Maliyyə Texnologiyaları Forumu

Gürcüstanda ilk bitkoin maynerlərindən və həvəskarlarından biridir. 2011-ci ildən bəri Gürcüstan Blokçeyn Assosiasiyasının üzvüdür.

2014-cü ildən etibarən Gürcüstanın 3  Data mərkəzi üzrə məsləhətçi kimi fəaliyyət göstərir. Kripto investor və sahibkardır. Bitcoin Embassy Gürcüstanın təsisçisi və İcraçı direktorudur. Blockchain Gürcüstan Assosiasiyasının fəxri üzvü, A-Star İnvestisiya Fondunun təsisçisidir (ICO və kriptovalyuta  investisiyası).

Kripto ticarətçi və investordur. Bir neçə Beynəlxalq İCO üzrə  müşavirdir.

Tbilisinin IT-STEP, Gürcüstan Tech-Park, Fablab Gürcüstan akademiyalarında   kriptovalyuta və blokçeyn texnologiyasının tədrisini aparır. Dünya Bitkoin Assosiasiyasının üzvüdür.

Andrey Drozdov KPMG-nin Moskva ofisində İnformasiya Risklərinin İdarə edilməsi Qrupunun Baş Meneceri vəzifəsini yerinə yetirir.

 O, Lomonosov adına Moskva Dövlət Universiteti, Tətbiqi Riyaziyat fakültəsinin magistr dərəcəsini bitirmişdir.

Andrey Rusiyanın aparıcı şirkətlərində və beynəlxalq təşkilatlarda İT və İnformasiya Təhlükəsizliyi üzrə konsultant və təlimçi kimi 30 ildən artıq peşəkar təcrübəyə malikdir.

O, müxtəlif Assosiasiyalarda aktiv şəkildə işitrak etmişdir. Belə ki, İnformasiya sistemləri üzrə Audit və Nəzarət Assosiasiyasının (ISACA) Moskva şöbəsinin vitse-prezidenti, Rus İnformasiya Sistemlərinin Təhlükəsizliyi  üzrə Peşəkarlar Assosiasiyası (RISSPA),  Banklarda İnformasiya Təhlükəsizliyi Standartları Assosiasiyası (ABISS) və  Strateji Outsoursinq Assosiasiyasının (ASTRA) eksperti kimi fəaliyyət göstərmişdir.

Səlahiyyətlərinə  daxildir:

Maliyyə Auditləri və Prosesə əsaslanan Auditlər çərçivəsində İT Auditi

IT Due M&A və IPO səylərinin bir hissəsi kimi; 

COBİT əsasında İT proseslərin qiymətləndirilməsi;

ISO 27001 qiymətləndirməsi və tətbiqi;

Maliyyə sektorunda xidmət təminatçıları üçün SAS 70 sertifikatları;

Rusiya Mərkəzi Bankınn İnformasiya Təhlükəsizliyi standartlarına və tələblərinə qarşı İnformasiya Təhlükəsizliyi auditi;

Sarbanes Oksley yanaşması və tətbiqi;

İnformasiya təhlükəsizliyi standartlarıının və siyasətinin inkişafı;

IT İdarəetmə və İnformasiya Təhlükəsizliyi üzrə tədris.

Rusiya Mərkəzi Bankı, Azərbaycan Respublikasının Mərkəzi Bankı, Qazaxıstan Milli Bankı, Sberbank, VTB Group, Alfa Bank, Almaniya banklarının və Yaponiya banklarının əksəriyyəti ilə, RaiffeisenBank, Renaissance Capital Bank, Gazprombank, Citibank, URSA Bank, CSFB, Bank of America, TNK-BP, Lukoil, Metro Cash and Caryy, Severstal və digər banklarla əməkdaşlıq etmişdir.

 “Certified Information Systems Auditor” (CISA), “Certified Information Security Manager “(CISM), “Certified in the Governance of Enterprise IT” (CGEIT), Rusiya Mərkəzi Bankının Təhlükəsizlik Standartı üzrə auditor və təlimçi sertifikatlarına layiq görülmüşdür.

Boris İKT üzrə Zaqreb Universitetinin magistr, Cotrugli Biznes Məktəbinin MBA dərəcəsini bitirmiş, Massaçusest İnstitutunun maliyyə texnologiyaları sertifikatını almışdır.

O, Biznesin İnkişafı və Memarlıq üzrə Əməliyyat Direktorudur. Boris Nyu-York Mellon Bankında blokçeyn rəhbərlərindən biridir. Blokçeyn tədqiqatı və əlaqədar biznes modellərin, məhsulların inkişafından məsuldur. Daha əvvəl ödənişlər  və inteqrasiya üzrə ixtisaslaşmış müstəqil məsləhətçi kimi fəaliyyət göstərmiş bununla yanaşı məsləhət komandasına rəhbərlik etmişdir.

O, Mərkəzi və Şərqi Avropa reqionunda milli klirinq və yerləşmə şəbəkələrinin əsasının qoyulmasına yardım etmiş və əksər qlobal maliyyə xidmətləri təşkilatları üçün  bir neçə  müasir ödəniş keçidlərininin inkişafına rəhbərlik etmişdir. Texnologiya sahəsindəki fəaliyyətinə əlavə olaraq kiçik təşəbbüslər göstərərək Avropada  bu sahəni tədris etmişdir.

Bülent Muşlu Türkiyənin Banklararası Kart Mərkəzində (BKM) İnformasiya Təhlükəsizliyi, İT Komplayns və Xidmət Menecmenti üzrə rəhbər vəzifələrdə çalışır.

1991-ci ildən etibarən İT sektorunda fəaliyyət göstərir. BKM, HP və Alarko kimi korporativ və beynəlxalq şirkətlərdə İnformasiyaTəhlükəsizliyi, İT Risk və Komplayns, Biznesin Davamlılığı, Xidmət Menecmenti,  Məlumat Mərkəzi Əməliyyatları, sistem və şəbəkə idarəetməsi, infrastruktur dizaynı, layihə idarəetməsi, proqram təminatının inkişafı (Software development) üzrə rəhbər və məsləhətçi təcrübəsinə malikdir. Eyni zamanda “Unix Guru” olaraq “HP Certified Advanced IT Professional” sertifikatına layiq görülmüşdür.

O, 2016-cı ilin aprel ayından etibarən İnformasiya Təhlükəsizliyi, İT Komplayns və Xidmət üzrə menecer vəzifələri ilə yanaşı Biznesin Davamlılığı üzrə Koordinator vəzifəsini yerinə yetirməkdədir.

Bülent Muşlu İstanbul Texniki Universitetinin Kompüter Mühəndisliyi fakültəsinin bakalavr və magistr dərəcələrini bitirmişdir. O, ISO 27001 LA, ITIL® Expert (MALC) və CEH sertifikatlarına malikdir.

Daniele 2015-ci ildən etibarən Avropa Banklar Federasiyasında fəaliyyətə başlamışdır. O, rəhbərlik etdiyi blokçeyn və kriptovalyuta layihələri üzrə Avropa Banklar Federasiyasının rəqəmsal komandası daxilində siyasi məsləhətçi vəzifəsini yerinə yetirir. Daniele Avropa Banklar Federasiyasının Blokçeyn üzrə işçi qrupunu idarə edir.

DLT idarə etməsi üzrə Avropa Mərkəzi Bankının Ami-Seco Fintech müvəqqəti işçi qrupunda Avropa Banklar Federasiyasını təmsil edən Daniele Biznes maliyyəsi və post-ticarət aspektlərinə xüsusi nəzər yetirməklə, Avropa Banklar Federasiyasının maliyyələşdirmə məsələləri ilə əlaqəli təşəbbüslərininin kordinasiyasını həyata keçirir.

Avropa Banklar Federasiyasına qoşulmazdan əvvəl maliyyə xidmətləri, lobbiçilik strategiyalarının inkişaf etdirilməsi və onların tətbiqi ilə məşğul olan konsaltinq şirkətində Hesab Meneceri kimi çalışmıışdır.

Daniele LUISS Roma Universitetinin beynəlxalq əlaqələr ixtisası üzrə magistr dərəcəsi almışdır, Avropa Kollecində Avropa fənlərarası tədqiqatlara sahibdir.

İtaliya vətəndaşı olan Daniele, ingilis, fransız, italyan və ispan dillərində çalışır. Həmçinin alman və rumın dillərində danışa bilir.

Əşrəf Həsənov - Sənaye Elektronikası üzrə Azərbaycan Texniki Universitetinin məzunudur. Həmçinin 2011-ci ildə İngiltərə Standartlaşma İnstitutu tərəfindən Biznesin Davamlılığı İdarəedilməsi (BDİ) sistemi BS25999 Baş Auditor sertifikatı əldə etmişdir. 2016-cı ildən bugünə kimi AzerConnect MMC-də (Bakcell və Azerfon mobil operatorlarının birgə müəssisəsi) BDİ proqramını uğurla idarə edir. 

Əşrəf, 20 ildən çox Telekomunikasiya sahəsində olmaqla son 7 ildə korporativ Biznesin Davamlılığı proqramı sahəsindədir.

O, İKT əməliyyatların idarə olunması, BDİ proqramının inkişafı, Biznes Təsir Analizləri, Risklərin Qiymətləndirilməsi və Yumşaldılması, Fəlakətlərə Cavabvermə, BDİ strategiyasının yaradılması sahəsində geniş təcrübəyə malikdir.

Azerfon və Vodafone tərəfdaşlıq proqramı əsasında 2011-ci ildə Vodafone UK-də BDİ proqramı təcrübəsi keçmişdir.

Azərbaycan Respublikası İqtisadiyyat Nazirliyinin Bakı Biznes Tədris Mərkəzinin biznesin davamlılığı üzrə ekspert-təlimçidir.

Hal-hazırda Azərbaycanın kritik özəl sektor və dövlət qurumlarında əməliyyat və xidmətlərin (məhsulların) dayanıqlığının artırılması sahəsində BDİ proqramının tətbiqinə nail olmaq üçün özəl layihə üzərində çalışır.

Georgiy Verbechkiy maliyyə, ticarət və aktivlər üzrə menecer kimi qlobal bazarlarda 10 ildən artıq təcrübəyə malikdir. Blokçeyn həvəskarıdır.

“Microsoft Rus”, “Thomson Reuters”, “Tradingview” kimi şirkətlərdə biznesin inkişafı ilə əlaqədar müxtəlif vəzifələrdə çalışmışdır.

Georgiy, bir sıra yeni start-upların xüsusi treyderlər icmalarının, konsaltinq şirkətlərinin yaradılmasında iştirak etmişdir. O, həmçinin Kripto valyuta fondunun maliyyə strategiyası, kriptoloji və blokçeyn sənayesinə investisiya qoymaqda strateji məsləhətçi kimi çalışır.

Hazırda Rusiya Federasiyası Dövlət Dumasının maliyyə bazarları üzrə  komitəsinin maliyyə texnologiyalarına hüquqi dəstək şurasına daxil olmuşdur.    Hazırda treyderlərin beynəlxalq investisiya şəbəkəsi olan “eToro” şirkətinin Rusiya və MDB ölkələri üzrə rəhbəridir. “eToro” şəbəkəsinin 140 ölkədən 9 milyon istifadəçisi var. Şirkətin missiyası - treyderlər üçün maliyyə bazarları ilə işləmək yolunun köklü dəyişməsi, sistemin sadələşdirilməsi və bütün ticarət əməliyyatlarının maksimum şəffaflığını təmin etməkdir.

Görkəm Gökçə VeriPark şirkətində Baş hesab meneceri olaraq, Türkiyədəki ən tanınmış VeriPark Omni-Kanal Çatışması, CRM və Kreditin Ödənilməsi sahəsində inkişaf edən Maliyyə və Sığorta şirkətlərində müştərilər və iş yoldaşları üçün rəqəmsal çevrilmə ötürmələrini həll etməkdə məsuldur.    

Görkem Gökçe, İnformasiya Texnologiyaları  sektorunda geniş təcrübəyə malikdir və maliyyə sənayesinin müxtəlif biznes strukturları və proseslərində təcrübəlidir.

O, 3 ildən çox müddətdir ki, Azərbaycanda yaşayır və yerli bazarda və müştəri bazasında geniş təcrübəyə  malikdir.

İstanbulda Bahçeşehir Universitetinin Kompüter Mühəndisliyi üzrə dərəcə ilə bitirmişdir.

2006 – 2013-cü illərdə Azərbaycan Respublikasının Mərkəzi Bankının Daxili Audit departamentində İT üzrə böyük auditor və şöbə rəisi vəzifələrində çalışmışdır.

2013-cü ildən ölkənin bir çox təşkilatlarında, kommersiya banklarında, telekommunikasiya və sənaye müəssisələrində informasiya texnologiyaları üzrə beynəlxalq standartların tətbiqi, informasiya/kiber təhlükəsizliyinin qiymətləndirilməsi və nəzarətlərinin gücləndirilməsi üzrə layihələrə rəhbərlik etmişdir.

Əməliyyat risklərinin kompleks auditinin aparılması və təkmilləşdirilməsi üzrə kamillik modellərinin qurulmasının həyata keçirmişdir. 2017-ci ildən Prima Konsaltinq şirkətinin İdarəçilik və İnformasiya Təhlükəsizliyi üzrə təcrübə rəhbəridir.

2006-cı ildən Beynəlxalq ISACA-USA assosasiyasının üzvüdür.

Kənan Əliyev İnformasiya Texnologiyalarının (İT) auditi və Təhlükəsizliyi üzrə exspert olaraq, bu sahədə 7 ilə yaxın təcrübəyə malikdir.

O, uzun müddət “Böyük Dördlük”, konkret olaraq Deloitte və KPMG şirkətlərində çalışmış, hazırda isə İnformasiya təhlükəsizliyi sahəsində müstəqil araşdırmaçı kimi fəaliyyət göstərir. Kənan Azərbaycanın bir çox banklarında Maliyyə auditi layihələri çərçivəsində İT və Avtomatlaşmış biznes proseslər üzrə tərtib edilmiş nəzarətlərin təhlilini həyata keçirib.

Bundan əlavə, o, müxtəlif müəssisələrdə İnformasiya təhlükəsizliyinin İSO 27001(2):2013, İT-nin idarə edilməsi daxilində proseslərin yetkinlik səviyyəsinin COBİT standartı üzrə qiymətləndirilməsi layihələrində iştirak etmişdir.

Kənanın Bankdan savayı Telekommunikasiya, İstehsalat və Sığorta sektorları üzrə də İT audit təcrübəsi var.

O, Bakalavr dərəcəsini Bakı Dövlət Universitetinin Tətbiqi riyaziyyat fakultəsində, magistr dərəcəsini isə Azərbaycan Dövlət Neft Akademiyasının MBA kafedrasında “İnformasiya Sistemlərinin İdarəedilməsi” ixtisası üzrə almışdır. Kənan İnformasiya Sistemlərinin Sertifikatlaşmış Auditoru (CİSA) sertifikatına malikdir.

Məhəmməd Məmmədov 2011-ci ildə Türkiyənin İstanbul Universitetinin Beynəlxalq İqtisadi Əlaqələr fakültəsini fərqlənmə diplomum 2004-cü ildə Türkiyənin Marmara Universitetinin Bankçılıq və Sığortaçılıq İnstitutunun Bankçılıq ixtisasını magistr dərəcəsi ilə bitimirşdir.

O, karyerasına 2003-cü ildə “Para Bank”da kredit mütəxəssisi kimi başlamışdır. 2005-2006-cı illərdə “Kapital Bank”ın 2 saylı Səbail filialında aparıcı mühasib vəzifəsində çalışmışdır. 2006-2009-cu illərdə “Kapital Bank “ da yeni yaradılan Plastik Kartlar Riteyl Departamentində aparıcı mütəxəssis və baş mütəxəssis vəzifələrində çalışmışdır.O, 2009-2011-ci illərdə “Kapital Bank”ın Riteyı Departamentinin şöbə rəisi vəzifəsində çalışmış və2011-ci iləd bu departamentdə direktor müavini vəzifəsinədək yüksəlmişdir.

O, karyerasına 2013-cü ildə “Yapı Kredi Azərbaycan” da yeni yaradılan Alternativ Xidmət Kanalları Departamentində direktor müavini kimi davam etmişdir. 2015-ci ildə Alternativ Xidmət Kanalları Departamentinin direktoru vəzifəsinə yüksəlmiş və hazırda karyerasına “Yapı Kredi Azərbaycan”da davam etməkdədir.

Məhəmməd Məmmədov 2016-cı ildən Azərbaycan Banklar Assosiasiyasının nəzdində yaradılan “Ödəniş Sistemləri və Alternativ Xidmət Kanalları” üzrə Ekspert Qrupunun sədridir.O, ekspert qrupu daxilində kartlı ödəniş sistemləri,alternative xidmət kanalları (İnternet Bankçılıq, Mobil Bankçılıq, ATM, Çağrı Mərkəzi və a.), ödəniş sistemlərinin təhlükəsizliyi və digər nağdsız ödənişlərlə əlaqədar bank sistemindəki mövcud vəziyyətin, bankların qarşılaşdıqları problemlərin və digər əlaqədar məsələlərin müzakirə edilməsində, o cümlədən xarici təcrübənin,          qabaqcıl ölkələrin innovativ yanaşmalarının öyərnilməsi, eləcə də müvafiq qurumlara ünvanlanacaq əsaslandırılmış təkliflərin hazırlanması, hüquqi –normativ baza və standartların hazırlanmasında və digər bu qəbildən olan fəaliyyətlərin həyata keçirilməsində aktiv iştirak edir.

Mehmet Ali Çitpiş Biznesin İdarə Edilməsi üzrə bakalavr dərəcəsinə malikdir. Mehmet Ali 14 ilini Fırıldaqçılığa qarşı Mübarizə üzrə mütəxəssis  kimi çalışmışdır.

O, karyerası ərzində Türkiyə banklarında Fırıldaqçılığa qarşı Mübarizə Menecmenti üzrə  müxtəlif vəzifələri yerinə yetirmişdir.

2014-cü ildən etibarən  Mehmet Ali Ziraat Bank Türkiyədə Fırıldaqçılığa qarşı Mübarizə üzrə Menecerdir.

Mehmet Alinin mütəxəssis olduğu sahəyə kart, ATM, ticarət, internet, mobil bankçılıq fırıldaqçılığı və fraud tətbiqləri daxildir.

Mehmet İzzət Hacialioğlu Garanti Bankda təxminən 5 il İT Auditor kimi fəaliyyət göstərmişdir və 5 ildən artıqdır ki, Rəqəmsal Bankçılıqda Təhlükəsizlik məsələləri üzrə Menecer kimi çalışmaqdadır.

O, rəqəmsal bankçılıq, ATM prosedurlarının identifikasiyası və təhlükəsizliyi ilə bağlı siyasi qərarların verilməsi, həmçinin fırıldaqçılıq və komplayns məsələləri ilə əlaqəli xüsusi layihələrin həyata keçirilməsi üzrə məsul şəxsdir.

2007-ci ildə sənaye mühəndisliyi üzrə bakalavr dərəcəsi almışdır. 2015-ci ildə İnformasiya və Texnologiya Hüququ üzrə magistr dərəcəsini tamamlamışdır. 2017-ci ildə CISM sertifikatına layiq görülmüşdür.

Mehmet İzzet Hacialioğlunun 34 yaşı var.

Evlidir və iki uşaq atasıdır.

Meyram Burataev 2002-2007-ci illərdə Tınışpayeva adına Qazaxıstan Nəqliyyat və Rabitə Akademiyasında təhsil almışdır. Satış sahəsində 10 illik təcrübəyə malikdir.

Belə ki, Meiram Burataev TOO “Kaр-Тел” тм  Beeline,” Smartcom LLP”də satış meneceri , Streamline Central Asia –da Biznesin İnkişafı üzrə Menecer kimi  çalışmışdır.

2014-cü ildən etibarən “Tiger Optiks”də Regional Menecer kimi fəaliyyət göstərmişdir. 2018-ci ildən “Cisco”da Kibertəhlükəsizlik üzrə Satış Mütəxəssisi kimi çalışır.

Rusiya və İnternet Təhlükəsizliyi Mərkəzinin(CIS) cinayət araşdırmaları üzrə əməkdaşıdır.

Nikolay Lekqodimov 6 ildən artıq müddətdə konsultant kimi fəaliyyət göstərmişdir. Neft və qaz sənayesində 5 ildən çox təcrübəyə malikdir.  O, ABŞ-da maliyyə, telekommunikasiya sahəsində və bir çox dövlət qurumlarında çalışmışdır.

Perspektiv texnologiya və innovasiya, cinayət araşdırmaları, Neft-qaz,İ nformasiya Təhlükəsizliyi, İnformasiya Texnologiyalarının İdarə Edilməsi üzrə ixtisaslaşmışdır.

Bir sıra peşəkar təcrübələrə malikdir:

Rusiyanın və digər xarici neft-qaz şirkətlərində Korporativ Resurs Planlaşdırması və biznes proqramının icrası;

 İstehsal müəssisələrində innovativ idarə etmə sistemlərininn tətbiqi;

Neft-qaz və metallurgiya şirkətlərində anti-fırıldaqçılıq sistemlərinin avtomatlaşdırılması,

İqtisadi Təhlükəsizlik sistemlərində Məlumat Analizi Texnologiyaları (Data Analiz Texnologiyaları) , o cümlədən  avtomatlaşdırılmış satınalma analizləri, CDD (digər tərəfin maliyyə vəziyyəti haqqında kifayət qədər məlumat toplanılması), neft müəssisələrində, neft emalı zavodlarında və  yanacaq doldurma məntəqələrindəki  fırıldaqçılığa qarşı olan (anti-fraud)  sistemlərin tətbiqi;

İnformasiya texnologiyaları vasitəsilə kiber cinayətlərin və fırıldaqçılığın qarşısının alınması;

Layihə İdarəetmə Ofislərinin qurulması (beynəlxalq və İT layihələri);

 Rusiyada aparıcı neft şirkətlərində iş proseslərinin optimallaşdırılması;

Maddi balansın qorunması, neft və neft məhsulları itkilərinin minimallaşdırılması məqsədilə olan proqramların idarə edilməsi.

Lomonosov adına Moskva Dövlət Universitetinin Polimer Fizikası fakültəsindən məzun olmuşdur.

Qubkin adına Rusiya Dövlət Neft-Qaz Universitetini və ENSEAD biznes məktəbini yüksək dərəcə ilə bitirmişdir. CFE, CISSP, PMP peşəkar sertifikatlarına layiq görülmüşdür. Rus, ingilis,ispan və Ukrayna dillərini bilir.

Pavel 2013-cü ilin əvvəlindən etibarən Swift Moskva ofisində Rusiya və MDB ölkələrinin maliyyə institutları üzrə Hesab Direktoru kimi cəlb olunmuşdur.

Pavelin Rusiyanın maliyyə institutlarında, Rusiyanın TOP Banklarında uzun illər təcrübə qazanmış və Rusiya, MDB ölkələrinin bankları ilə əlaqələr üzrə məsuliyyət daşımışdır.

Mirzəyev Qaçay Vaqif oğlu 2001-ci ildə Bakı Dövlət Universitetinin Tətbiqi Riyaziyyat və Kibernetika fakültəsinin İqtisadi Kibernetika ixtisasını fərqlənmə diplomu ilə bitirmişdir.

2002-ci ildə İnformasiya Texnologiyaları sahəsində ixtisasını artırmaq üçün Ukraynanın Kiyev, İngiltərənin Birminhem, Cənubi Koreyanın Seul, Busan və Kvanqju şəhərində xüsusi ixtisasartırma kurslarında iştirak etmiş və sertifikatlı İT mütəxəssis olmuşdur.

2001-2005-ci ilərdə Qlobal və Lokal Hesablama Şəbəkələri İnzibatçılarının hazırlığı üzrə Regional Akademiyada təlimatçı, 2005-2008-ci illərdə BP Caspian şirkətində cihazlar üzrə texnik-operator vəzifəsində, 2008-2012-ci illərdə Azərbaycan Respublikası Dövlət Neft Fondunda İnzibati Departamentdə İnformasiya Texnologiyaları şöbəsinin müdiri vəzifəsində çalışmışdır.

2012-ci ilin iyul ayından Microsoft Azərbaycan şirkətində Strateji Texnologiyalar üzrə Məsləhətçi, 2017-cı ilin fevral ayından etibarən isə Microsoft MDB-də Azure Platformasında İnfrastruktur həlləri üzrə ekspert vəzifəsində çalışır.

Seçil Arslan Orta Şərq Texniki Universitetinin Kompüter Mühəndisliyi fakültəsinin bakalavr və magistr dərəcələrini bitirmişdir. O, Koç Universitetindən MBA dərəcəsi almışdır.

Seçil Arslan 9 il ASELSAN A.Ş-da hava müdafiəsi və milli döyüş gəmisi layihələrində çalışmışdır. 2013-cü ildə Yapı Kredi-nin Tədqiqat və İnkişaf qrupuna qatılmışdır və Tədqiqat və İnkişaf Qrupunun, həmçinin xüsusi layihələrin rəhbəri kimi fəaliyyət göstərməkdədir.

O, Yapı Kredi-nin müxtəlif biznes proseslərini avtomatlaşdırmaq və rəqəmsallaşdırmaq məqsədi ilə bir neçə süni intellekt və təbii dil emalı layihələrini idarə edir. Həmin layihələr çərçivəsində bir çox milli və beynəlxalq mükafatları var.

1977-ci ildə Azərbaycan Dövlət İqtisad Universitetinin “Mühasibat uçotu” fakultəsinə daxil olmuş və 1981-ci ildə “İqtisadçı” ixtisası üzrə tam kursu bitirmişdir.

Əmək fəaliyyətini 1981-ci ildən Azərbaycan Respublikası Rabitə Nazirliyində, “Nəzarət-Təftiş” İdarəsində aparıcı mühasib kimi başlamışdır.

1981-1983-cü illərdə Hərbi xidmətdə olmuşdur. Hərbi xidməti  başa vurduqdan sonra 1983-cü ilin iyul ayından etibarən 1989-cu ilin yanvar ayınadək, Azərbaycan Respublikası Rabitə Nazirliyinin “Nəzarət-Təftiş” İdarəsində mühasib-revizor, Baş təftişçi və Baş mühasibin müavini kimi fəaliyyət göstərmişdir. 1989-cu ildən AR Rabitə Nazirliyinin “Rayon Rabitəsi” İstehsalat Birliyinə “Nəzarət və mühasibat uçotu” şöbəsinin rəisi vəzifəsinə təyin edilmişdir.

1993-1998-ci illərdə “Rabitəbank” SKB-nın İdarə Heyətinin Sədri vəzifəsində çalışmışdır və 1998-ci ildən hal-hazıradək “Rabitəbank” ASC-nin Müşahidə Şurasının Sədri vəzifəsində çalışır.

1996-cı ildə “Azərbaycan Banklar Assosiasiyası”nın Prezidenti vəzifəsinə seçilmiş və 2006-cı ilə qədər həmin vəzifədə çalışmışdır. 2006-cı ildən 2015-ci ilədək “Azərbaycan Banklar Assosiasiyası”nın Rəyasət Heyətinin üzvü olmuşdur. 2015-ci ildən yenidən “Azərbaycan Banklar Assosiasiyası”nın Prezidenti vəzifəsinə seçilmişdir.