VIII BEYNƏLXALQ BANKÇILIQ FORUMU

Namiq Əliyev 1977-ci ildə Bakı şəhərində anadan olub. Bakı Dövlət Universitetinin məzunudur. Tələbə ikən bir sıra dövrü nəşrlərdə çalışıb. 1999-2000-ci illərdə Respublika Elmi Texniki Kitabxanasında, 2001-2003-cü illərdə Azərbaycan Respublikası Mədəniyyət Nazirliyinin Mədəni Maarif Baş İdarəsində aparıcı mütəxəssis vəzifəsində çalışıb. 2004-cü ildən "Azad Azərbaycan" müstəqil Teleradio Yayım Şirkətində  müxbir, aparıcı müxbir, redaktor assistenti, redaktor vəzifəsini daşıyıb.

2010-cu ilin may ayında Azərbaycan Respublikası Mərkəzi Bankının Kommunikasiya departamentində fəaliyyətə başlayıb, 2011-ci ilin iyul ayından həmin departamentin İctimaiyyətlə Əlaqələr şöbəsinin rəisidir. Azərbaycan Televiziya və Radio verilişləri Qapalı Səhmdar Cəmiyyətinin (AZTV) "İqtisadiyyat xəbərləri" verilişinin aparıcısıdır (2019)

1987-cı ildə Şəki şəhərində anadan olmuşdur. Azərbaycanlıdır. Ali təhsillidir.

2008-ci ildə Bakı Dövlət Universitetini “İnformatika” ixtisası üzrə bakalavr, 2011-ci ildə isə həmin universiteti eyni ixtisas üzrə magistr dərəcələri ilə bitirmişdir. 2015-ci ildə ADA Universiteti və “Maastricth School of Management” birgə EMBA proqramına daxil olmuşdur. 2017-ci ildə həmin universitetləri Beynəlxalq Biznesin İdarəedilməsi ixtisası üzrə magistr dərəcəsilə bitirmişdir. 2020-ci ildə Kopenhagen Biznes Məktəbinin “Maliyyə Sektorunda Rəqəmsal Transformasiya”, 2021-ci ildə isə Harvard Business School-un “Biznes Analizi, Mühasibatlıq və İdarəedənlər üçün İqdisadiyyat” istiqamətlərində xüsusi kurslarda təhsilini davam etdirməklə müvafiq sertifikatlar əldə etmişdir. O, həmçinin 2014-cü ildə Oracle şirkətinin təşkilatın arxitekturası üzrə “OCM” sertifikatına da yiyələnmişdir. 2024-cü ildən İngiltərənin London Metropolitan Universitetində “Tətbiqi Psixologiya” ixtisasını magistr dərəcəsi üzrə təhsilini davam etdirir.

Əmək fəaliyyətinə 2009-cu ildə “ICL” MMC-də texniki mütəxəssis vəzifəsilə başlamışdır. 2010-2011-ci illərdə “İnfosecurity” MMC-də aparıcı veb-proqramçı vəzifəsində çalışmışdır. 2011-2016-cı illərdə “Azercell Telekom” MMC-də İnformasiya Kommunikasiya Texnologiyaları departamentində kiçik proqramçı, proqramçı, aparıcı proqramçı, 2016-2018-ci illərdə isə həmin şirkətdə Məhsul və Xidmətin Yaradılması bölməsinin rəhbəri vəzifələrində çalışmışdır.

2018-2020-ci illərdə “PAŞA Bank” ASC-də Rəqəmsal Laboratoriya departamentinin Rəqəmsal Mühəndislik şöbəsinin rəhbəri vəzifəsində çalışmışdır. 2021-ci ilin yanvar ayından 2024-cü ilin may ayınadək həmin bankın Texnologiya blokunun baş direktoru vəzifəsində işləmişdir.

2024-cü ilin may ayından Mərkəzi Bankın baş direktoru vəzifəsinə təyin edilmişdir. Hal-hazırda həmin vəzifədə çalışır.

Evlidir, üç övladı var.

Vice Chairman,  Banking Regulation And Supervision Agency

7 Aprel 1975-ci il tarixində Azərbaycan Respublikası İmişli rayonunda anadan olmuşdur.

Təhsili

1992-ci ildə ikinci ixtisas qrupu üzrə ən yüksək balla Azərbaycan Dövlət İqtisad Universitetinə qəbul olmuş, 1997-ci ildə ali təhsilini bitirmiş, 2004-cü ildə Gürcüstan İctimai əlaqələr Institutunda Jurnalistika ixtisası üzrə ikinci ali təhsili almışdır. 2009-cu ildə iqtisad üzrə fəlsəfə doktoru və 2017-ci ildə isə iqtisad elmləri doktoru alimlik dərəcəsini müdafiə etmişdir. O, 2021-ci ildə Harvard Universitetinin Kennedi İdarəçilik Məktəbində "İqtisadi artımın idarəedilməsi" mövzusunda xüsusi proqram çərçivəsində təhsil almışdır. 2013-cü ildə Vüsal Qasımlıya dosent elmi adı verilmişdir.

2010-2014-cü illərdə V.Qasımlı UNEC-də Xüsusi İstedadlar Qrupu və MBA proqramı üzrə pedaqoji fəaliyyətlə məşğul olub.

V.Qasımlı Vaşinqton Universiteti, Kaliforniya Universiteti, Qahirə Amerika Univeristeti, Varşava Universiteti, Seulun Hanyan və Hankuk universitetləri və Rio-de-Janeyro Universitetində ictimai mühazirələr oxumuşdur.

2013-cü ildə Koreya Beynəlxalq İqtisadi Siyasət İnstitutunda qonaq alim kimi çalışmışdır.

2021-ci ildən Vüsal Qasımlı Prezident yanında Dövlət İdarəçilik Akademiyasında professor (0,5 ştat) vəzifəsində çalışır.

Onun Azərbaycan, rus, koreya və ingilis dillərində 10 kitabı və 500-ə qədər elmi və publisistik məqaləsi var.

Əmək fəaliyyəti

12.05.2000-06.12.2003 müddətində Ekspress qəzetinin redaksiyasında iqtisadi məsləhətçi,

15.02.2005-19.11.2005, “ANS-PRESS Nəşriyyat evi” MMC-də iqtisadi icmalçı,

19.11.2005-30.04.2007, “ANS-PRESS Nəşriyyat evi” MMC-də prezident,

09.02.2009-11.05.2011, Azərbaycan-İctimai-Siyasi Universitetində kafedra müdirinin müavini,

2007-2011-ci illərdə Avropa İttifaqı, Dünya Bankı, Yaponiya Beynəlxalq Əməkdaşlıq Təşkilatının (JİCA) və bir sıra beynəlxalq qurumların həyata keçirdiyi layihələrdə çalışmışdır.

2011-2016-cı illərdə Azərbaycan Respublikasının Prezidenti yanında Strateji Araşdırmalar Mərkəzinin İqtisadiyyatın təhlili və qloballaşma məsələləri şöbəsinin müdiri vəzifəsində işləmişdir.

015-ci ildə Böyük İyirmiliyin beyin mərkəzlərinin T20 platformasında Azərbaycanı təmsil etmişdir.

10.05.2016 tarixindən hal-hazıradək Azərbaycan Respublikası İqtisadi İslahatların Təhlili və Kommunikasiya Mərkəzinin icraçı direktorudur.

2018-ci ildə tərəqqi medalı ildə təltif edilmişdir.

Vüsal Qasımlı 2021-ci ildə BMT-nin Asiya və Sakit Okean Komissiyasının milli koordinatoru təyin olunmuşdur.

Ailəlidir, üç övladı var.

1977-ci ildə Azərbaycan Dövlət İqtisad Universitetinin “Mühasibat uçotu” fakultəsinə daxil olmuş və 1981-ci ildə “İqtisadçı” ixtisası üzrə tam kursu bitirmişdir. Əmək fəaliyyətini 1981-ci ildən Azərbaycan Respublikası Rabitə Nazirliyində, “Nəzarət-Təftiş” İdarəsində aparıcı mühasib kimi başlamışdır.

1981-1983-cü illərdə Hərbi xidmətdə olmuşdur. Hərbi xidməti  başa vurduqdan sonra 1983-cü ilin iyul ayından etibarən 1989-cu ilin yanvar ayınadək, Azərbaycan Respublikası Rabitə Nazirliyinin “Nəzarət-Təftiş” İdarəsində mühasib-revizor, Baş təftişçi və Baş mühasibin müavini kimi fəaliyyət göstərmişdir. 1989-cu ildən AR Rabitə Nazirliyinin “Rayon Rabitəsi” İstehsalat Birliyinə “Nəzarət və mühasibat uçotu” şöbəsinin rəisi vəzifəsinə təyin edilmişdir.

1993-1998-ci illərdə “Rabitəbank” SKB-nın İdarə Heyətinin Sədri vəzifəsində çalışmışdır və 1998-ci ildən hal-hazıradək “Rabitəbank” ASC-nin Müşahidə Şurasının Sədri vəzifəsində çalışır.

1996-cı ildə “Azərbaycan Banklar Assosiasiyası”nın Prezidenti vəzifəsinə seçilmiş və 2006-cı ilə qədər həmin vəzifədə çalışmışdır. 2006-cı ildən 2015-ci ilədək “Azərbaycan Banklar Assosiasiyası”nın Rəyasət Heyətinin üzvü olmuşdur. 2015-ci ildən yenidən “Azərbaycan Banklar Assosiasiyası”nın Prezidenti vəzifəsinə seçilmişdir.

Emil Zeynalov karyerasına Rusiyada fəaliyyət göstərən “Credit Europe Bank”da başlayıb. Daha sonra o, Azərbaycanda yerli kommersiya banklarında müxtəlif vəzifələrdə çalışıb.

Emil Zeynalov 6 ildən artıqdır ki, “Mastercard”da çalışır və bu müddət ərzində Azərbaycanda biznesin inkişafı və əlaqələrin idarə olunmasında müstəsna rol oynayıb.

Eren Özkan “Mastercard Advisors & Consulting Services” şirkətində Türkiyə, Azərbaycan, Ukrayna və Moldova üzrə klaster rəhbəridir. O, Avropa, Yaxın Şərq və Asiya-Sakit okean regionunu əhatə edən 20-dən çox ölkədə 16 illik idarəetmə konsaltinq təcrübəsinə malikdir və hazırda 4 yüksək inkişaf edən bazarda 130 nəfərlik komanda onun rəhbərliyi altında çalışır. Onun əsas fəaliyyət sahəsi maliyyə xidmətlərini əhatə edir. Bura inkişaf strategiyası, loyallıq, portfelin optimallaşdırılması, rəqəmsal transformasiya, müştərinin həyat dövrünün idarə edilməsi və analitikası, yeni məhsulların inkişaf etdirilməsi daxildir.

Gözdə Şahin “Mastercard”da Loyallıq Həlləri Biznesinin İnkişafı üzrə direktor vəzifəsində çalışır. “Procter and Gamble” və “Mastercard” kimi qlobal şirkətlərdə brendinq və proqram idarəetməsi sahəsində 10 ildən artıq təcrübəyə malik Gözdə Şahin bazar payının artırılması, müştərilər üçün fərdi, effektiv həllərin təqdim edilməsi və istehlakçıların həyat səviyyəsinin yaxşılaşdırılmasına yönəlmiş bir çox yerli və regional miqyaslı təşəbbüslərə uğurla rəhbərlik edib. Sağlam həyat tərzi və sağlam qidalanma həvəskarı olan Gözde  Şahin, qlobal institutlardan birinin kompleks qidalanma üzrə sertifikatına malikdir. O, başqalarını da düşünülmüş qərarlar və dayanıqlı təcrübələr hesabına həyat tərzlərinə kompleks yanaşma tətbiq etməyə həvəsləndirməyə çalışır.

Rəhbərlik sahəsində böyük təcrübəyə malik Araz Əliyev “Azərbaycan Hava Yolları”nın (AZAL) Loyallıq İdarəsinin rəisi vəzifəsində çalışır.

Sığorta, rəqəmsal həllər və bank sektorlarında 14 ildən artıq təcrübəyə malik Araz Əliyev hazırladığı müştəriyönümlü strategiyalar sayəsində işgüzar münasibətlərin inkişafına və biznesin böyüməsinə nail olub. AZAL-da o, fərdiləşdirmə, məlumat əsaslı qərar qəbuletmə və rəqəmsal transformasiya yönümlü innovativ təşəbbüslər vasitəsilə loyallıq təkliflərini transformasiya etməyə nail olub. Araz müştərilərə xidmət səviyyəsini yaxşılaşdıran və ciddi nəticələr əldə edən, qlobal tələblər və dayanıqlılıq hədəfləri ilə uzlaşan loyallıq proqramlarının işlənib hazırlanması üzrə ixtisaslaşıb.

Bank və B2B sektorunda 12 ildən artıq təcrübəyə malik olan Mahmud Mahmudov mürəkkəb tərəfdaşlıqların idarə edilməsi sahəsində ixtisaslaşıv. “Kapital Bank”ın Ekosistem Tərəfdaşlıq Şəbəkəsi İdarəsinin rəhbəri olaraq, loyallıq proqramları, hissəli ödəniş və POS kredit həlləri, həmçinin ipoteka tərəfdaşlıqları daxil olmaqla B2B təşəbbüslərinə uğurla rəhbərlik edib. Mahmud Mahmudov Azərbaycan Dövlət İqtisad Universitetində Beynəlxalq İqtisadi Münasibətlər ixtisası üzrə təhsil alıb. O, bütün maraqlı tərəflər üçün inkişafı stimullaşdıran və dəyər yaradan innovativ əməkdaşlıqların qurulmasında böyük təcrübəyə malikdir.

Kirill Ovsyannikov əsas diqqəti bank texnologiyaları sahəsində innovasiya və tərəfdaşlıqlara yönəltməklə BS/2-də strateji inkişafa rəhbərlik edir. O, tərəfdaşlara rəqabət qabiliyyətini artırmaq üçün qabaqcıl həllər tətbiq etməkdə kömək etməklə Qafqaz və Mərkəzi Asiya regionunda rəqəmsal transformasiyanın həyata keçirilməsində mühüm rol oynayıb.

Uzaqgörən yanaşması və bazarı dərindən anlaması sayəsində Kirill, BS/2-ni müştərilərin artan ehtiyaclarına cavab verən ən müasir həllərlə təmin edir.

"Kapitalbank" SKB-nin Biznesə Texniki Dəstək İdarəsinə rəhbərlik edən Denis Koxayev ödəniş avadanlıqlarına xidmət və bank texnologiyalarının optimallaşdırılması işini həyata keçirir.

2018-ci ildə texniki dəstək mütəxəssisi kimi bank karyerasına başlayan Denis Koxayev cəmi 6 il ərzində idarə rəhbəri vəzifəsinədək yüksəlməyi bacarıb. O, bank xidmətlərinin müasirləşdirilməsində və innovativ texnologiyaların tətbiqində mühüm rol oynayaraq, “Kapitalbank”ın əməliyyatlarının transformasiyasına töhfə verib.

Texniki həllər sahəsində dərin təcrübəsi və mükəmməlliyə nail olmaq əzmi bankın ən son yenilikləri asanlıqla inteqrasiya etməsinə və dinamik bazarda rəqabət üstünlüyünü təmin etməsinə imkan yaradır.

Otabek Nasirov Mərkəzi Asiya Fintex Assosiasiyasının sədri, “Cyber Park” və AICA-nın Ekspert Şurasının, həmçinin Özbəkistan Respublikasının Prezidenti yanında Xarici İnvestorlar Şurasının (FIC) işçi qruplarının üzvüdür.

Otabek Nasirov Mərkəzi Asiyada fintex bazarının və icmasının inkişafında, həmçinin tənzimləyici “qum qutuları”nın və fintex sənayesinin yerli qanunvericiliyinin, o cümlədən blokçeyn texnologiyası sahəsində təhsil, süni intellekt, rəqəmsal aktivlər, kibertəhlükəsizlik və s. konvergent texnologiyaların inkişafında fəal iştirak edir. Özbəkistanın Rəqəmsal Texnologiyalar Nazirliyi, Mərkəzi Bank, Rəqabətin Təşviqi və İstehlakçıların Hüquqlarının Müdafiəsi Komitəsi, Perspektivli Layihələr üzrə Milli Agentlik (NAPP) və Dövlət Vergi Komitəsi kimi əsas dövlət qurumlarında fintex icmasının maraqlarını təmsil və müdafiə edir.

O, “UMAY Angels Club” və “ICLUB by Venture Found TA Ventures”in üzvü olmaqla yanaşı, həm də Özbəkistan Vençur Kapitalı Assosiasiyası (UzVCA), Milli Vençur Kapital Fondu (UzVC) və “AloqaVentures” Vençur Fondu ilə əməkdaşlıq edir.

Bilik və təcrübəsini “Coca-Cola”, “Carlsberg Group”, “General Motors”, “Ernst &

Young”, həmçinin İsveçrənin Şaffhauzen Texnologiya İnstitutunun Beynəlxalq

Tədqiqat İnstitutu çərçivəsində Beynəlxalq Təlim Məktəbi kimi beynəlxalq və

qlobal şirkətlərdə qazanıb.

Daşkənd Dövlət Hüquq İnstitutunun və Moskvanın “Skolkovo” İdarəetmə

Məktəbinin məzunudur.

Otabek “Global Blockchain Business Council” (GBBC) assosiasiyasının və “Chapter Zero Uzbekistan” (İqlim İdarəetmə Təşəbbüsü | İİT) layihəsinin səfiridir.

Onlayer Bilişim Teknolojileri A.Ş.-nin həmtəsisçisi və baş icraçı direktoru, texnologiya və fintech sahəsində geniş təcrübəyə malik bir mütəxəssisdir. Onun rəhbərliyi altında Onlayer, qlobal səviyyədə tanınan, ticarət idarəetmə və məlumat analitikası sahəsində qabaqcıl həllər təqdim edən lider bir platforma kimi inkişaf etmişdir. Kıvanç, fərqli beynəlxalq bazarlarda texnoloji innovasiyaları təşviq etməkdə mühüm rol oynayıb və şirkətini müvəffəqiyyətli tərəfdaşlıqlar və əhəmiyyətli genişlənmələrlə irəli aparıb. O, böyük məlumat və süni intellektdən istifadə edərək maliyyə texnologiyaları sahəsində risklərin idarə olunması və uyğunluq məsələlərində yeni həllərin tətbiqinə öncülük edir. Kıvanç həmçinin, televiziya proqramlarında, beynəlxalq forumlarda və konfranslarda fikirlərini bölüşən və sənaye liderləri ilə yeni trendlər və strateji inkişaflar üzrə fikir mübadiləsi aparan axtarılan bir spikerdir.

.

Bank və fintex sahəsində 20 ildən artıq təcrübəyə malik olan Togay Çınlarses bazara çıxış strategiyaları və güclü tərəfdaşlıqların qurulması üzrə ixtisaslaşıb.

“Innovance” şirkətində fəaliyyətə başladıqdan sonra o, şirkətin Cənubi, Mərkəzi və Şərqi Avropa daxil olmaqla Avropa, Yaxın Şərq və Afrika regionunda beynəlxalq inkişafının təmin edilməsində mühüm rol oynayıb.

Dövlət sektorunda səmərəliliyi, şəffaflığı və texnologiyanı inkişaf etdirməyə yönəlmiş tədbirlərdə aparıcı rol oynayıb. Azərbaycan Mərkəzi Bankında, xüsusilə ödəniş sistemlərinin rəqəmsallaşdırılması sahəsində mühüm layihələrin həyata keçirilməsində iştirak edib, nağdsız ödənişlərin genişlənməsinə və innovativ ödəniş həllərinin hazırlanmasına töhfə verib. Hazırda maliyyə texnologiyaları sahəsində innovasiyaların təşviqinə və rəqəmsal həllərinin inkişafına dəstək göstərir.

Bulud əsaslı bank platformaları və maliyyə texnologiyası həlləri sahəsində geniş təcrübəyə malik olan Oğuzhan Yılmaz Türkiyə, Sinqapur, Kosova və Azərbaycan kimi bir çox bazarlarda satış strategiyalarını uğurla idarə edib. O və “Fimple” şirkətində rəhbərlik etdiyi komanda 300-dən çox qlobal biznes tərəfdaşlığı qurmağa və beynəlxalq fintex dünyasında geniş şəbəkə yaratmağa nail olub. Əsas diqqəti maliyyə qurumlarının rəqəmsal transformasiyası və rəqəmsallaşmasına yönəldən Oğuzhan Yılmaz qurumlara innovativ həllər təqdim edir. Karyerası boyunca Oğuzhan maliyyə texnologiyası məhsullarının satışında liderlik qabiliyyətləri və strateji baxışı ilə fərqlənib. O, qlobal bazarda əldə etdiyi təcrübəni Azərbaycanın maliyyə ekosisteminə ötürmək məqsədilə fəaliyyətini davam etdirir.

Denis Stepançenko Kiyev Milli İqtisad Universitetinin məzunudur. Ali təhsil aldığı  illərində beynəlxalq FMCG şirkətində satış agenti kimi çalışıb, daha sonra brend meneceri və məhsul xəttinin inkişafı üzrə direktor vəzifələrində işləyib.

2005-ci ildən etibarən Denis Stepançenko bank avadanlığı istehsal edən şirkətdə kommersiya direktoru vəzifəsində çalışıb.

2013-cü ildə yeni nəsil maliyyə və sahələrarası proqram təminatının işlənib hazırlanması üzrə ixtisaslaşan beynəlxalq ART-BANK şirkətlər qrupunun kommersiya direktoru vəzifəsinə təyin olub. Şirkət 2000-ci ildə bank sahəsində informasiya texnologiyaları üzrə təcrübəsi olan alimlər və mütəxəssislər komandası tərəfindən təsis edilib.

İT sahəsində 11 illik təcrübəsi olan Denis Stepançenko bir çox uğurlu layihələr həyata keçirib və ciddi nailiyyətlər əldə edib.

O, avtomatik kod genereasiyası və mikroservislərin idarəetmə mexanizmləri kimi qabaqcıl və unikal İT texnologiyaları tətbiq etməklə biznesin inkişafına dəstək sahəsində böyük təcrübəyə malikdir.

Aleksandr Rozovik “Atlassian Gold Solution Partner” sertifikatına malik “Softgile” şirkətinin baş icraçı direktoru olaraq, biznesin optimallaşdırması üçün strateji həllərin hazırlanmasına və tətbiqinə rəhbərlik edir. Rəhbərlik sahəsində 10 ildən artıq təcrübəsi olan Aleksandr Rozovik “Softgile” şirkətini məhsuldarlığı artırmağa və əməliyyatları optimallaşdırmağa çalışan təşkilatlar üçün etibarlı tərəfdaşa çevirib. “Atlassian” brendinin “Jira”, “Confluence” və “Bitbucket” kimi həlləri üzrə böyük təcrübəyə malik Aleksandr İT, maliyyə və istehsal kimi sahələr üzrə fəaliyyət göstərən müştərilərə özəl məhsullar təqdim edir. Onun rəhbərliyi altında “Softgile” şirkəti böyük şirkətlərə komandalarının tam potensialını açmağa kömək etməklə onların rəqəmsal transformasiyasına dəstək verib. Aleksandr Rozovikin innovasiyalara və müştərilərlə işə sadiqliyi “Softgile” şirkətini “Atlassian” ekosistemində liderə çevirib.

Strategiyalar, biznes və korporativ inkişaf üzrə təcrübəli mütəxəssis olan Dirim Altunbaş inkişaf etməkdə olan bazarlarda rəqəmsal transformasiyanı sürətləndirmək sahəsində 10 ildən artıq təcrübəyə malikdir. Tərəfdaşlıq münasibələrinin qurulması sahəsində təcrübəsi sayəsində o, Şərqi Avropa, Yaxın Şərq və Afrika regionunda elektron ticarət və fintex sahələrində bir çox əhəmiyyətli layihələrə rəhbərlik edib. Hazırda “Mastercard”da fəaliyyət göstərən Dirim Altunbaş insanların imkanlarını genişləndirən və iqtisadiyyatları gücləndirən təhlükəsiz və rahat rəqəmsal ödəniş həllərinin miqyasının genişləndirilməsi ilə məşğul olur.

“Quadrantis Capital” şirkətində biznesin inkişafı üzrə direktor olaraq, Portuqaliya Qızıl Vizasına investisiyalara və portfelin diversifikasiyasına xüsusi diqqət ayırmaqla strateji və uzunmüddətli tərəfdaşlıqların qurulması üzrə ixtisaslaşıb. Bazar haqqında dərin bilikləri və beynəlxalq tərəfdaşlıq təcrübəsi ona müştərilərin hədəflərinə uyğun fərdi investisiya həlləri təqdim etməyə imkan verir. Etimada əsaslanan münasibətlər qurulmasına sadiqliyi ilə seçilən Kristina, “Quadrantis Capital” şirkətinin Portuqaliyada investisiya imkanları sahəsində lider mövqeyə çıxmasında mühüm rol oynayıb.

Edqar Abdullayev Türkiyənin Yeditepe Üniversitesinin, Biznesin İdarə  Olunması üzrə  Magistr təhsilini almışdır.

On altı illik idarəetmə təcrübəsi vardır. İş həyatının 11 ilini Telekommunikasiya,  2 ilini Nəqliyyat və Turizm sahəsində, 6 ilini isə Bankçılıq və Maliyyə Texnologiyaları sahəsində  işləmişdir. 2008 – 2014-cü illərdə, Azercell Telecom şirkətində Daxil Olan  Müraciətlərin İdarə Olunması Bölümünün Rəhbəri kimi fəaliyyət göstərmişdir.  2014 – 2016 – cı illərdə DOST TAXI MMC-nin Baş İcraçı Direktoru kimi  çalışmışdır. 2016 – 2019-cu ilin əvvəlinə qədər PAŞA Bank ASC-də təşkilati  İnkişaf və Keyfiyyətin Təminatı Departamentinin Direktoru vəzifəsində bir sıra  yeniliklərə imza atmış və bankda boyük dəyişikliyin idarə olunması  komandasının üzvü olmuşdur.

2019-cu ildən 2021-ci ilə  kimi Azerconnect şirkətində, Müştəri və Rəqəmsal  Xidmət İdarəsinin Direktoru vəzifəsində, böyük bir komanda ilə uğurlu şəkildə çalışmışdır. Hal-hazırda United Payment MMC şirkətinin Baş İcraçı Direktorudur və ölkənin “Rəqəmsal Ödəniş Strategiyasına” öz töhfəsini verməkdədir.

Ramil Mahmudov Azərbaycan Respublikası Mərkəzi Bankının Ödəniş sistemləri və hesablaşmalar departamentinin direktor müavinidir. O, ödəniş sistemləri, elektron bankçılıq, kart biznesi, rəqəmsal ödənişlər üzrə 20 ildən artıq mərkəzi bankçılıq sahəsində təcrübəyə malikdir. Ödəniş təhcizatçıları və Fintech üçün bir sıra qayda və tövsiyələrin həmmüəllifi kimi o, həmçinin ödəniş sistemləri ekosistemi və ödəniş alətləri, həmçinin risklərin idarə edilməsi, fırıldaqçılığın idarə edilməsi, çarcbək qaydaları ilə bağlı beynəlxalq təcrübə ilə də tanışdır.

Cənab Mahmudov Lüksemburq Universitetində Bank işi və Maliyyə, Azərbaycan Dövlət İqtisad Universitetində isə Maliyyə üzrə magistr dərəcəsinə malikdir. O, Nyu York Universitetinin Stern Biznes Məktəbindən İdarəetmə təhsili diplomu və Avropa və Asiyada ödənişlər və idarəetmə sahəsində çoxsaylı təlim sertifikatları alıb.

İstanbul Universitetinin Biznesin idarə edilməsi fakültəsinin məzunu olan Murat Kastan bankçılıq və maliyyə sektorlarında 19 illik təcrübəyə malikdir. O, 2019-cu ilin mart ayında Beynəlxalq kanalların idarə edilməsi üzrə baş direktorun müavini kimi UPT-yə qoşulub. 2023-cü ilin oktyabr ayında Türkiyənin ilk lisenziyalı ödəniş şirkəti olan UPT-nin baş direktoru vəzifəsinə təyin edilib.

UPT şirkətində fəaliyyətə başladıqdan sonra Murat Kastan şirkətin bütün tərəfdaşlarının görüşdüyü platforma və ödəniş şəbəkəsi qurmağa nail olub və bununla da qlobal şəbəkə yaradıb. Hazırda platforma nağd pul ödənişləri, bank hesabı/kart/pul kisəsi köçürmələri, toplu ödənişlər, yığım hesabları və virtual TRY IBAN kimi xidmətlər təklif edən 185 qlobal tərəfdaşdan ibarətdir.

Murat həmçinin müştərilərin gündəlik maliyyə ehtiyaclarını qarşılamağa imkan verən universal “UPTION Wallet” tətbiqi ilə rəqəmsal dünyada mühüm addımlar atmağa nail olub. Çoxvalyutalı pul kisəsi olan UPTION tətbiqi SEPA-ya birbaşa giriş imkanı, QR kod ödənişləri, hesab ödənişləri, UPTION kartları və digər xidmətlər təklif edir.

Bank sektorunda təxminən beş illik təcrübəyə malik Çağatay Aksoy pulların leqallaşdırılmasına (PL) və terrorçuluğun maliyyələşdirilməsinə qarşı mübarizə (TMM) sahəsində ixtisaslaşmış təcrübəli komplayens mütəxəssisidir. Komplayens bölməsində bütün əsas funksiyaları yerinə yetirdikdən sonra komandanın texnoloji proseslərinin idarə edilməsinə cavabdeh şəxs təyin olunub.

Bu vəzifədə o, həm analitik, həm də proqram tərtibatçısı kimi yeni proseslərin və texnologiyaların yaradılmasına, təhlilinə və inteqrasiyasına nəzarət edib, mövcud sistemlərin işinin fasiləsizliyini təmin edib və həm yeni, həm də davam edən proseslərdə RPA-nı tətbiq edib. Bundan əlavə, o, “Power BI” kompleks proqram təminatından istifadə edərək komplayens məlumatlarının təhlil panellərini hazırlayıb, əməkdaşlar və filiallar üçün komplayens üzrə 300-dən çox təlim keçirib və bütün təlim proseslərini MASAK qanunvericiliyi çərçivəsində idarə edib.

Çağatay Aksoy son iki ildə “Fineksus” şirkətində PL üzrə ekspert-analitik vəzifəsində çalışır və burada müxtəlif qurumlar üçün PL-TMM proseslərinin yaradılması, məhsulların yeni xüsusiyyətlərinin təhlili və monitorinqi, həmçinin tətbiqlərlə iş üzrə təlimlərin keçirilməsi ilə məşğul olur.

Mən Məhərrəmov Timur Araz oğlu 14.06.1984 cü ildə Bakı şəhərində anadan olmmuşdur. 1990 cı ildə A.S Xəlilov adına orta məktəbə daxil olub 2001 ci ildə həmin məktəbi bitirmişdir.

2009-cu ildə "Overtaym" MMC-da NCR bankomatlarına servis xidməti üzrə mütəxəssis, 2009-cu ildə "Meqa Servis" MMC-də bankomatlara servis xidməti üzrə mütaxəssis, 2017-ci ildə "Altair Tenologies "MMC-də marketing üzrə mütəxəssis, 2017-ci ildə "Forpost Systems" MMC-də biznesin inkişafı şöbəsinin müdiri, 2018-ci ildən "Atm Soft Teach" MMC -də direktor müavini vəzifələrində işləmişdir.

Hal Hazırda NBA Technologies şirkətində ATM proqram təminatına dəstək şöbəsinin müdiri vəzifəsində çalışır.

Mahmudova Günay 2018-ci ildən maliyyə sektorunda, 2020-ci ildən isə Azərbaycan Respublikasının Mərkəzi Bankında fəaliyyət göstərir. Hazırda Mərkəzi Bankın Maliyyə bazarlarının hüquqi təminatı departamentinin Ödəniş sektoru və maliyyə texnologiyalarının hüquqi təminatı şöbəsinin rəisidir. “Ödəniş xidmətləri və ödəniş sistemləri haqqında” Qanunun və həmin Qanundan irəli gələn Mərkəzi Bankın qaydalarının hazırlanmasında iştirak etmişdir. 

Visal Ahmet Özten ASEE qrupuna qoşulmazdan əvvəl Avropa və Türkiyənin müxtəlif banklarında əsasən ödəniş sistemləri və rəqəmsal kanallar sahəsində 20 il fəaliyyət göstərib. O, Okan Universitetinin Bankçılıq fakültəsində magistr təhsili alıb, həmçinin bakalavr dərəcəsinə malikdir. BKM-in Təhlükəsizlik Şurasının üzvü, eyni zamanda müxtəlif iş qruplarında nümayəndə olub. Visal Ahmet bir çox bankların ödəniş sistemləri əməliyyatları, layihələrin və məhsulların idarə edilməsi departamentlərində bir çox layihələrə rəhbərlik edib.

Visal xüsusilə Ödəniş, “Fraud” və Təhlükəsizlik məhsulları üzrə beynəlxalq bazarda həllərin satışına rəhbərlik edir. O, ASEE və “Payten” şirkətləri üçün bazarlarda biznesin inkişafına məsul şəxsdir.

Aleksandr Mixaylovski ödəniş sahəsində 20 ildən artıq təcrübəyə malikdir. O, PSP və ekvayrinq bankları üçün “white-label” ödəniş həllərinin aparıcı təminatçısı olan “eComCharge UAB” şirkətinin həmtəsisçisi, məhsullar üzrə baş direktorudur.

Səlahiyyətli distribütor şirkətdə “Citrix” həlləri ilə 10 ildən artıq fəaliyyət göstərib. “Citrix” həlləri ilə ümumi iş təcrübəsi 20 ildən artıqdır.

.

Həmid Salamlı “Mastercard Azərbaycan”da Biznes Xidmətlərinin İnkişafı departamentinin direktorudur. O, MDB və Yaxın Şərqin 5 ölkəsində idarəetmə konsaltinqi, korporativ maliyyə və bankçılıq sahəsində 10 illik təcrübəyə malikdir. Banklara və fintex şirkətlərinə inkişaf strategiyalarının hazırlanması, rəqəmsallaşma və yeni məhsulların işlənib hazırlanması istiqamətində dəstək göstərir.

Fatih Coşkun, Sanction Scanner şirkətinin qurucusu və baş direktoru olaraq qlobal miqyasda tanınmış bir liderdir. Ödəniş sistemləri, maliyyə texnologiyaları və bankçılıq sahəsində 15 ildən çox təcrübəyə sahib olan Fatih, maliyyə sektorunun ən mürəkkəb problemlərinin həllində özünü sübut etmişdir. O, 2019-cu ildə Sanction Scanner-i təsis edərək, uyğunluq proseslərini müasir, əlçatan və innovativ həllərlə dəyişdirmək missiyasını qarşısına məqsəd qoymuşdur.

Onun uzaqgörən idarəçiliyi altında, Sanction Scanner, 50-dən çox ölkədə 500-dən çox şirkətin etibarlı tərəfdaşına çevrilmişdir. Şirkət real vaxt rejimində əməliyyatların izlənməsi, müştəri risklərinin qiymətləndirilməsi və tənzimləyici hesabatlar üçün qabaqcıl texnologiyalar təqdim edir. Fatihin innovasiya və şəffaflıq prinsiplərinə olan sədaqəti şirkəti qlobal maliyyə cinayətləri ilə mübarizədə lider mövqeyə yüksəltmişdir.

Uyğunluq və regtex sahəsində nüfuzlu bir fikir lideri olaraq, Fatih, müəssisələrin mürəkkəb qlobal qaydalara inamla uyğunlaşması üçün geniş miqyaslı və effektiv həlləri təşviq etməyə davam edir. Onun maliyyə ekosistemlərində etimad yaratmaq səyləri Sanction Scanner-i bu sahədə qabaqcıl bir şirkətə çevirmişdir.

Fərrux Fərəcullayev məhsul inkişafı, onun bazarda tətbiqi, sistem inzibatçılığı, bulud həlləri və biznesin inkişafı sahələrində 10 ildən artıq təcrübəyə malikdir.

O, 2017-ci ildən “AzInTelecom” MMC-də fəaliyyət göstərir. Hazırda qurumun Kommersiya Departamentinin Direktoru (CCO) vəzifəsində çalışır. Bu vəzifədə Fərrux Fərəcullayev, satış, müştəri xidmətləri, marketinq, məhsul və biznesin inkişafı üzrə komandaları idarə edir. Eyni zamanda şirkətin kommersiya strategiyasının hazırlanması və həyata keçirilməsinə rəhbərlik edir.

Fərrux Fərəcullayev innovasiya və inkişafa xüsusi diqqət yetirən biri kimi bulud texnologiyaları və rəqəmsal həllər üzrə təcrübəsindən biznes təşəbbüslərinin formalaşdırılmasında və tətbiqində istifadə edir.

Jafar Penot “KPMG Qazaxıstan”da Data&AI komandasının meneceridir. O, Fransanın Bordo Texnologiya İnstitutunda Kompüter elmləri üzrə magistr dərəcəsinə (“Rəqəmsal simulyasiya" ixtisası üzrə) malikdir. O həmçinin Çinin Zhejiang Elm və Texnologiya Universitetində "Data elmi" üzrə 1 illik ixtisaslaşma kursu keçib. Onun təhsili biznes çağırışlarına məlumat əsaslı həllər tətbiq etmək üçün möhkəm təməl təşkil edir.

Jafar Penot müxtəlif sənaye sahələrində risklərin idarə edilməsi strategiyalarının hazırlanması, müştərilərlə əlaqələrin yaxşılaşdırılması və əməliyyat effektivliyinin artırılması da daxil olmaqla bir sıra layihələr üzərində işləyib. Onun əməkdaşlıq strategiyası və praktiki nəticələr əldə etmək qabiliyyəti dəstək verdiyi təşkilatlara müsbət təsir göstərib.

KPMG şirkətində Jafar Penot süni intellektin biznes proseslərinə inteqrasiyasında fəal iştirak edir. Onun həyata keçirdiyi son layihələrə əməliyyatların optimallaşdırılması üçün süni intellekt əsaslı alətlərin işlənib hazırlanması və müştərilərə strateji qərarların qəbul edilməsi üçün qabaqcıl analitikadan istifadədə kömək göstərilməsi daxildir. Onun fəaliyyəti regionda süni intellektin rolunun formalaşmasına kömək edir.

ABB-də Data&AI üzrə Texniki Sahə rəhbəri vəzifəsində çalışan Güvən Gül bankçılıq və telekommunikasiya sahələrində Data/Analitika və Texnologiyalar üzrə 15 ildən artıq təcrübəyə malikdir. O, ABB-də strateji data və süni intellekt təşəbbüslərinə rəhbərlik etməklə yanaşı, həm də hərtərəfli məhsul istehsalı ilə məşğul olan otoendeks.com-un həmtəsisçisi və data üzrə baş mütəxəssisidir. Bundan əvvəl o, “Fibabanka”da dərin analitika üzrə direktor, həmçinin “Yıldız Holding”də data və süni intellekt üzrə direktor vəzifələrində çalışıb.

Güvən Gül Boğaziçi Universitetində Kompüter mühəndisliyi ixtisası üzrə bakalavr dərəcəsi alıb. O, həmçinin Türkiyədə ilk BI portalının yaradıcısı və Türkiyədə Data İdarəetmə Bölməsinin təsisçi idarə heyətinin üzvü olub.

Rəşad Qasımov Azərbaycanda ödəniş sistemlərinin inkişafı və ödəniş siyasətinin formalaşdırılmasına cavabdehlik daşıyan komandaya rəhbərlik edir. Ölkədə nağdsız ödənişlərin genişləndirilməsini hədəfləyən çoxsaylı layihələrin həyata keçirilməsində əsas rol oynamışdır. Rəqəmsal ödənişlərin analitikası, ödəniş sahəsi üzrə inkişaf strategiyasının hazırlanması və innovativ ödəniş həllərinin tətbiqi üçün normativ hüquqi çərçivənin təkmilləşdirilməsi istiqamətində geniş təcrübəyə malikdir.

Bakı Dövlət Universitetinin Dünya iqtisadiyyatı ixtisası üzrə bakalavr, Beynəlxalq iqtisadi münasibətlər ixtisası üzrə magistr dərəcəsinə sahibdir.

Emin Qasımov proseslərin avtomatlaşdırması və İT xidmətlərinin idarə edilməsi  sahəsində geniş təcrübəyə malik mütəxəssisdir. Fəaliyyət illəri ərzində o, Azərbaycan, Qazaxıstan və Özbəkistanda telekommunikasiya, bank və dövlət sektorları da daxil olmaqla əsas sənaye sahələrində güclü müştəri portfeli yaratmağa nail olub. “Atlassian” məhsulları haqqında dərin biliyə malik olan Emin Qasımov böyük təşkilatlara komanda idarəetməsinin optimallaşdırılması, iş proseslərinin optimallaşdırılması və daxili proseslərin təkmilləşdirilməsi üzrə məsələlərdə uğurlu konsultasiya xidmətləri göstərib. O, mürəkkəb həllərin tətbiqi, dərin biznes təhlilinin aparılması və korporativ müştərilərə effektiv konsultasiya xidmətlərinin göstərilməsi üzrə böyük təcrübəyə malikdir. Konsultativ yanaşması ilə tanınan Emin Qasımov, müştərilərə proqram təminatı komandalarının, tədarük proseslərinin, HR sistemlərinin və auditin idarə edilməsi üçün ən yaxşı “Atlassian” həllərinin seçilməsində mühüm rol oynayır. Regional biznes ehtiyacları və “Atlassian”ın imkanları haqqında müfəssəl bilikləri sayəsində o, regionda etibarlı məsləhətçi kimi nüfuz qazanıb.

Cavidan Əfəndiyev Azərbaycanın bank və maliyyə ekosistemində, maliyyə və qeyri-maliyyə fırıldaqçılığı ilə mübarizə sahəsində 10 ilə qədər təcrübəyə malik olan Fırıldaqçılıqla Mübarizə üzrə peşəkardır.

Onun karyerasına banklarda, prosessinq mərkəzlərində və Azərbaycan Banklar Assosiasiyasında əsas rollar daxildir və burada fırıldaqçılıqla mübarizə strategiyalarının işlənib hazırlanmasında və həyata keçirilməsində mühüm rol oynamışdır.

Hazırda Cavidan Azərbaycan Beynəlxalq Bankı ASC-də çalışır, əsas diqqəti dələduzluğun qarşısının alınması və risklərin idarə edilməsi proseslərinin təkmilləşdirilməsinə yönəlidir.

Cavidanın əsas təcrübə sahələrinə Fırıldaqçılığın Qarşısının Alınması və Aşkarlanması, Fırıldaqçılıq Riskinin Qiymətləndirilməsi, Fırıldaqlığa Qarşı Həllərin İnteqrasiyası, Fırıldaqçılıq Analitikası, Təlim və Maarifləndirmə, Rəqəmsal Ödəniş Təhlükəsizliyi, Sənayedə Əməkdaşlıq və s. daxildir.

Türkiyə və Azərbaycanda rəqəmsal aktivlərin qorunması sahəsində böyük təcrübəyə malik Reşat Kökcen kibertəhlükəsizlik, bulud hesablamaları və fırıldaqçılıqla mübarizə üzrə təcrübəli mütəxəssisdir. Yeni texnoloji məhsullar üzrə ixtisaslaşan Reşat Kökcen maliyyə, pərakəndə satış, e-ticarət, telekommunikasiya və “ağıllı şəhərlər” də daxil olmaqla müxtəlif sektorlarda transformasiya layihələrinə rəhbərlik edib. Etibarlı ekosistem qurmağın fəal tərəfdarı olan cənab Kökcen təhdidlərə qarşı davamlılığı artırmaq və bütün maraqlı tərəflər üçün təhlükəsiz rəqəmsal ekosistemi təmin etmək istiqamətində çalışır.

1985-ci ildə Bakı şəhərində anadan olmuşdur. Orta təhsilini Xarici Dillər Təmayüllü Gimnaziyada bitirmişdir.

Ali təhsilini Azərbaycan Dövlət İqtisad Universitetinin Biznesin təşkili və idarə edilməsi fakültəsində almışdır. Hərbi xidməti bitirdikdən sonra iş həyatına başlamışdır.

16 ildir bank sahəsində çalışır.

Karyerasına 2008-ci ildə “Yapıkredi Bank”-da Plastik Kartlar departamentində mütəxəssis köməkçisi vəzifəsində başlamışdır, daha sonra mütəxəssis və aparıcı mütəxəssis vəzifələrini yerinə yetirmişdir.

Daha sonra  “Bank of Azərbaycan” ASC-də Sənədli əməliyyatlar departamentində Baş mütəxəssis və müxbir əlaqələr şöbəsində bölmə rəhbəri vəzifələrində işləmişdir.

2015-ci ildən karyerasını “Dəmirbank” ASC-də davam etdirmişdir. Bankın Əməliyyat Departamentində müxbir əlaqələr şöbəsinin meneceri vəzifəsini yerinə yetirmişdir.

2018-ci ildən “Azər-Türk Bank” ASC-in Prosessinq Mərkəzində Kartların Emissiyası şöbsində aparıcı mütəxəssis olaraq fəaliyyətə başlamış, daha sonra isə müxtlif vəzifələrdə işləmişdir.

Hal-hazırda “Azər-Türk Bank” ASC-in Prosessinq Mərkəzində Şübhəli əməliyyatların monitorinqi və müştəri müraciətləri şöbəsinin rəisi vəzifəsində çalışır.

Azərbaycan Banklar Assosasiyasının “Rəqəmsal ödənişlər sahəsində fırıldaqçılıq əməliyyatlarına qarşı mübarizə üzrə Ekspert Qrupunun üzvüdür.

Müxtəlif televiziya kanallarında, qazetlərdə və saytlarda rəqəmsal dələduzluğa qarşı mübarizə üsulları, kartlardan təhlükəsiz istifadə üsulları və dələduzluq növləri barədə müxtəlif məqalələri və çıxışları yayımlanmışdır.

Evlidir, 4 övladı var.

Tolqa Öztürk 1982-ci ildə Giresunda anadan olub. Selçuk Universitetinin məzunudur. 2020-ci ilə qədər TAF-da penetrasiya testeri və İT audit rəhbəri kimi fəaliyyət göstərib. 2020-ci ildən sonra "Böyük Dördlük" şirkətlərində kibertəhlükəsizlik məsləhətçisi kimi fəaliyyətə başlayıb və hazırda “KPMG Azərbaycan”da çalışır. Arxitektura, informasiya təhlükəsizliyinə nəzarət sistemləri, penetrasiya testləri və təhlükəsiz kod analizi sahələrində təcrübəyə malikdir.

Vladimir Remıqa Xəzər və Qafqaz regionlarında “Deloitte” şirkətinin İT riskləri və kibertəhlükəsizlik sahəsində konsultasiya xidmətlərinə rəhbərlik edir. 25 illik təcrübəyə malik mütəxəssis çoxsaylı kommersiya və qeyri-kommersiya təşkilatlarına konsultasiya xidmətləri göstərir. O, rəqəmsal transformasiya, İT arxitekturası, kiberrisklərin idarə edilməsi, İT xərclərinin optimallaşdırılması və effektivliyin artırılması istiqamətində xidmətlər üzrə ixtisaslaşıb.

“Deloitte” şirkətində 2019-cu ildən etibarən fəaliyyət göstərir. Fəaliyyəti əsasən Azərbaycan, Qazaxıstan, Özbəkistan, Gürcüstan, Qırğızıstan və Tacikistan ilə bağlıdır. Şirkətə qoşulmazdan əvvəl Almatıda (Qazaxıstan) yerləşən böyük beynəlxalq konsaltinq şirkətlərindən birində çalışıb.

Moskva Beynəlxalq Biznes Məktəbinin (MİRBİS) Sahibkarlıq üzrə MBA diplomuna malikdir.

O, həmçinin Qazaxıstan Milli Texniki Universitetini İnformasiyaların Mühafizəsi və Təhlükəsizliyi ixtisası üzrə fərqlənmə ilə bitirib.

Peşəkar kvalifikasiyasına daxildir:

Certified Prince II Foundation and Practitioner.

Certified in the Governance of Enterprise IT (CGEIT).

Certified in Risk and Information Systems Control (CRISC).

Certified ISO27001 Lead Auditor.

Certified Information Systems Security Professional (CISSP).

Certified Information Systems Auditor (CISA).

Oksford Universitetində MBA dərəcəsi almış, biznesin inkişafı, məkan brendinqi və FDi sahəsində təcrübəyə malik Filipe Ortigão Guimarães, təhlükəsizliyi artıran, prosesləri optimallaşdıran və rəqəmsal transformasiya sahəsində innovasiyaları təşviq edən qabaqcıl rəqəmsal identifikasiya və KYC həlləri üzrə ixtisaslaşmış “Biometrid” şirkətinin Qlobal genişlənmə direktoru vəzifəsində çalışır. Bu həllər e-hökumət, bankçılıq, telekommunikasiya və sığorta kimi sektorlarda təhlükəsizliyi və səmərəliliyi artırmaq üçün nəzərdə tutulub. Əsasən Afrika və Avrop istiqamətində çalışan Filipe bütün dünyada təhlükəsiz və qüsursuz rəqəmsal ekosistemi təşviq edərək “Biometrid” şirkətinin strateji inkişafını təmin edir.

Fərid Qattal Rəqəmsallaşma və Biznesin transformasiyası sahəsində 18 ildən artıq təcrübəyə malikdir. Karyerasına proqram tərtibatçısı kimi başlayıb, daha sonra qlobal texnologiya şirkətlərində (Robertson & Blums, Softline, PwC, SAP) biznes tətbiqləri üzrə yüksək vəzifələrdə çalışıb. O, MDB ölkələrində (Azərbaycan, Özbəkistan, Gürcüstan, Belarus, Rusiya, Tacikistan, Qazaxıstan) 30-dan çox transformasiya layihəsinin üzvü və rəhbəri olub.

Fərid Qattalın SAP, “Infor”, “Microsoft” və 1C kimi müxtəlif ERP sistemlərinin tətbiqi sahəsində unikal təcrübəsi müxtəlif sənaye sahələrini təmsil edən müştərilər üçün səmərəli korporativ arxitektura həlləri yaratmağa imkan verir. Qafqaz və Mərkəzi Asiyada fəaliyyət göstərən FSI, neft və qaz, kimya və mədənçilik şirkətlərində böyük təcrübəyə malikdir. Bakı Dövlət Universitetinin İqtisadi kibernetika fakültəsini bakalavr və magistr dərəcələri üzrə fərqlənmə diplomu ilə bitirib. Azərbaycan Respublikasında ən yüksək tələbə mükafatı olan Prezident Təqaüdünə layiq görülüb. Fərid sertifikatlı SAP (Mərkəzi Maliyyə, Soursinq və Satınalma) mütəxəssisidir.

Rəqəmsal maliyyə və maliyyə texnologiyaları sahəsində geniş təcrübəyə malik FinTech peşəkarı. Maliyyə texnologiyaları və maliyyə innovasiyaları sahəsində 5 illik təcrübə ilə maliyyə bazarı üçün çoxsaylı innovativ layihələri uğurla həyata keçirib.

İstanbulda anadan olan Berk Öztürk Dartmut Kollecində İqtisadiyyat və Dövlət idarəçiliyi üzrə ikili diplom alıb. 2011-ci ildən maliyyə xidmətləri konsaltinqi və bankçılıq sahələrində çalışır. İlk iş yeri olan “Oliver Wyman” şirkətində çalışdığı müddətdə ABŞ, Karib hövzəsi ölkələri və Türkiyənin maliyyə xidmətləri qurumlarına müxtəlif mövzularda konsultasiya xidmətləri göstərib. O həmçinin Türkiyənin “Türk Ekonomi Bankası”nda (TEB) əvvəlcə KOB Bankçılıq Xidmətlərinin Strateji Planlaşdırması üzrə baş menecer, daha sonra isə Transformasiya Şöbəsinin baş meneceri vəzifələrində çalışıb. 2023-cü ilin aprel ayından ABB-də Strategiya İdarəsinin direktor müavini vəzifəsində çalışır.

Pavel Krılov 2013-cü ilin noyabr ayından “Group-IB” şirkətində fəaliyyət göstərir. Kibertəhlükəsizlik sahəsində 25 ildən çox, o cümlədən fırıldaqçılığa qarşı mübarizə sahəsində 17 ildən çox təcrübəyə malikdir.

O, Yaxın Şərq və Mərkəzi Asiyada milli səviyyədə fırıldaqçılığa qarşı təşəbbüslərə rəhbərlik edib. Aparıcı konfranslarının tanınmış məruzəçisidir.