FINTEX SAMMİTİ 2022 - Maliyyə və Texnologiyalar Sərgisi

1977-ci ildə Azərbaycan Dövlət İqtisad Universitetinin “Mühasibat uçotu” fakultəsinə daxil olmuş və 1981-ci ildə “İqtisadçı” ixtisası üzrə tam kursu bitirmişdir. Əmək fəaliyyətini 1981-ci ildən Azərbaycan Respublikası Rabitə Nazirliyində, “Nəzarət-Təftiş” İdarəsində aparıcı mühasib kimi başlamışdır.

1981-1983-cü illərdə Hərbi xidmətdə olmuşdur. Hərbi xidməti  başa vurduqdan sonra 1983-cü ilin iyul ayından etibarən 1989-cu ilin yanvar ayınadək, Azərbaycan Respublikası Rabitə Nazirliyinin “Nəzarət-Təftiş” İdarəsində mühasib-revizor, Baş təftişçi və Baş mühasibin müavini kimi fəaliyyət göstərmişdir. 1989-cu ildən AR Rabitə Nazirliyinin “Rayon Rabitəsi” İstehsalat Birliyinə “Nəzarət və mühasibat uçotu” şöbəsinin rəisi vəzifəsinə təyin edilmişdir.

1993-1998-ci illərdə “Rabitəbank” SKB-nın İdarə Heyətinin Sədri vəzifəsində çalışmışdır və 1998-ci ildən hal-hazıradək “Rabitəbank” ASC-nin Müşahidə Şurasının Sədri vəzifəsində çalışır.

1996-cı ildə “Azərbaycan Banklar Assosiasiyası”nın Prezidenti vəzifəsinə seçilmiş və 2006-cı ilə qədər həmin vəzifədə çalışmışdır. 2006-cı ildən 2015-ci ilədək “Azərbaycan Banklar Assosiasiyası”nın Rəyasət Heyətinin üzvü olmuşdur. 2015-ci ildən yenidən “Azərbaycan Banklar Assosiasiyası”nın Prezidenti vəzifəsinə seçilmişdir.

16 oktyabr 1967-ci il təvəllüdlüdür. 1991-ci ildə Moskva Dövlət Universitetinin fəlsəfə fakültəsinin politologiya ixtisasını bitirib. 1991-1992-ci illərdə Azərbaycan Respublikası Dövlət İqtisadiyyat və Planlaşdırma Komitəsində çalışıb. 1992-1993-cü illərdə Azərbaycan Respublikası Xarici İqtisadi Əlaqələr Nazirliyində işləyib. 1994-cü ildə Azərbaycan Dövlət İqtisad Universitetinin Xarici iqtisadi əlaqələr ixtisasını bitirib. 1994-2003-cü illərdə SOCAR-ın Xarici İqtisadi Əlaqələr İdarəsində, 2003-2007-ci illərdə SOCAR-ın Marketinq və İqtisadi Əməliyyatlar İdarəsində çalışıb. 2000-ci ildə Ümumrusiya Xarici Ticarət Akademiyasının “Dünya iqtisadiyyatı” ixtisasını bitirib. 2007-2010-cu illərdə SOCAR-ın Ekologiya üzrə vitse-prezident vəzifəsində işləyib. 2010-2018-ci illərdə SOCAR-ın “Azərikimya” İstehsalat Birliyinin Müşahidə Şurasının sədri vəzifəsində çalışıb. 2010 və 2015-ci illərdə Azərbaycan Respublikası Milli Məclisinin deputatı seçilib. 2018-ci ilin aprelin 23-dən Azərbaycan Respublikasının Ekologiya və Təbii Sərvətlər naziridir.

07 noyabr 2017-ci ildə Azərbaycan Respublikası Prezidentinin Sərəncamı ilə “Şöhrət” ordeni, 19 sentyabr 2012-ci ildə isə “Tərəqqi” medalı ilə təltif olunmuşdur.

Fərid Osmanov informasiya texnologiyaları sahəsində təxminən 20 illik təcrübəyə malikdir, bank sektorunda bir sıra rəqəmsal transformasiya təşəbbüsləri həyata keçirir. Professional karyerası zamanı Fərid Osmanov biznes prosesinin idarə edilməsinin effektivliyini və səmərəliliyini artırmaq üçün həm də dəyişən biznes ehtiyaclarını və iş prosesinin optimallaşdırılmasını əhatə edən informasiya sistemlərinin qəbuluna diqqət yetirib. Hazırda, onun əsas strateji məqsədi Azərbaycanda rəqəmsal ekosistemin yaradılmasının sürətləndirilməsi və nağdsız iqtisadiyyatın əsasının qoyulması yönündədir.

Fərid Osmanov informasiya sistemləri və menecment üzrə magistr dərəcəsinə sahibdir və ITSM eksperti, layihə meneceri üzrə praktikant və ISO/IEC 27001 təhlükəsizlik standartı tətbiqi üzrə sertifikatlaşdırılıb.

Fərid Əhmədov Azərbaycan Respublikası rəqəmsal inkişaf və nəqliyyat nazirinin müavinidir.

Nazirlikdən əvvəl, Fərid Əhmədov Bakı Limanında Direktor Müavini, Azərbaycan Universitetinin Rektoru vəzifələrində, eləcə də Azərbaycanda və xaricdə bir sıra akademik mövqelərdə çalışıb.

O, Oksford Universitetindən Doktorantura dərəcəsinə sahibdir.

7 Aprel 1975-ci il tarixində Azərbaycan Respublikası İmişli rayonunda anadan olmuşdur.

Təhsili

1992-ci ildə ikinci ixtisas qrupu üzrə ən yüksək balla Azərbaycan Dövlət İqtisad Universitetinə qəbul olmuş, 1997-ci ildə ali təhsilini bitirmiş, 2004-cü ildə Gürcüstan İctimai əlaqələr Institutunda Jurnalistika ixtisası üzrə ikinci ali təhsili almışdır. 2009-cu ildə iqtisad üzrə fəlsəfə doktoru və 2017-ci ildə isə iqtisad elmləri doktoru alimlik dərəcəsini müdafiə etmişdir. O, 2021-ci ildə Harvard Universitetinin Kennedi İdarəçilik Məktəbində "İqtisadi artımın idarəedilməsi" mövzusunda xüsusi proqram çərçivəsində təhsil almışdır. 2013-cü ildə Vüsal Qasımlıya dosent elmi adı verilmişdir.

2010-2014-cü illərdə V.Qasımlı UNEC-də Xüsusi İstedadlar Qrupu və MBA proqramı üzrə pedaqoji fəaliyyətlə məşğul olub.

V.Qasımlı Vaşinqton Universiteti, Kaliforniya Universiteti, Qahirə Amerika Univeristeti, Varşava Universiteti, Seulun Hanyan və Hankuk universitetləri və Rio-de-Janeyro Universitetində ictimai mühazirələr oxumuşdur.

2013-cü ildə Koreya Beynəlxalq İqtisadi Siyasət İnstitutunda qonaq alim kimi çalışmışdır.

2021-ci ildən Vüsal Qasımlı Prezident yanında Dövlət İdarəçilik Akademiyasında professor (0,5 ştat) vəzifəsində çalışır.

Onun Azərbaycan, rus, koreya və ingilis dillərində 10 kitabı və 500-ə qədər elmi və publisistik məqaləsi var.

Əmək fəaliyyəti

12.05.2000-06.12.2003 müddətində Ekspress qəzetinin redaksiyasında iqtisadi məsləhətçi,

15.02.2005-19.11.2005, “ANS-PRESS Nəşriyyat evi” MMC-də iqtisadi icmalçı,

19.11.2005-30.04.2007, “ANS-PRESS Nəşriyyat evi” MMC-də prezident,

09.02.2009-11.05.2011, Azərbaycan-İctimai-Siyasi Universitetində kafedra müdirinin müavini,

2007-2011-ci illərdə Avropa İttifaqı, Dünya Bankı, Yaponiya Beynəlxalq Əməkdaşlıq Təşkilatının (JİCA) və bir sıra beynəlxalq qurumların həyata keçirdiyi layihələrdə çalışmışdır.

2011-2016-cı illərdə Azərbaycan Respublikasının Prezidenti yanında Strateji Araşdırmalar Mərkəzinin İqtisadiyyatın təhlili və qloballaşma məsələləri şöbəsinin müdiri vəzifəsində işləmişdir.

015-ci ildə Böyük İyirmiliyin beyin mərkəzlərinin T20 platformasında Azərbaycanı təmsil etmişdir.

10.05.2016 tarixindən hal-hazıradək Azərbaycan Respublikası İqtisadi İslahatların Təhlili və Kommunikasiya Mərkəzinin icraçı direktorudur.

2018-ci ildə tərəqqi medalı ildə təltif edilmişdir.

Vüsal Qasımlı 2021-ci ildə BMT-nin Asiya və Sakit Okean Komissiyasının milli koordinatoru təyin olunmuşdur.

Ailəlidir, üç övladı var.

Vitse-prezident, Azərbaycan və Mərkəzi Asiya üzrə regional menecer

Kristina Doroş Visa-nın vitse-prezidenti, Azərbaycan və Mərkəzi Asiya üzrə regional meneceridir. Kristina Azərbaycan və Mərkəzi Asiyada elektron ödənişlər biznesinin genişlənməsinə cavabdehdir. 2016 ildə Kristina Əsas Məhsullar üzrə regional komandaya rəhbərlik etmək üçün Visa-ya qoşuldu və 2019 ildən etibarən vitse-prezident əvəzi və  həllər şöbəsinin rəisi vəzifəsində çalışaraq Visa-nı MDB CŞA regionunda təmsil edib.

Pərakəndə bankçılıq, informasiya texnologiyaları, kart və mobil ödənişlər sahələrində 20 ildən çox olan təcrübəsindən yararlanaraq, 2016 ildə Kristina Əsas Məhsullar komandasına rəhbərlik etmək üçün Visa-ya qoşuldu. Visa-ya gəlməzdən əvvəl o, qabaqcıl Moldova bankında Baş İcraçı Direktorun müavini vəzifəsində çalışmış və idarə heyətinin üzvü olmuşdur.

Kristina Avropa, Yaxın Şərq və Afrika regionunda Qadınların Liderlik Şəbəkəsində MDB CŞA regionunun təmsilçilərindən və regional müxtəliflik təşəbbüslərinin liderlərindən biridir.

Kristina IEDC Bled Biznes Məktəbinin iqtisadiyyat üzrə magistr dərəcəsi ilə məzunudur.

Ali təhsilini Azərbaycan Respublikasının Prezidenti yanında Dövlət İdarəçilik Akademiyasında (Bakalavr dərəcəsi (Dövlət idarəçiliyi) 1998-2002 fərqlənmə ilə, Maqistr dərəcəsi (Dövlət idarəçiliyi) 2002-2004 fərqlənmə ilə), Azərbaycan Milli Elmlər Akademiyasının İqtisadiyyat İnstitutunda (İqtisad elmləri namizədi 2005 – 2009 (neft-kimya sənayesi iqtisadiyyatı), Birminqem Biznes Məktəbində, Birminqem Universiteti, Böyük Britaniya (MBA (Biznesin idarə edilməsi) dərəcəsi 2010 – 2011) almışdır.

2002-2021-ci illəri ərzində bank və maliyyə sahələrində müxtəlif dövlət və özəl qurumlarda rəhbər vəzifələrdə çalışmışdır. Hazırda “Azərbaycan Fintex Assosiasiyası” İctimai Birliyinin İdarə Heyətinin sədri vəzifəsində çalışır.

Ailəlidir, 2 övladı var.

Namiq Əliyev 1977-ci ildə Bakı şəhərində anadan olub. Bakı Dövlət Universitetinin məzunudur. Tələbə ikən bir sıra dövrü nəşrlərdə çalışıb. 1999-2000-ci illərdə Respublika Elmi Texniki Kitabxanasında, 2001-2003-cü illərdə Azərbaycan Respublikası Mədəniyyət Nazirliyinin Mədəni Maarif Baş İdarəsində aparıcı mütəxəssis vəzifəsində çalışıb. 2004-cü ildən "Azad Azərbaycan" müstəqil Teleradio Yayım Şirkətində  müxbir, aparıcı müxbir, redaktor assistenti, redaktor vəzifəsini daşıyıb.

2010-cu ilin may ayında Azərbaycan Respublikası Mərkəzi Bankının Kommunikasiya departamentində fəaliyyətə başlayıb, 2011-ci ilin iyul ayından həmin departamentin İctimaiyyətlə Əlaqələr şöbəsinin rəisidir. Azərbaycan Televiziya və Radio verilişləri Qapalı Səhmdar Cəmiyyətinin (AZTV) "İqtisadiyyat xəbərləri" verilişinin aparıcısıdır (2019)

Zarina Odinaeva Şərqi Avropa və Mərkəzi Asiyada Rəqəmsal və Kredit İnfrastruktur proqramlarının Avropa və Mərkəzi Asiya üzrə proqram rəhbəridir. Proqram rəqəmsal maliyyə xidmətlərinin inkişafına dəstək verir, maliyyə sektorunda innovasiyalar və kredit hesabatları sistemlərinin inkişafına, girovların qeydiyyatı sisteminin təkmilləşdirilməsinə, o cümlədən qeyd olunan sahələrdə əhalinin və KOM-ların maliyyə məlumatlılığının artırılmasına kömək edir.

Beynəlxalq Maliyyə Korporasiyası/DBQ-a qoşulmazdan əvvəl Zarina xanım konsaltinq şirkətində mühasib və vergi mütəxəssisi kimi çalışıb, karyerasının əvvəlində isə kommersiya bankında valyuta əməliyyatları və strateji departamentlərə rəhbərlik edib.

Zarina xanım Tacikistan Milli Universitetini iqtisadçı ixtisası üzrə bitirib və 2016-cı ildə MBA dərəcəsini alıb.

Cənab Məsimov hazırda Azərbaycan Respublikası Mərkəzi Bankının İnformasiya texnologiyaları departamentinin Reyestr bölməsinin rəhbəridir.

Cənab Məsimov kredit infrastrukturunun yaradılması və maliyyəyə çıxış imkanlarının genişləndirilməsi sahəsində 6 ildən artıq təcrübəyə malikdir və bank sektorunda bir sıra rəqəmsal transformasiya təşəbbüslərini həyata keçirmişdir. Peşəkar karyerası ərzində cənab Məsimov kiçik və orta biznes üçün maliyyə vəsaitlərinə çıxış  imkanlarının genişləndirilməsinə və kredit əlçatanlığının artırılmasına diqqət yetirmişdir. Cənab Məsimov sahibkarlar və kredit təşkilatları ilə birlikdə regionlarda bu istiqamətdə silsilə maarifləndirmə tədbirlərinin həyata keçirilməsində fəal iştirak edir. O, ölkəmizdə daşınar aktivlərə əsaslanan kreditləşmənin inkişaf etdirilməsi və bu sahədə rəqəmsal ekosistemin yaradılmasının sürətləndirilməsi üçün beynəlxalq təşkilatlarla sıx əməkdaşlıq edir.

Cənab Məsimov Azərbaycan Dövlət İqtisad Universitetinin maliyyə fakultəsini bitirmiş, ADA və Moskva Dövlət Beynəlxalq Münasibətlər İnstitutunda (MDBMİ) maliyyə üzrə magistr dərəcəsi almışdır.

Yevhen Lesnyak Visa-da Baş direktor və Ukrayna, MDB və Cənub-Şərqi Avropa ölkələrində (17 bazar) strateji tərəfdaşlıqlar, fintek və müştərək layihələr idarəsinin rəhbəri vəzifələrində çalışır. Fəaliyyətinin əsas istiqamətləri: fintek sahəsinin tez inkişaf edən biznes mühitində Visa üçün potensial tərəfdaşlıqları taparaq, dəstəkləyərək və inkişaf etdirərək innovativ fintek həllərinin yaranmasına və nağdsız iqtisadiyyatın inkişafına xidmət etmək.

Yevhen Visa şirkətinə 2017 ildə innovativ həllər şöbəsinin rəisi qismində qoşulub. Bu vəzifədə o, Ukrayna və MDB ölkələrində bir sıra nəqliyyat və “ağıllı şəhər” layihələrini müvəffəqiyyətlə icra edib. Hal-hazırda Yevhen 17 bazarda mobil operatorlarının mobil maliyyə xidmətlərini, ənənəvi bankların rəqəmsal məhsullarını, neobankların qurulmasını, innovativ “devrimçi” fintek şirkətlərini dəstəkləyir, eləcə də fintek ekosisteminin inkişafına fokuslanır.

Yevhenin bank və ödəniş texnologiyaları, eləcə də fintek sahəsində dərin bilik və təcrübəsi sayəsində Visa Ukrayna, Belarus, Gürcüstan, Azərbaycan, Qazaxıstan, Tacikistan, Özbəkistan və sair ölkələrdə böyük sayda fintek şirkətləri ilə strateji tərəfdaşlıqlar qurub və onların dəstəyini qazanıb.

Yevhen Lesnyak 15 il ərzində aparıcı beynəlxalq şirkətlərində İT və məsləhətçi xidmətləri sahələrində təcrübə qazanıb. O, Moskva Fizika-Texniki İnstitutunda (MFTİ) tətbiqi fizika və riyaziyyat üzrə magistr dərəcəsi alıb.

Yevhen Lesnyak nüfuzlu Payspace Magazine jurnalının versiyası ilə 2020 ildə Ukraynada “ilin fintek eksperti” tanınıb.

Benjamin Velşteyn Simon-Kucher şirkətinin Bankçılıq Praktikası üzrə Kreditləşmə sahəsinin Qlobal Rəhbəridir. On ildən artıq müddətdir ki, konsaltinq təcrübəsi ilə, o artıq məhsul və qiymətləndirmə optimizasiyası, eləcə də maliyyə xidmətləri şirkətləri üçün “agile” rəqəmsal transformasiyası sahəsində ixtisaslaşıb. O, detallı qiymətləndirmə sistemləri və məhsul diversifikasiyasının yaradılması üçün çoxsaylı konsaltinq layihələri vasitəçiliyi ilə Avropa və Şimali Amerikanın bir sıra qabaqcıl şirkətləri üçün işlər görüb.

Simon-Kucher şirkətinə qoşulmazdan əvvəl, Benjamin “McKinsey & Co” da daxil olmaqla, aparıcı beynəlxalq menecment konsaltinq şirkətlərində strategiyalar üzrə məsləhətçi vəzifəsində çalışıb. O, Mannheim Universitetində ali təhsilini və biznesin idarə edilməsi üzrə doktorantura təhsilini bitirib. Beynəlxalq jurnal və kitablarda müxtəlif nəşrlərin müəllifi olaraq, o möhtəşəm praktiki araşdırmalarına görə Menecment Akademiyası tərəfindən mükafata layiq görülüb.

Sergey Yevtuşenko, “DIS Group” Peşəkar Xidmətlər üzrə Direktor Müavini, İT layihələrin idarə edilməsi üzrə 15 ildən artıq təcrübəyə sahibdir. Onun təcrübə sahəsi korporativ rəqəmsal infrastrukturun MDM, ETL və ERP həllərini əhatə edir. Sergey energetika, metallurqiya və dağ-mədən sənayeləri də daxil olmaqla, qabaqcıl MDB ölkələrində  Məlumatların İdarə Edilməsi və Rəqəmsal Transformasiya layihələrinə rəhbərlik edib.

Çankaya Universitetinin Kompyuter Mühəndisliyi, daha sonra isə Kaliforniya Berkeley Universitetinin Biznes Administrasiyası və Marketinq ixtisaslarından məzun olub.

Biznes Prosesləri Menecmenti, Maliyyə və Telekommunikasiya sənayesində Fraud Analitikası sahəsində 12 ildən artıq təcrübə.  Bankçılıq sektorunun başlıca qlobal şirkətlərində Biznes İnkişafı üzrə vəzifələrə sahib olub.

Murat daşınar əmlakın yüklülüyü islahatına dəstək verir və daşınar əmlakın yüklülüyünə əsasən maliyyələşməni təşviq edir. O, əvvəllər Yaxın Şərq və Şimali Afrika, habelə Avropa və Mərkəzi Asiya regionlarında IFC Məsləhət Xidmətləri üzrə proqram meneceri vəzifələrində çalışmış, daşınar əmlakın yüklülüyü və yüklülük reyestrləri, kredit məlumatlılığı və lizinq də daxil olmaqla bir sıra proqramların icrasına nəzarət etmişdir. O, qlobal səviyyədə tənzimləyici islahatların, bilik və bacarıqların təkmilləşdirilməsi proqramlarının icrası və idarə edilməsində böyük təcrübəyə malikdir. Murat həmin regionlarda 40-dan çox ölkədə lizinq, daşınar əmlakın yüklülüyü və kredit hesabatlılığı üzrə müxtəlif qanunvericilik aktlarının hazırlanmasında və dəstək verilməsində iştirak etmişdir. Murat, Lizinq üzrə Model Qanunun hazırlanması ilə bağlı IFC-ni UNIDROIT Məsləhət Şurası və layihə komitəsində təmsil etmişdir. Bundan əlavə, Murat, daşınar əmlakı yüklülüyü barədə UNCITRAL Model Qanununun hazırlanmasında Dünya Bankı Qrupunu UNCİTRAL İşçü Qrupunda təmsil etmişdir. Murat Böyük Britaniyanın Southampton Universitetindən LLM dərəcəsinə malikdir.

Quliyev Fərid Fuad oğlu 1986-cı ildə Bakı şəhərində anadan olmuşdur. İqtisadçıdır. Peşəkar fəaliyyətə 2007-ildə maliyyə sektorunda başlayıb və 2012-ci ildən etibarən müxtəlif maliyyə təşkilatlarının İdarə heyətlərində təmsil olunub.
2018-ci ilin fevral ayından “Azəricard” MMC-nin Baş direktoru vəzifəsinə təyin olunmuşdur.

Mixail hökumət, bank işi və IoT də daxil olmaqla, müxtəlif sektorlar üzrə geniş təcrübəyə malikdir. Onun peşəkar karyerası 1997-ci ildə başlayıb.

2020-ci ildən bu yana Mixail Gürcüstanın açıq bankçılıq standartlarını inkişaf etdirən komandaya rəhbərlik edir və Gürcüstan banklarına və digər subyektlərə onlara lazımi uyğunluq səviyyəsinə nail olmağa kömək edir.

Banklar Assosiasiyasına qoşulmazdan əvvəl, 2012-ci ilin əvvəlində Mixail Gürcüstan Ədliyyə Nazirliyinin Dövlət Xidmətlərinin İnkişafı Agentliyində işə başlayıb. O, elektron şəxsiyyət vəsiqələrinin hazırlanmasına cavabdeh idi və Gürcüstanın elektron hökumətinə əsas töhfə verən şəxslərdən biri oldu. O, Gürcüstanın “Elektron sənəd və elektron etibarnamə xidmətləri haqqında” qanununun müəlliflərindəndir. 2017-ci ildən 2019-cu ilin sonuna qədər Mixail sözügedən agentliyin İT-nin inkişafı departamentinin sədr müavini və direktoru vəzifəsinə yüksəldi, bəzən sədrin vəzifələrini öz üzərinə götürdü və daha fərqli yönlərdə rəhbərlik etdi: əhalinin qeydiyyata alınması, vətəndaşlıq, miqrasiya və s.

2006-cı ildən 2012-ci ilə qədər Mixail “Bank of Georgia”da çalışıb və kommunal ödənişlər, IBAN, PCI DSS, RTGS-ə miqrasiya kimi yüksək prioritetlik daşıyan layihələrdə iştirak edib.

Mixail həm də mürəkkəb, kritik və vacib sistemlərin təsisçisi, həmçinin mentor olaraq fəaliyyət göstərir. O,  proqram təminatının yaradılması və “cloud computing”  də daxil olmaqla informasiya texnologiyaları sahəsində güclü bacarıqlara sahibdir.

Ondan çox beynəlxalq nəşrə sahib təcrübəli ictimai natiq olan Dmitriy Zveginets bir neçə ölkədə Strateji Hesabların Təhlükəsizlik və Mövcudluğu sahəsində layihələrdə iştirak etmişdir.

İnformasiya təhlükəsizliyi sənayesində on ildən artıq təcrübəyə malik Dmitrik mühəndislik və MBA dərəcəsi qazanıb. Bu təcrübəyə “OneSpan”, “Symantec” şirkətlərində Maliyyə Xidmətləri sahəsində Əsas Hesablarla İş üzrə Baş İcraçı vəzifəsi, eləcə də “Hewlett Packard Enterprise Security” şirkətində Müəssisə, Maliyyə və Bank müştəriləri üçün Strateji Hesablar üzrə Menecer rolu daxildir.

Vjaceslavs İT və Maliyyə sahəsində on iki ildən çox təcrübəyə malikdir, təcrübəsinin böyük hissəsi dünya üzrə irimiqyaslı layihələrdə biznes analitiki rolunu yerinə yetirərək qazanılıb. Təcrübə müxtəlif xarakterli layihələrdə - yeni proqram həllərinin tətbiqi, maraqlı olanların birləşdirilməsi, layihələrin hazırlanması və s. aparıcı analitik rolunu yerinə yetirməkdən ibarətdir

Vyaceslavsın ən çox məşğul olduğu mövzu bu və ya digər şəkildə ödəniş kartları ilə əlaqədar olsa da, Vyaceslavs Ödənişlər və Xəzinədarlıq sahəsində də təcrübəyə malikdir. Bu, illər ərzində qazanılan ümumi təcrübə ilə birlikdə, Açıq Bankçılıq konsepsiyasını başa düşmək və "aydınlaşdırmaq" üçün çox kömək edir.

Hal-hazırda Vjaceslavs Tietoevry komandasının bir hissəsidir və analitik və funksional məsləhətçi qismində bütün dünyada həmkarlarına satışa qədərki, eləcə də satış proseslərində kömək edir.

2010-cu ildə karyerasına başlayan Vyaçeslavs, Tietoevry şirkətindən əvvəl Luminor Bankda Baş Biznes Analitiki vəzifəsində çalışıb

Filip Kollerton “Uptime Institute” şirkətinin Ticarət Fəaliyyəti üzrə Baş Direktorudur və şirkətin bütün qlobal ticarət və xidmət əməliyyatlarından məsul şəxsdir. Kollerton data mərkəzləri üzrə əməliyyatlarda, treyninqlərdə, heyətin yaradılmasında, mərkəzlərin konsolidasiyasında və yeni bazarlarda, mövqelərdə mərkəzlərin yaradılmasında böyük təcrübəyə malikdir.

Seymur Rəsulov 27 may 1984-cü ildə anadan olub. Seymur Rəsulov İnformasiya Elmləri ixtisası üzrə “Urbana Champaign İllinois Universiteti”ndən 3.8 GPA ilə məzun olub. Hazırda, Seymur “Whelp Inc” və “SmilePay MMC” şirkətlərinin Baş İcraçı Direktorudur. “Whelp” şirkəti 2019-cu ildə ABŞ-da yaradılıb, “500 Startups” və “TechStars” proqramlarını uğurla başa vurub. Ümumilikdə VS fondlarından 1 milyon dollar həcmində vəsait cəlb edilib. Hazırda, 32 ölkədə 1200-dən çox müştəriyə xidmət göstəririk.

“SmilePay” 2021-ci ildə yaradılıb və artıq Azərbaycanın qabaqcıl korporativ bankından 100 min dollarlıq investisiya cəlb edib. Eyni zamanda, “MasterCard” dəstəyilə artıq supermarketlərdə məhsulumuzu istifadəyə verdik.

Rəşad Qasımov Azərbaycanda ödəniş sistemlərinin inkişafına cavabdehlik daşıyan komandanın aparıcı üzvüdür. Ölkədə nağdsız ödənişlərin genişləndirilməsini hədəfləyən çoxsaylı layihələrin həyata keçirilməsində əsas rol oynamışdır. Rəqəmsal ödənişlərin analitikası, ödəniş sahəsi üzrə inkişaf strategiyasının hazırlanması və innovativ ödəniş həllərinin tətbiqi üçün normativ hüquqi çərçivənin təkmilləşdirilməsi istiqamətində geniş təcrübəyə malikdir.

Bakı Dövlət Universitetinin Dünya iqtisadiyyatı ixtisası üzrə bakalavr, Beynəlxalq iqtisadi münasibətlər ixtisası üzrə magistr dərəcəsinə sahibdir.

Muhammed Dirqam Şemso 5+ illik çap layihələrinin idarə edilməsi təcrübəsi, təhsil nəşriyyatı və təqdimatı sahəsindəki vəzifələrdən əldə edilmiş veb sahəsində biliyə və təcrübəyə malik layihə meneceridir. Layihələri ardıcıl olaraq vaxtında və büdcə çərçivəsində tamamlayan kreativ əməkdaşdır. Əvvəlki dövr ərzində biznesi proseslərini təkmilləşdirən müştəri yönümlü bir yanaşma tətbiq etdi. O, bakalavr, magistr və doktorantura dərəcələrinə malikdir və “University of Leeds”, “Rice Business - Jones Graduate School of Business”, “Atılım Üniversitesi”, “Çankaya Universiteti” və “Apsley Business School” kimi yüksək səviyyəli universitetləri bitirib. Peşəkar karyerasına “TOPSUN GOLF GENERAL TRADING” şirkətində İdxal və İxrac Əməliyyatları Rəhbəri kimi başlayıb və hazırda “PGPARA ÖDEME HİZMETLERİ A.Ş” şirkətində baş menecer vəzifəsində çalışır.

1981-ci ildə Türkiyənin Trabzon şəhərində anadan olub, İstanbul Universitetinin Biznesin idarə edilməsi fakültəsini bitirib və Maliyyə İnstitutlarında 17 illik təcrübəyə malikdir. “Finansbank”da 11 il fəaliyyət göstərdikdən sonra, Murat K. Karyerasını “fintech” sektoruna yönləndirib. Hazırda, Murat K. Türkiyənin ilk lisenziyalı pul köçürmə şirkəti olan “UPT Ödeme Hizmetleri ve Elektronik Para A.Ş.”nin  -  Beynəlxalq Tərəfdaşlıqlar Departamentinin rəhbəri və İcraçı vitse-prezidenti vəzifəsini icra edir.

Beş ildən artıqdır ki, Mixail Kozis Rusiya, MDB, Avropa və Asiya regionları üzrə fintech bazarında UX araşdırılması sahəsində mütəxəssisləşir. “Markswebb” şirkətində o, xarici araşdırmalar departamentini yaradıb və idarə edir. Mixail Kozis rəhbərliyi altında, Rusiya və MDB regionunda mövcud olan ən böyük banklar üçün 30-dan çox araşdırma və konsaltinq layihəsi həyata keçirilib.

Mixail Kozis marketinq araşdırması və layihə menecmenti sahəsində geniş təcrübəyə sahibdir. 2016-cı ildən etibarən o, mobil və onlayn bankçılıq, vebsaytlar, maliyyə və digər xidmətlərin yaradılması və təkmilləşdirilməsi sahəsində ixtisaslaşan “Markswebb” şirkətində çalışır.

Oleksandr Stelmax Baş Direktor və rəqəmsal həllər komandasının rəhbəri olaraq MDB CŞA regionunun 17 bazarında innovasiyaların gündəmə gətirilməsinə cavabdehdir. Onun yönəltdiyi başlıca sahələrə mobil təmassız və elektron ticarət ödəmələri (Visa Token xidmətinə əsasən), mobil telefonla ödənişlər (Tap to Phone) və rəqəmsal kartların emissiyası daxildir. Visa-da 3 illik fəaliyyəti müddətində Oleksandr ApplePay layihəsinin 9 yeni bazarda icrası və Avropa, Yaxın Şərq və Afrika regioununda ilk olaraq mobil telefonla ödənişlər layihəsi kimi müxtəlif rəqəmsal layihələri icra edib.

2018 ildə Visa-ya qoşularaq Oleksandr pərakəndə bankçılıq, ödəniş kartları və mobil şəbəkə əməliyyatları sahəsində 15 illik təcrübəsini komandamıza gətirdi. Visa-ya gəlməzdən öncə o, Pivdennyi bankının (Ukrayna) pərakəndə satış departamentinin direktor müavini vəzifəsində çalışaraq əkvayrinq, pərakəndə məhsullar, ödəniş kartları və rəqəmsal kanalların inkişafına cavabdeh idi. Pivdennyi bankına qoşulmazdan əvvəl Oleksandr Stelmax MobileTeleSystems MNO (hazırda Vodafone) şirkətində çağrı mərkəzi əməliyyatlarının İT hissəsinə rəhbərlik edirdi.

Oleksandr Ukraynanın Milli Telekommunikasiya Akademiyasının magistr dərəcəsi ilə məzunudur.

Aleksey MDB və Orta Şərq regionları üzrə “Compass Plus” şirkəti üçün biznesin inkişafı məqsədilə hərtərəfli strategiyanın işlənib hazırlanması və həyata keçirilməsinə cavabdehdir. Onun roluna ilkin satışın koordinasiyası, mövcud müştərilərə satış, layihələrin icrası və biznesin inkişafı daxildir. Bundan əlavə, Aleksey regional texniki və satış qruplarına rəhbərlik edir.

Alexey ödəniş sektorunda iyirmi ildən artıq təcrübəyə malikdir. O, 2002-ci ildə “Compass Plus” şirkətinə Marketinq Meneceri kimi qoşulmuş, bundan sonra Hesab Administratoru, Regional Satış Meneceri və Kommersiya Direktorunun müavini vəzifələrində çalışmışdır. Belə böyük təcrübə ona ödəniş sferasını və onun xüsusiyyətlərini dərindən öyrənməyə imkan verdi. 2014-cü ildə o, regionda qlobal strategiya və satışa rəhbərlik etdiyi Orta Şərqin İcraçı Direktoru vəzifəsinə yüksəldi. Bundan sonra Aleksey güclü liderlik bacarığına görə Orta Şərq və MDB üzrə İcraçı Vitse-Prezident və İcraçı Direktor təyin edilib.

Alekseyin işlədiyi müddətdə “Compass Plus”, şirkətin ödəniş texnologiyaları məkanında bazar lideri və yenilikçi olmasını təmin edən digər innovativ həlləri ilə yanaşı, ödənişlər üzrə ekspertlər tərəfindən “gözəçarpan” platforma kimi təsvir edilən “TranzAxis” həllini yaratdı.

Aleksey “Compass Plus həlləri əsasında ödəniş infrastrukturunun təkamülü” mövzusunda çıxış edəcək.

1976-cı ildə anadan olan Emir Türkmen, bakalavr təhsilini İstanbul Texniki Universitetinin Riyaziyyat Mühəndisliyi fakültəsində, magistr təhsilini isə İstanbul Bilgi Universitetinin Marketinq Analitikası fakültəsində bitirib. 25 ildir ki, Pepsico, HSBC, Oracle və IBM kimi qlobal şirkətlərdə, 40dan çox ölkədə analitik layihələrin faydaları barədə məlumatlandıran və yüzlərlə analitik layihəni həyata keçirən Türkmen, son 2.5 ildir KoçDigital şirkətində Analitika üzrə Sənaye Lideri vəzifəsində fəaliyyət göstərir.

Pavel Janeçek  qlobal konsaltinq və İT şirkətlərində rəhbərlik və partnyorluq səviyyəsində bir sıra vəzifələr üzrə ümumilikdə 20 ildən artıq təcrübəyə malikdir. O, müxtəlif sektorlar və biznes sahələri üzrə 30-dan artıq ölkədə çalışıb. Pavel yüksək peşəkarlığa malik CX menecmenti və xərclərə qənaət üzrə fokuslanmış  komandalara rəhbərlik edib.  

Mert Terzioğlu “Simon Kucher” şirkətinin İdarə Heyətinin Üzvü, eləcə də Türkiyə və MENA regionu üzrə nümayəndəliyin rəhbəri vəzifəsini daşıyır. O həmçinin İstanbul ofisinin İdarəedici Tərəfdaşıdır. O “Simon Kucher” şirkətində 2010-cu ildən bəri yer alır. İstanbul nümayəndəliyinə qoşulmazdan əvvəl Boston ofisində fəaliyyət göstərib. “Simon Kucher” şirkətinə qoşulmazdan əvvəl “Bausch & Lomb” şirkətində strategiya, qiymətləndirmə, satış və marketinq yönümlü beynəlxalq konsultant olaraq çalışıb.

Mert Bilkent Universitetindən Elektronika və Elektrik Mühəndisliyi üzrə bakalavr dərəcəsinə və Rochester Universiteti nəzdində Simon Biznes Məktəbindən marketinq yönümlü Biznes İdarəçiliyi üzrə magistr dərəcəsinə sahibdir.

Mert inkişaf strategiyaları, stimul sistemləri, məhsul yerləşdirilməsi, siyahı qiymətləndirilməsi, endirim optimizasiyası və proqnozlaşdırma üzrə ekspertdir. O, əmtəədən diversifikasiya edilmiş məhsullara qədər bir sıra sahələrdə həm B2B, həm də B2C üzrə müştərilərə konsaltinq xidməti göstərib.

2006-2013-cü illər ərzində Azərbaycan Respublikası Mərkəzi Bankında Baş IT auditoru və İT auditi şöbəsinin müdiri vəzifəsində işləmişdir. 2013-2017-ci illərdə Şirkətlər qrupunda İdarəetmə Təhlükəsizliyi şöbəsinin müdiri və İnformasiya Təhlükəsizliyi şöbəsinin direktoru vəzifəsində işləmişdir. 2017-2021-ci illərdə BBDTL QSC-də İT direktoru vəzifəsində çalışmışdır. Hazırda BISA MMC-nin İcraçı direktorudur. Həmçinin, Azərbaycan Banklar Assosiasiyasının İT və İnformasiya Təhlükəsizliyi üzrə Ekspert Qrupu sədrinin müavinidir. İlqar Əliyev Mərkəzi və Kommersiya bankları, telekommunikasiya, enerji və istehsal şirkətlərində bir sıra auditləri, habelə təhlükəsizlik və konsaltinq layihələrini həyata keçirmiş və onlara rəhbərlik etmişdir. Rəqəmsal trasnformasiya, informasiya təhlükəsizliyinin dizaynı və tətbiqi, daxili nəzarət sistemi və kiber-təhlükəsizliyin təkmilləşdirilməsi, əməliyyat risklərinin idarə olunması və qiymətləndirilməsi üzrə geniş təcrübəyə malikdir. O, 2007-cı ildən etibarən Beynəlxalq ISACA Assosiasiyasının üzvüdür.  2018-ci ildən PECB təşkilatının beynəlxalq sertifikatlı treyneridir.

Anar Quliyev Azərbaycan Respublikası Mərkəzi Bankının İnformasiya Texnologiyaları üzrə direktorudur. Anar Quliyev İnformasiya Texnologiyaları və İnformasiya Təhlükəsizliyi sahəsində 15 ildən artıq iş təcrübəsinə malikdir. O, şirkətin texnoloji yol xəritəsini müəyyənləşdirir və onun İT portfelini idarə edir.

Bacarıqlar: Strateji Düşüncə, Təsir və Əməkdaşlıq, Təhlükəsizlik və Məxfiliyin İdarə Edilməsi, Proqram İdarəetməsi, Texniki Bacarıqlar.

“Trend Micro” MDB regionu və Monqolustan üzrə İcraçı Direktoru  German Pozankov “Trend Micro”  komandasını artıq bir ildən çoxdur idarə edir. Bundan əvvəl o, beş il ərzində kibertəhlükəsizlik həlləri üzrə şirkətdə Qlobal Bazarda Hesablar üzrə Direktor vəzifəsində çalışıb. O, “Trend Micro” şirkətinin fəaliyyətini böyüdüb və “Gazprom” və “Lukoil” kimi “Fortune Global 500” şirkətləri ilə, eləcə də Rusiyanın bir sıra digər iri biznes və təşkilatları ilə əməkdaşlığa girib. “Trend Micro” şirkətindən əvvəl German KOBİ şirkətləri üçün SaaS CRM həllərini, eləcə də qeyri-adi rəqəmsal işarə həllini hazırlayan həmtəsisçisi olduğu “Mobilet” şirkətinin Baş Direktoru olub. Bundan əvvəl o, “IBM”də rəqəmsal media həlləri üzrə satış meneceri işləyib, “Rosbank”da veb texnologiyaları departamentinə rəhbərlik edib, “PROTEK”də layihələrin idarə edilməsinə rəhbərlik edib və Aurora MMC-də Baş İcraçı Direktor Müavini kimi avtomatlaşdırılmış uçot sistemini tətbiq edib.

Tural Məmmədov Xüsusi Rabitə və İnformasiya Təhlükəsizliyi Dövlət Xidmətində İdarə rəisi (CISO) eyni zamanda Azərbaycan Respublikasi İnformasiya Təhlükəsizliyi üzrə Koordinasiya Komissiyasinin Katibidir. 10 ildən çox Kibertəhlükəsizlik, CERT xidmət və fəaliyyətləri üzrə təcrübəsi olan 

Tural Məmmədov 2016-cı ildən İƏT ölkələri CERT mərkəzlərinin İdarə Heyətinin üzvüdür. 2015-ci ildən dərc olunan İnformasiya Təhlükəsizliyi elmi-metodiki jurnalının redaksiya heyətində olan Tural Məmmədov 2019-cu ildən jurnalın Redaktoru vəzifəsini icra edir. Strateji İdarəetmə ixtisası üzrə magistr təhsili almış Tural Məmmədov hazırda “Kritik İnfrastrukturların İnformasiya Təhlükəsizliyi” mövzusunda dissertasiya tədqiqatı üzərində çalışır.

Çarlz Lobo Visa-nın baş vitse-prezidenti və Mərkəzi və Şərqi Avropa – Yaxın Şərq – Afrika (MŞAYŞA) regionunda risklər üzrə direktorudur. Onun hal-hazırda ixtisaslaşdığı sahələrə kredit hesablaşmaları, ödəmə sistemləri və müəssisə risklərinin idarə edilməsi, eləcə də məlumat təhlükəsizliyi, brend mühafizəsi və kiber araşdırmalar aiddir.

Qlobal ödəmələr sənayesində 20 illik təcrübəyə malik c-b Lobo biznesin həm emitent, həm də əkvayrinq  tərəflərinə bələddir və bir çox sahələri, o cümlədən portfel və layihə idarəetməsi, əməliyyatlar, müştəri xidmətləri və saxtakarlıqla mübarizə kimi istiqamətlərini yaxından öyrənib. 2020 ilin yanvarında Visa ailəsinə qovuşmasından əvvəl, Çarlz Emirates NBD Retail bankının rəhbərlik heyətində əməletmə və risklərə dair qüvvətli ilk müdafiə xəttinin yaradılmasına cavabdeh idi. O, həmçinin Yaxın Şərq və Afrikada ən iri ödəmə həlləri təchizatçılarından biri olan Network International şirkətinin qrup baş əməliyyatlar direktoru vəzifəsində çalışıb.

Çarlz ABŞ-da Mərilənd Univertisteti - Kollej Parkdan elmlər magistri və Hindistandakı Beynəlxalq İdarəetmə İnstitutundan biznes inzibatçılığı magistri dərəcələri almazdan öncə Dehlinin St. Stephen’s College-ini iqtisad üzrə bakalavr dərəcəsi ilə bitirib.

Umut Önceler – BKM Təhlükəsizlik Həlləri üzrə Direktor, Hacettepe Universitetinin Statistika Fakültəsinin 1999-cu il Məzunu. Umut Önceler karyerasına “Ziraat Kart Operations A.Ş” şirkətində başlayıb. O, 2010 və 2014-cü illər aralığında Qərar Dəstək Sistemləri Departamentində və  2014 və 2017-ci illər aralığında “Intertech A.Ş” şirkətində Kredit Riskləri Departamentində menecer vəzifəsində çalışıb. O, 2017-ci ilin aprel ayında etibarən BKM Təhlükəsizlik Həlləri üzrə Direktor kimi işə başlayıb. Hazırda, 14 BKM üzvündən ibarət olan Təhlükəsizlik Komitəsinin Direktor Müavinidir.

Halis Köseoğlu “Yapı Kredi Bank”ın Dələduzluğun Qarşısının Alınması Departamentinin direktorudur. Bu departament 2016-cı ildən etibarən ödəniş sistemləri, kanal və proqram dələduzluqlarının qarşısının alınması üzrə qrupları hərtərəfli fırıldaqçılığın idarə edilməsi məqsədilə bir araya gətirib. Karyerasına 1997-ci ildə mühasibat uçotu sistemlərini yaratdığı “Pamukbank”da İnformasiya Texnologiyaları sahəsində proqram təminatçısı kimi başlamışdır. 2000-2004-cü illərdə “Disbank”da mühasibat uçotu və müştəri məlumat sistemləri üzrə proqram təminatı meneceri, 2004-2016-cı illərdə “Akbank” Fırıldaqçılığın qarşısının alınması və Ticarət Əməliyyatları üzrə Menecer vəzifəsində çalışıb. Eyni dövrdə fırıldaqçılığın effektiv idarə olunması üçün ödəniş sistemləri və distribyutor kanalı “fraud” qrupları bir araya gətirildi. Orta Doğu Texniki Universitetində riyaziyyat üzrə bakalavr dərəcəsi və Sabancı Universitetində MBA dərəcəsinə malikdir.

Uğur Cem Yiğit McKinsey & Company-nin Azərbaycan ofisi üzrə Ortaq Tərəfdaşdır.

2014-cü ildə McKinsey-ə qoşulduqdan bu yana o, maliyyə institutlarında (Bankçılıq, Sığorta və Lizinq) çalışıb və onlara strategiya, risk və əməliyyatlar kimi müxtəlif mövzularda xidmət göstərib.

Uğur Cem Virginia Universitetindən İqtisadiyyat və Statistika üzrə bakalavr dərəcəsi və Queen Mary London Universitetindən hüquq üzrə bakalavr dərəcəsinə malikdir.

Daniel Bouzas UNEP ilə beynəlxalq maliyyə sektorunun tərəfdaşlığı çərçivəsində yaradılan UNEP FI layihəsinin Avropa üzrə Regional Koordinatorudur.

O, Avropa fəaliyyətlərinə rəhbərlik edir, UNEP FI-nin regiondakı bütün müvafiq təşəbbüsləri üzərində işləyir, sənayenin bu təşəbbüslərə cəlb edilməsinə diqqət ayırır, həmçinin Avropa Birliyi Vergiləndirməsinin iş axını və qanunvericiliyə inteqrasiyası kimi əsas təşəbbüslərə rəhbərlik edir.

UNEP FI-ya qoşulmazdan əvvəl Daniel Avropa Bankçılıq Federasiyasında (EBF) Davamlı Maliyyə üzrə Strategiya Məsləhətçisi olub və Avropa Birliyinin siyasətinin qurulması, maliyyə xidmətləri, davamlılıq və beynəlxalq əlaqələr üzrə geniş təcrübəyə malik olub.

Atakan “McKinsey & Company” İstanbul ofisinin tərəfdaşıdır, McKinsey Türkiyə və Azərbaycan Mərkəzinin də Maliyyə İnstitutlarının rəhbəridir.

2012-ci ildə McKinsey-ə qoşulduqdan sonra o, strategiya və riskə fokuslanan genişhəcmli bank və sığorta layihələrində işləyib.

McKinsey-ə qoşulmazdan əvvəl Atakan həm inkişaf etmiş (Böyük Britaniya və Almaniya), həm də inkişaf etməkdə olan bazarlarda (Türkiyə və Rusiya) 4 illik sənaye (Nestle) və 2 illik konsaltinq təcrübəsinə (Monitor Group) malik idi.

Atakan Harvard Biznes Məktəbindən MBA dərəcəsi və Boğaziçi Universitetindən yüksək fərqlənmə diplomu ilə Menecment və Biznesin İdarə Edilməsi üzrə bakalavr dərəcəsinə malikdir. İngilis dili ilə yanaşı alman dilini də mükəmməl bilir.

Fidan Sadıxlı EY Azerbaijan-da İqlim Dəyişikliyi və Dayanıqlılıq Xidmətləri (CCaSS) təşəbbüsünü idarə edən menecerdir və enerji/nəqliyyat və təchizat, mədənçilik, sement, telekommunikasiya, istehsal, bank/maliyyə, Azərbaycanda və MDB ölkələrində kənd təsərrüfatı tullantılarının idarə edilməsi, daşınması və ixracı kimi müxtəlif sənayelərdən olan çoxsaylı şirkətlərlə 7 illik müvafiq təcrübəyə malikdir.

Son 7 il ərzində Fidan KSM siyasətləri və strategiyalarının hazırlanması, EHS zəruri müayinəsi, davamlılıq strategiyalarının və siyasətlərinin inkişafı və davamlı maliyyə də daxil olmaqla ESG hesabatı, təminat və konsaltinq xidmətləri ilə məşğul olub. Fidan həmçinin BMT-nin Dayanıqlı İnkişaf Məqsədlərinin Azərbaycanda enerji/ nəqliyyat və təchizat, kənd təsərrüfatı, maliyyə, turizm, nəqliyyat da daxil olmaqla əsas iqtisadi sektorları əhatə edən bizneslərə inteqrasiyası üzrə EY təlimatlarının işlənib hazırlanmasına öz töhfəsini verib.

Fidan Böyük Britaniyanın Warwick Universitetində Biznesin Mükəmməlliyi üzrə İdarəetmə ixtisasından magistr dərəcəsi və Azərbaycan Dövlət Neft və Sənaye Universitetində Biznesin idarə edilməsi ixtisasından bakalavr dərəcəsinə malikdir.

Fidan “Azərbaycanın Neft və Qaz Sektorunda SƏTƏM üzrə İdarəetmə və Dəyişikliyin İdarəedilməsi” mövzusunda tədqiqat məqaləsinin müəllifi olub və Azərbaycanın aparıcı biznes məqalələrində maliyyə/bank sektorunda biznesin davamlılığına dair ekspert fikirlərini və perspektivlərini dərc edib.

Gerhardın iqlim maliyyəsi sahəsində karyerası Vaşinqtonda konsaltinq, Wall Street-də ətraf mühit bazarları, Hollandiya hökuməti (Hollandiya Təşkilatlar Agentliyi), Hollandiya bankları (ABN AMRO və Rabobank) və aparıcı qeyri-kommersiya şirkətində (IUCN) işlədiyindən, həm dövlət, həm də özəl sektoru əhatə etmişdir. O, 2018-ci ildə Oksfordda MBA təhsilini başa vurduqdan sonra dövlət və özəl sektor təşkilatlarına iqlim riski ilə bağlı konsaltinq xidmət göstərmək üçün “Climate Risk Services” şirkətinin həmtəsisçisi olub. O, Nyu-Yorkda Kolumbiya Universitetində ətraf mühitin iqtisadiyyatı və beynəlxalq əlaqələr, Amsterdam Universitetində isə İctimai Siyasət üzrə təhsil alıb.

Zaur Zeynalov 2022-ci ilin iyun ayında Azərbaycan Respublikası ekologiya və təbii sərvətlər nazirinin müşaviri təyin edilmişdir.

Ekologiya və Təbii Sərvətlər Nazirliyində işə başlamazdan əvvəl yerli və beynəlxalq şirkətlərdə müxtəlif rəhbər vəzifələrdə çalışıb, hüquq və dövlət əlaqələri, ekoloji layihələr və bərpa olunan enerji sahəsində təcrübəyə malikdir.

Fulbrayt proqramının məzunu kimi o, İndiana Universitetində ətraf mühit siyasəti və təbii ehtiyatların idarə edilməsi ixtisası ilə Dövlət İdarəçiliyi üzrə Magistr dərəcəsinə malikdir.

Edqar Abdullayev, 2006-cı ildən peşəkar fəaliyyətə başlayıb. İlk əvvəl Azercell Telekom şirkətində 8 ildən çox fəaliyyət göstərmiş və onun 7 ilini rəhbər vəzifəsində olmuşdur. Daha sonra iki ildən çox DOST TAKSİ MMC-nin İcraçı Direktoru, üç ilə yaxın PAŞA Bank ASC-nin Təşkilati İnkişaf və Keyfiyyətin Təminatı Departamentinin direktoru, iki il yarım ərzində isə Azerconnect şirkətində Müştəri və Rəqəmsal Xidmət İdarəsini Direktoru vəzifələrini icra etmişdir.  2021-ci ilin May ayından etibarən, Türkiyənin Birleşik Ödeme hizmetleri Elektronik Para A.Ş. şirkətinin Azərbaycan törəməsi olan United Payment MMC-nin İcraçı Direktoru vəzifəsindədir. Eyni zamanda, 2021-ci illin Mart ayından etibarən, Azərbaycan Sahibkarlar Konfederasiyasının tərkibindəki Menecment Komissiyasının, Biznesin Transformasiyası işçi Qrupunun da rəhbəri kimi fəaliyyət göstərməkdədir.

Edqar Abdullayev 2009 - 2014-cü illərdə, biznes prosesləriin idarə olunması və təkmilləşdirilməsi istiqamətində, Six Sigma Master Black Belt səviyyəsində təhsil almışdır. 2022-ci ilin Fevral aynda Türkiyənin Yeditepe universitetinin Magist programını müvəffəqiyyətlə bitirmiş və Yeditepe universitetinin Magist diplomunu almışdır.

Təhsil aldığı illərdə o, şəhərin həyat tərzini dinamikləşdirmək üçün 2014-cü ildə tədbir təşkilatı şirkəti qurdu. Uğurlu bir ildən sonra o, maliyyə sektoruna keçid edib. Şəfiq Əmiri 2015-ci ildə əmtəə və valyuta ticarətinə başlayıb və 2 il ərzində Keystone Capital adlı özəl investisiya fondunu təsis edib. Hazırda, Keystone Capital təsisçinin vizyonunu davam etdirir, eyni zamanda texnoloji startaplara sərmayə qoyur.

 2016-cı ildə o, blokçeyn layihələrində araşdırmalara başladı və kriptovalyutalara investisiya strategiyasına başladı. O, real dünyaya blockchain texnologiyasını inteqrasiya etməkdə həvəslidir. Şəfiq Əmiri investor, sahibkar, treyderdir və mərkəzi bankın rəqəmsal valyutası (CBDC), rəqəmsal şəxsiyyət və təchizat zəncirinin idarə edilməsinə diqqət yetirməklə, FARI Solutions şirkətinin ictimai sektorda paylanmış Ledger Texnologiyası (DLT) layihələrinə rəhbərlik edir.

Əfqan Abbasov 2019-cu ildə Azərbaycan Beynəlxalq Bankının Pərakəndə Bankçılıq Departamentinin Direktor Müavini təyin edilib. Ödəniş sistemləri üzrə 10 ildən artıq təcrübəyə malikdir.

Bakı Mühəndislik Universitetinin Maliyyə və Kredit ixtisası üzrə bakalavr, Azərbaycan Dövlət İqtisad Universitetindən isə Maliyyə və Kredit ixtisası üzrə magistr dərəcəsinə sahibdir.

Əfqan Abbasov 1989-cu ildə anadan olub.

Nurlan Hacıyev biznesin Azərbaycan bazarında stimullaşdırılmasına məsul olan Biznesin İnkişafı üzrə Direktordur. Visa-da 8 illik fəaliyyəti müddətində Nurlan Azərbaycanda rəqəmsal ödəmələrin müxtəlif istiqamətlərində, o cümlədən təmassız ödənişlər, VBV 1.0 və 2.0, ]Avropa, Yaxın Şərq və Afrika regionunda ilk B2B Connect layihələri, MDB və Cənub-Şərqi Avropa (CŞA) ölkələrində ilk multi-tətbiqli çiplərin buraxılması, ölkədə ilk VTS layihəsi, ilk mobil telefonla ödənişlər layihəsi, Azərbaycanda ilk tam rəqəmsal kartlar, ApplePay layihəsi, Transit layihəsi və digərləri daxil olmaqla müxtəlif sahələrdə saysız layihələr icra etmişdir.

2013 ildə Visa-ya qoşularaq Nurlan bank sektoru, marketinq və biznesin inkişafı, ödəniş kartları sahəsində əldə etdiyi 9 illik təcrübəsini komandamıza gətirdi. Visa-ya gəlməzdən öncə o, DəmirBankda ödəniş kartları şöbəsinin rəisi qismində əkvayrinq, ödəniş məhsulları, ödəniş kartları, risklər və rəqəmsal kanalların inkişafına cavabdeh idi. DəmirBankdan əvvəl isə o, UniBank-da marketinq və biznesin inkişafı şöbəsinə rəhbərlik edirdi.

Nurlan Azərbaycan Dövlət İqtisad Universitetini magistr dərəcəsi ilə bitirib.

Kərimzadə Zeynal Əlibəy oğlu 1986-ci ildə Bakı şəhərində anadan olmuşdur.

Orta təhsilini Bakı şəhərində 138 saylı məktəbdə alıb.

2004-2008-ci illərdə Azərbaycan Texniki Universiteninin “Mühəndis iqtisadiyyati və idarəetmə” fakultəsində Menecment ixtisası üzrə təhsil alıb.

Əmək fəaliyyətini 2006-ci ildə Koçbank Azərbaycan QSC-nin IT departamentində mütəxəssis vəzifəsində başlamışdır.

2007-2008 –ci illərdə BestComp Group şirkətində satış üzrə menecer vəzifəsində çalışıb.

2008-2010 ci-illərdə Bank Respublika ASC-nin Bank Kartları departamentində mütəxəssis, aparıcı mütəxəssis, baş mütəxəssis vəzifələrinə çalışıb.

2010-2013-ci illərdə PAŞA Bank ASC-də Ekvayrinq üzrə ekspert vəzifəsində çalışıb.

2013-2016-ci illərdə PAŞA Bank ASC-də Şüvəlan Biznes Mərkəzinin rəhbəri vəzifəsində çalışıb.

2016-2018-ci illərdə PAŞA Bank ASC-də Xidmət Keyfiyyətinin Təminatı və Xidmət Kanallarının İdarəolunması şöbələrinin rəhbəri olub.

2018-2020 illərdə PAŞA Bank ASC-də Bank Kartları şöbəsinin rəhbəri vəzifəsində çalışıb.

2021-ci ildən etibarən Global Innovations MMC və DataPay QSC şirkətlərinin rəhbəri olaraq çalışır.

Quality Management System üzrə beynəlxalq sertikifasiyalı baş auditordur (IRCA, SGS)

Viktor Çumakov Rəqəmsal Ekosistemin İnkişafı Departamentinin İcraçı Direktorudur. 20 ildən artıqdır ki, o “IBM” və “PwC” kimi şirkətlərdə texnologiyanın təkmilləşdirilməsi və konsaltinqi ilə məşğuldur.

Son 4 ildə, Viktorun fəaliyyət sahəsi blokçeyn əsaslı texnologiyalar, onun süni intellekt ilə inteqrasiyası və ekosistemlərin məhsuldar əməliyyatlarda iştirakına fokuslanıb.

2005-ci ildə Azərbaycan Dövlət İqtisad Universitetində (UNEC) Maliyyə-kredit ixtisası üzrə bakalavr və 2007-ci ildə Beynəlxalq iqtisadi münasibətlər ixtisası üzrə magistr təhsili alıb. Bir çox beynəlxalq ixtisas sertifikasiyalarının o cümlədən, ABŞ Layihələrin İdarə Edilməsi İnstitutunun (PMI) Peşəkar Layihə Meneceri (PMP) sertifikatının sahibidir. 2021-ci ildə Kellog Biznes Məktəbinin Təşkilati liderlik proqramı üzrə təhsil almışdır.

2021-ci ildən ölkənin aparıcı İnvestisiya şirkəti olan Unicapital İnvestisiya Şirkəti ASC-də Baş menecerin müşaviri vəzifəsində çalışır. Maliyyə və maliyyə institutları, ticarət infrastrukturu, layihələrin idarə edilməsi, beynəlxalq əlaqələr və dövlət idarəçilik sahəsində təcrübəyə malikdir.

Vüqar Namazov 13 ildən artıq Bakı Fond Birjasında müxtəlif rəhbər vəzifələrdə, o cümlədən İdarə Heyətinin sədri olaraq fəaliyyət göstərib. Unicapital komandasına qoşulmazdan əvvəl Azərbaycan Respublikaısnın Kənd Təsərrüfatı Nazirliyinin tabeliyində Aqrar Tədarük və Təchizat ASC-də İdarə Heyətinin sədrinin müşaviri vəzifəsində çalışıb. Eyni zamanda, UNEC İslam Maliyyə mərkəzinin tədqiqatçısıdır.

O, kapital bazarları ticarət sistemləri və infrastrukturu, alternativ maliyyələşmə həlləri, İPO, törəmə maliyyə alətlərinin tətbiqi və s. istiqmətlərdə bir çox məqalə və araşdırmaların müəllifidir.

Simon has spent his career within innovative technologies, including working with blockchain and financial technologies in Australia, the US, UK, Asia, and Europe. Most recently leading the Digital Assets Programme at the University of Cambridge, and as Co-Founder of middle office startup MOOPS Tech. He holds an MBA from AGSM.