəhbərlik etmişdir və 2021-ci ildə isə fəaliyyətinə investorlarla əlaqələr də əlavə edilmişdir. Hazırda isə “Ziraat Bank”ın baş ofisində maliyyə və investorlarla əlaqələr bölməsinin rəhbəridir. 

Cihat Takunyaci “Bank of New York Mellon”un Türkiyə və Azərbaycanı əhatə edən İstanbul ofisinin rəhbəridir. O, BNY Mellon-u İdarə Heyətinin üzvi kimi Türkiyə İnvestorlarla Əlaqələr Cəmiyyətində (TÜYİD) və fərdi üzv kimi isə Türkiyə Korporativ İdarəetmə Assosiasiyasında (TKYD) təmsil etməkdədir. Cihat BNY Mellon-da 1997-ci ildən bəri fəaliyyət göstərməkdədir. O, bakalavr təhsilini “Boğaziçi Universitet”ində Maşın Mühəndisliyi ixtisası, İstanbul Universitetindən isə Biznesin İdarə Edilməsi üzrə aspirantura sertifikat proqramı üzrə əldə etmişdir. Bundan əvvəl o, Türkiyə bazarında korporativ maliyyə, aktivlərin idarə edilməsi və M&A kimi müxtəlif vəzifələrdə investisiya bankçılığı və kapital bazarlarında karyerasına başlamışdır. 

İvan Zamprianov BNY Mellon-a 2008-ci ildə qoşulmuşdur. Avropa, Orta Şərq, Afrika regionunda Maliyyə Təşkilatlarını əhatə edən Depozitlərin Qəbulu, qlobal müştərilər ilə iş, Pershing Ltd, Klirinq və Girov İdarəetmə daxil olmaqla, bankın müxtəlif sahələrində, müxtəlif vəzifələrdə çalışmışdır. Son 5 il ərzində İvan ilkin olaraq Yaxın Şərq və MDB regionlarında satış ehtiyaclarını dəstəkləyən Xəzinədarlıq Xidmətləri Əlaqələrinin İdarə Edilməsi və Biznesin İnkişafı komandasının bir üzvi olmuşdur. Son zamanlarda isə Türkiyə və Azərbaycan ilə yanaşı, İsveçrə və Böyük Britaniyada fəaliyyət göstərən xarici bankların əməliyyatlarından məsul olmuşdur.

O, Yunanıstanda böyümüşdür, 2007-ci ildə Nyukaslda yerləşən Nortumbrii Universitetindən marketinq menecment və Alman Dili dərəcəsi üzrə məzun olmuşdur.  

Bolqar əsilli Elitza 1994-cü ildə Avstriyaya köçmüşdür və Vyana Universitetinin İqtisadiyyat və Biznesin İdarə Edilməsi fakültəsində makroiqtisadiyyat oxumuşdur. Daha sonra isə hüquq üzrə master təhsilini Avstriyanın, Linz şəhərində yerləşən Kepler Universitetindən əldə etmişdir. Elitza karyerasına 1999-cu ildə Avstriyanın “Raiffeisen Zentralbank”da Ticarət Maliyyəsi sahəsi üzrə başlamışdır. Bir neçə ildən sonra isə Maliyyə İnstitutları komandasına qoşulmuşdur və 2008-ci ildən şirkətin Cənubi-Şərqi Avropa regionu üzrə aparıcı mütəxəssislərdən biri olmuşdur. Kompaniyanın portfoliosunu maliyyə böhranı və ondan sonrakı dövrdə uğurla idarə etmişdir. 2019-cu ildən isə Bankın Şərq komandasına rəhbərlik etməkdədir, bura isə MDB ölkələri, Cənubi-Şərqi Avropa, Mərkəzi və Şərqi Avropa, Türkiyə bazarı daxildir. Həmin dövrdən başlayaraq Elitza “Raiffeisen Zentralbank”da müxbir bankçılıq və ticarət və ixrac maliyyəsinə fokus olmuşdur və müxbir bank portfelini idarə etmək üçün yeni komandaya rəhbərlik etməkdədir.

Teona Eristavi 2020-ci ilin yanvarından “Bank of Georgia”nın Müxbir və Qəyyumluq Əlaqələri Bölməsinin rəhbəridir, bundan əvvəl, 2018-ci ilin may ayından isə Qəyyumluq və Hesablaşmalar bölməsinin rəhbəri olmuşdur. Eristavinin maliyyə xidmətləri sahəsində 16 ildən çox iş təcrübəsi vardır. O, adıçəkilən banka 2006-ci ildə qoşulmuşdur və müxtəlif vəzifələrdə çalışmışdır. Xanım Eristavi, həmçinin 2007-2012-ci illərdə “Bank of Georgia”nın investisiya qolu olan Galt və Taggart-da “Back office” rəhbərinin müavini vəzifəsində çalışmışdır. 

O, özünün bakalavr və magistr təhsilini Gürcüstan Texniki Universitetində Kompüter Elmləri, İnformasiya Texnologiyaları üzrə əldə etmişdir. Hazırda isə Fransanın nüfuzlu Grenoble Biznes İnstitutunda master dərəcəsi üzrə namizəddir. Xanım Eristavi qlobal maliyyə sahəsində tanınan bir sıra nüfuzlu sertifikatlara da sahibdir. 

2006-2013-cü illər ərzində Azərbaycan Respublikası Mərkəzi Bankında Baş IT auditoru və İT auditi şöbəsinin müdiri vəzifəsində işləmişdir. 2013-2017-ci illərdə Şirkətlər qrupunda İdarəetmə Təhlükəsizliyi şöbəsinin müdiri və İnformasiya Təhlükəsizliyi şöbəsinin direktoru vəzifəsində işləmişdir. 2017-2021-ci illərdə BBDTL QSC-də İT direktoru vəzifəsində çalışmışdır. Hazırda BISA MMC-nin İcraçı direktorudur. Həmçinin, Azərbaycan Banklar Assosiasiyasının İT və İnformasiya Təhlükəsizliyi üzrə Ekspert Qrupu sədrinin müavinidir. İlqar Əliyev Mərkəzi və Kommersiya bankları, telekommunikasiya, enerji və istehsal şirkətlərində bir sıra auditləri, habelə təhlükəsizlik və konsaltinq layihələrini həyata keçirmiş və onlara rəhbərlik etmişdir. Rəqəmsal trasnformasiya, informasiya təhlükəsizliyinin dizaynı və tətbiqi, daxili nəzarət sistemi və kiber-təhlükəsizliyin təkmilləşdirilməsi, əməliyyat risklərinin idarə olunması və qiymətləndirilməsi üzrə geniş təcrübəyə malikdir. O, 2007-cı ildən etibarən Beynəlxalq ISACA Assosiasiyasının üzvüdür.  2018-ci ildən PECB təşkilatının beynəlxalq sertifikatlı treyneridir.

Elvin Şahverdiyev Azərbaycan Respublikası Mərkəzi Bankının İnformasiya və kibertəhlükəsizlik şöbəsinin rəhbəridir. Cənab Şahverdiyev İnformasiya Texnologiyaları və İnformasiya Təhlükəsizliyi sahəsində 15 ildən artıq iş təcrübəsinə malikdir. O, Mərkəzi Bankda informasiya təhlükəsizliyinin idarə edilməsi sisteminin yaradılmasını həyata keçirir və qabaqcıl standartlara və informasiya təhlükəsizliyi siyasətlərinə uyğun idarə edilməsini təşkil edir.

Sergey Sudlenkov proqram təminatı, hesablama və məlumatların saxlanması həlli satışında sübut olunmuş səriştələrə sahib, həm biznes, həm də satış öncəsi təcrübəyə malik olan satış üzrə icraçıdır. Onun yüksək rəqabətli proqram təminatı biznesi sahəsində və sürətlə inkişaf edən mühitlərdə peşəkarlardan ibarət komandaları tapmaq, təşkil etmək və uğurun yeni səviyyələrinə çıxarmaq bacarığı vardır. Sergey bəyin, biznesin inkişafı, strateji planlaşdırma, təşkilati inkişaf və marketinq kommunikasiyalarında 20 ildən çox praktiki təcrübəyə malik olan güclü texniki və biznes keyfiyyətləri vardır. Onun təşkilatın kritik biznes tələblərini təhlil etmək, çatışmazlıqları və potensial imkanları müəyyən etmək və rəqabət qabiliyyətini yüksəltmək, gəlirləri və biznes dəyərini artırmaq üçün innovativ səmərəli həllər hazırlamaq bacarığı mövcuddur. 

Gökberk Yıldız Teknik Universitetindən Kompyuter Mühəndisliyi üzrə bakalavr və Marmara Universitetindən Mühəndislik Menecmenti üzrə magistr dərəcəsinə sahibdir.

Bütün karyerası boyunca ödəniş sektorunda fəaliyyət göstərən Gökberk ilkin olaraq “Turkish Bank”da proqram təminatı tərtibatçısı olaraq başlayıb, sonralar isə konsultasiya şirkətinə keçib və Türkiyənin müxtəlif banklarında əsasən ödəniş yönümlü layihələrdə texnologiya konsultantı vəzifəsində çalışıb. Daha sonra o Amerika Birləşmiş Ştatlarına köçüb və qeyri-maliyyə institutlarında rəqəmsal ödənişlər sahəsi üzrə çalışmağa başlayıb. 2020-ci ildə, “Mastercard” şirkətinə Türkiyə və Azərbaycan bazarlarında kibertəhlükəsizlik və intellect məhsulları üzrə məsul şəxs qismində qoşulub. Hazırda isə, EEMEA regionunda Kibertəhlükəsizlik Məhsulları üzrə Menecer rolunu daşıyır. 

Ali Yılmaz “Picus” da Aparıcı Həllər Arkitektoru olaraq çalışmaqdadır. Onun kompüter şəbəkələri və kiber təhlükəsizlik üzrə 15 ildən çox təcrübəsi vardır.  O, özünün bakalavr təhsilini 2004-cü ildə və master təhsilini isə 2007-ci ildə METU-dan (Orta Şərq Texniki Universitetindən) əldə etmişdir. 2004-2010-cu illər ərzində isə METU-da master və doktorantura təhsili ərzində tədqiqatçı köməkçisi və CISCO Təlimçi kimi çalışmışdır. O, 2010-2016-cı illər ərzində TÜBİTAK-da layihə meneceri və IT Blok Meneceri olaraq dövlət əsaslı müxtəlif layihələri icra etmişdir. Eyni zamanda, 2016-2021-ci illərdə “Check Point” şirkətində Təhlükəsizlik üzrə Mühəndis kimi çalışmışdır. 2021-ci ildən bu yana isə “Picus” da satış öncəsi texniki proseslərdə yer alımışdır. 

Edqar Abdullayev Türkiyənin Yeditepe Üniversitesinin, Biznesin İdarə  Olunması üzrə  Magistr təhsilini almışdır.

On dörd illik idarəetmə təcrübəsi vardır. İş həyatının 11 ilini Telekommunikasiya,  2 ilini Nəqliyyat və Turizm sahəsində, 4 ilini isə Bankçılıq və Maliyyə Texnologiyaları sahəsində  işləmişdir. 2008 – 2014-cü illərdə, Azercell Telecom şirkətində Daxil Olan  Müraciətlərin İdarə Olunması Bölümünün Rəhbəri kimi fəaliyyət göstərmişdir.  2014 – 2016 – cı illərdə DOST TAXI MMC-nin Baş İcraçı Direktoru kimi  çalışmışdır. 2016 – 2019-cu ilin əvvəlinə qədər PAŞA Bank ASC-də təşkilati  İnkişaf və Keyfiyyətin Təminatı Departamentinin Direktoru vəzifəsində bir sıra  yeniliklərə imza atmış və bankda boyük dəyişikliyin idarə olunması  komandasının üzvü olmuşdur.

2019-cu ildən 2021-ci ilə  kimi Azerconnect şirkətində, Müştəri və Rəqəmsal  xidmət İdarəsinin Direktoru vəzifəsində, böyük bir komanda ilə uğurlu şəkildə  çalışmışdır. Hal-hazırda United Payment MMC şirkətinin icraçı direktorudur və ölkənin “Rəqəmsal Ödəniş Strategiyasına” öz töhfəsini verməkdədir.

Texnologiya sahəsində 12, informasiya təhlükəsizliyi sahəsində 5 ildən çox bank təcrübəsinə malikdir. Akif Bağırov karyerası ərzində əsasən “PCI”, “DSS”, “CIS”, “NIST” beynəlxalq təhlükəsizlik standartların tələblərinin praktiki həyata keçirilməsi üzrə zəngin təcrübə qazanıb. Beynəlxalq iqtisadi münasibətlər üzrə magistr dərəcəsinin məzunu olan Akif Bağırov biznes proseslərini asanlıqla başa düşə bilir, təhlükəsizlik qiymətləndirməsini apararaq düzgün həllin təqdim olunmasına şövq edir. Menecer kimi o, hər zaman həmkarları üçün mentor olmağa çalışır, “insan birincidir” strategiyasına sadiq qalır. O, bütün sahələrdə təhlükəsizlik mədəniyyəti üzrə məlumatlılığı yüksəltməyə və bu sahədə mütəxəssis olmaq istəyən hər kəs üçün öz bilik və təcrübəsini bölüşməyə çalışır.

Akif hesab edir ki, bədii ədəbiyyat oxumaq, idmanla məşqul olmaq, səyahət etmək, yemək bişirmək kimi hobbilərdən həzz almaq lazımdır. O, həmçinin ailə ilə vaxt keçirməyin çox vacib olduğuna inanırüsusən də bir dəqiqə ərzində diqqətsiz saxladığınız halda evdə qarışıqlıq yarada biləcək bir yaş yarımlıq oğlunuz olduğu halda.

Volodimir İlibman 22 ildir ki, informasiya/kiber təhlükəsizlik sektorunda çalışmaqdadır. Cisco şirkətində isə 16 ildən çox təcrübəsi mövcuddur. O, Cisco Security-nin Ukrayna, Azərbaycan, Gürcüstandakı biznesindən məsuldur. Volodimir öz təcrübəsi dövründə, regionda banklar, dövlət qurumları və telekommunikasiya operatorları üçün ən böyük kibertəhlükəsizlik layihələrinin məsləhətləri, işlənib hazırlanması və həyata keçirilməsi ilə məşğul olmuşdur. 2021-ci ildə Volodimir “Açıq bankçılıq dövründə kibertəhlükəsizlik” modulu hissəsində bankirlər üçün “Rəqəmsal Maliyyə 4.0” Mini MBA proqramının hazırlanmasında və çatdırılmasında iştirak etmişdir. O, Kibertəhlükəsizlik və ISMS (CISSP, CCSP, ISO/IEC 27001 auditoru) üçün çoxsaylı sənaye sertifikatları əldə etmiş və təlimləri keçmişdir.

2022-ci ildə isə o, nüfuzlu Heriot-Vatt Universitetindən maliyyə və iqtisadiyyata fokuslanan Biznesin İdarə Edilməsi üzrə Aspirantura Sertifikatı almışdır. 

Ölkədə kibertəhlükəsizlik və fərdi məlumatların mühafizəsinin təmin edilməsində əsas dövlət qurumlardan biri Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinin baş mütəxəssisi. 

İnformasiya təhlükəsizliyi, fərdi məlumatların mühafizəsi sahəsində geniş təcrübəyə malikdir. Fərdi məlumatların mühafizəsi üzrə yeni qanun layihəsinin hazırlanmasında iştirak edib.  Kibertəhlükəsizlik sahəsində beynəlxalq təşkilat – Qarşılıqlı İnkişafa dair Kibertəhlükəsizlik Aliyansı Əməliyyat Komitəsinin üzvüdür.