FINTEX SAMMİTİ 2023 - Maliyyə və Texnologiyalar Sərgisi

1977-ci ildə Azərbaycan Dövlət İqtisad Universitetinin “Mühasibat uçotu” fakultəsinə daxil olmuş və 1981-ci ildə “İqtisadçı” ixtisası üzrə tam kursu bitirmişdir. Əmək fəaliyyətini 1981-ci ildən Azərbaycan Respublikası Rabitə Nazirliyində, “Nəzarət-Təftiş” İdarəsində aparıcı mühasib kimi başlamışdır.

1981-1983-cü illərdə Hərbi xidmətdə olmuşdur. Hərbi xidməti  başa vurduqdan sonra 1983-cü ilin iyul ayından etibarən 1989-cu ilin yanvar ayınadək, Azərbaycan Respublikası Rabitə Nazirliyinin “Nəzarət-Təftiş” İdarəsində mühasib-revizor, Baş təftişçi və Baş mühasibin müavini kimi fəaliyyət göstərmişdir. 1989-cu ildən AR Rabitə Nazirliyinin “Rayon Rabitəsi” İstehsalat Birliyinə “Nəzarət və mühasibat uçotu” şöbəsinin rəisi vəzifəsinə təyin edilmişdir.

1993-1998-ci illərdə “Rabitəbank” SKB-nın İdarə Heyətinin Sədri vəzifəsində çalışmışdır və 1998-ci ildən hal-hazıradək “Rabitəbank” ASC-nin Müşahidə Şurasının Sədri vəzifəsində çalışır.

1996-cı ildə “Azərbaycan Banklar Assosiasiyası”nın Prezidenti vəzifəsinə seçilmiş və 2006-cı ilə qədər həmin vəzifədə çalışmışdır. 2006-cı ildən 2015-ci ilədək “Azərbaycan Banklar Assosiasiyası”nın Rəyasət Heyətinin üzvü olmuşdur. 2015-ci ildən yenidən “Azərbaycan Banklar Assosiasiyası”nın Prezidenti vəzifəsinə seçilmişdir.

Alpaslan Çakar, Ankara Universitetinin Siyasi Elmlər və Dövlət İdarəçiliyi Fakültəsini bitirmişdir. 1996-cı ildə Çakar bankımızda Auditor Köməkçisi vəzifəsində çalışmağa başlamışdır. Daha sonra Auditor və Departament Meneceri vəzifələrinə qədər yüksəlmişdir, 2005-ci ildə isə Regional Baş Direktor vəzifəsinə təyin edilmişdir. Alpaslan Çakar müxtəlif illərdə müxtəlif vəzifələrdə çalışmış, 2021-ci ilin martından isə Ziraat Bank-da baş icraçı direktor (CEO) və Rəyasət Heyətinin üzvi olmuşdur. Eyni ildən isə Kredit Komitəsinin sədri vəzifəsində çalışmağa başlamışdır. 2021-ci ilin aprelindən isə Türkiyə Banklar Birliyinin sədridir. 2021-ci ilin may ayından Türkiyənin Varlıq Fondunun Rəyasət Heyətinin üzvidir. 2022-ci ilin fevralından isə Ziraat Katılım Bankının Rəyasət Heyəti sədri vəzifəsini icra etməkdədir. 

Fərid Osmanov informasiya texnologiyaları sahəsində təxminən 20 illik təcrübəyə malikdir, bank sektorunda bir sıra rəqəmsal transformasiya təşəbbüsləri həyata keçirir. Professional karyerası zamanı Fərid Osmanov biznes prosesinin idarə edilməsinin effektivliyini və səmərəliliyini artırmaq üçün həm də dəyişən biznes ehtiyaclarını və iş prosesinin optimallaşdırılmasını əhatə edən informasiya sistemlərinin qəbuluna diqqət yetirib. Hazırda, onun əsas strateji məqsədi Azərbaycanda rəqəmsal ekosistemin yaradılmasının sürətləndirilməsi və nağdsız iqtisadiyyatın əsasının qoyulması yönündədir.

Fərid Osmanov informasiya sistemləri və menecment üzrə magistr dərəcəsinə sahibdir və ITSM eksperti, layihə meneceri üzrə praktikant və ISO/IEC 27001 təhlükəsizlik standartı tətbiqi üzrə sertifikatlaşdırılıb.

7 Aprel 1975-ci il tarixində Azərbaycan Respublikası İmişli rayonunda anadan olmuşdur.

Təhsili

1992-ci ildə ikinci ixtisas qrupu üzrə ən yüksək balla Azərbaycan Dövlət İqtisad Universitetinə qəbul olmuş, 1997-ci ildə ali təhsilini bitirmiş, 2004-cü ildə Gürcüstan İctimai əlaqələr Institutunda Jurnalistika ixtisası üzrə ikinci ali təhsili almışdır. 2009-cu ildə iqtisad üzrə fəlsəfə doktoru və 2017-ci ildə isə iqtisad elmləri doktoru alimlik dərəcəsini müdafiə etmişdir. O, 2021-ci ildə Harvard Universitetinin Kennedi İdarəçilik Məktəbində "İqtisadi artımın idarəedilməsi" mövzusunda xüsusi proqram çərçivəsində təhsil almışdır. 2013-cü ildə Vüsal Qasımlıya dosent elmi adı verilmişdir.

2010-2014-cü illərdə V.Qasımlı UNEC-də Xüsusi İstedadlar Qrupu və MBA proqramı üzrə pedaqoji fəaliyyətlə məşğul olub.

V.Qasımlı Vaşinqton Universiteti, Kaliforniya Universiteti, Qahirə Amerika Univeristeti, Varşava Universiteti, Seulun Hanyan və Hankuk universitetləri və Rio-de-Janeyro Universitetində ictimai mühazirələr oxumuşdur.

2013-cü ildə Koreya Beynəlxalq İqtisadi Siyasət İnstitutunda qonaq alim kimi çalışmışdır.

2021-ci ildən Vüsal Qasımlı Prezident yanında Dövlət İdarəçilik Akademiyasında professor (0,5 ştat) vəzifəsində çalışır.

Onun Azərbaycan, rus, koreya və ingilis dillərində 10 kitabı və 500-ə qədər elmi və publisistik məqaləsi var.

Əmək fəaliyyəti

12.05.2000-06.12.2003 müddətində Ekspress qəzetinin redaksiyasında iqtisadi məsləhətçi,

15.02.2005-19.11.2005, “ANS-PRESS Nəşriyyat evi” MMC-də iqtisadi icmalçı,

19.11.2005-30.04.2007, “ANS-PRESS Nəşriyyat evi” MMC-də prezident,

09.02.2009-11.05.2011, Azərbaycan-İctimai-Siyasi Universitetində kafedra müdirinin müavini,

2007-2011-ci illərdə Avropa İttifaqı, Dünya Bankı, Yaponiya Beynəlxalq Əməkdaşlıq Təşkilatının (JİCA) və bir sıra beynəlxalq qurumların həyata keçirdiyi layihələrdə çalışmışdır.

2011-2016-cı illərdə Azərbaycan Respublikasının Prezidenti yanında Strateji Araşdırmalar Mərkəzinin İqtisadiyyatın təhlili və qloballaşma məsələləri şöbəsinin müdiri vəzifəsində işləmişdir.

015-ci ildə Böyük İyirmiliyin beyin mərkəzlərinin T20 platformasında Azərbaycanı təmsil etmişdir.

10.05.2016 tarixindən hal-hazıradək Azərbaycan Respublikası İqtisadi İslahatların Təhlili və Kommunikasiya Mərkəzinin icraçı direktorudur.

2018-ci ildə tərəqqi medalı ildə təltif edilmişdir.

Vüsal Qasımlı 2021-ci ildə BMT-nin Asiya və Sakit Okean Komissiyasının milli koordinatoru təyin olunmuşdur.

Ailəlidir, üç övladı var.

Samir Rəsulov 1989-cu ildə Bakı şəhərində doğulub. O, ali təhsilini 2007-2011-ci illərdə Azərbaycan Dövlət İqtisad Universitetində alıb.

Samir Rəsulov bank, telekommunikasiya və İKT sektorunda fəaliyyət göstərən qurumlarda informasiya təhlükəsizliyi və kibertəhlükəsizlik sahəsində 13 ildən artıq müxtəlif rəhbər vəzifələrdə çalışıb. O, peşəkar karyerası dövründə fəaliyyət göstərdiyi müxtəlif sahələrdə informasiya təhlükəsizliyinin, eləcə də kibertəhlükəsizliyin təmin edilməsi üzrə böyük həcmli layihələr icra edib.

Samir Rəsulov 2022-ci ilin may ayında Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinin rəis müavini vəzifəsinə təyin olunub. O, 2023-cü ilin fevral ayından etibarən isə Elektron Təhlükəsizlik Xidmətinin rəisi vəzifəsini icra edir.

O, 1993-cü il aprelin 23-də doğulmuşdur. Necip 2016-cı ildə “İstanbul Bilgi Universitet”nin “Beynəlxalq Ticarət və Biznes” ixtisasının məzunudur. 2017-ci ildə isə elə həmin universitetdə marketinq kommunikasiyaları üzrə magistratura dərəcəsini bitirmişdir. İş həyatına sahibkarlıq fəaliyyəti ilə başlayan Kaymak ölkənin aparıcı özəl sektor qurumlarında müxtəlif vəzifələrdə çalışmışdır. Maliyyə ofisinin yaradılmasından 2022-ci ilin fevralına qədər menecer vəzifəsində çalışmışdır və hazırda isə Maliyyə ofisində vitse-prezident vəzifəsində çalışmaqdadır. Kaymak, eyni zamanda ingilis dilini də yaxşı bilir.

Ali təhsilini Azərbaycan Respublikasının Prezidenti yanında Dövlət İdarəçilik Akademiyasında (Bakalavr dərəcəsi (Dövlət idarəçiliyi) 1998-2002 fərqlənmə ilə, Maqistr dərəcəsi (Dövlət idarəçiliyi) 2002-2004 fərqlənmə ilə), Azərbaycan Milli Elmlər Akademiyasının İqtisadiyyat İnstitutunda (İqtisad elmləri namizədi 2005 – 2009 (neft-kimya sənayesi iqtisadiyyatı), Birminqem Biznes Məktəbində, Birminqem Universiteti, Böyük Britaniya (MBA (Biznesin idarə edilməsi) dərəcəsi 2010 – 2011) almışdır.

2002-2021-ci illəri ərzində bank və maliyyə sahələrində müxtəlif dövlət və özəl qurumlarda rəhbər vəzifələrdə çalışmışdır. Hazırda “Azərbaycan Fintex Assosiasiyası” İctimai Birliyinin İdarə Heyətinin sədri vəzifəsində çalışır.

Ailəlidir, 2 övladı var.

Kristina Doroş vitse-prezident, Azərbaycan və Mərkəzi Asiya ölkələri üzrə menecerdir. İqamətgahı Qazaxıstanın Almatı şəhərindədir. 

Kristina Azərbaycan və Mərkəzi Asiya ölkələrində – Qazaxıstan, Özbəkistan, Qırğızıstan, Tacikistan və Türkmənistanda – elektron ödənişlər biznesinin genişlənməsinə cavabdehdir və banklar, ticarətçilər və kart sahibləri üçün Visa xidmətlərinin dəyərini artırmaq üzərində işləyir.

2016 ildə Kristina Əsas məhsullar üzrə regional komandaya rəhbərlik etmək üçün Visa-ya qoşuldu və 2019 ildən etibarən vitse-prezident əvəzi və Həllər şöbəsinin rəisi vəzifəsində çalışaraq Visa-nı MDB CŞA (Müstəqil Dövlətlər Birliyi – Cənubi-Şərqi Avropa) regionunda təmsil edir. Əsas debit, kredit və premium məhsulları ilə yanaşı, o, gələcəkdə ödəmələrin artımı üçün başlıca əhəmiyyət kəsb edəcək loyallıq həllərini və kommersiya biznesinin inkişafını idarə edir. 2019 ildə Kristina Doroş MDB CŞA regionunda yeni təsis edilmiş Qafqaz ölkələri üzrə menecer vəzifəsinə təyin edildi.     

Pərakəndə bankçılıq, informasiya texnologiyaları, kart və mobil ödəmələr sahələrində 20 ildən artıq təcrübəsindən yararlanaraq, Kristina Əsas Məhsullar komandasına rəhbərlik etmək üçün 2016 ildə Visa-ya qoşuldu. Visa-ya gəlməzdən əvvəl o, aparıcı Moldova bankında Baş İcraçı Direktorun müavini vəzifəsində çalışmış və idarə heyətinin üzvü olmuşdur.

Kristina Mərkəzi və Şərqi Avropa – Yaxın Şərq – Afrika regionunda Qadınların Liderlik Şəbəkəsində MDB CŞA regionunun təmsilçilərindən və regional müxtəliflik təşəbbüslərinin liderlərindən biridir.

Kristina IEDC Bled Biznes Məktəbini iqtisadiyyat üzrə magistr dərəcəsi ilə bitirib.

Namiq Əliyev 1977-ci ildə Bakı şəhərində anadan olub. Bakı Dövlət Universitetinin məzunudur. Tələbə ikən bir sıra dövrü nəşrlərdə çalışıb. 1999-2000-ci illərdə Respublika Elmi Texniki Kitabxanasında, 2001-2003-cü illərdə Azərbaycan Respublikası Mədəniyyət Nazirliyinin Mədəni Maarif Baş İdarəsində aparıcı mütəxəssis vəzifəsində çalışıb. 2004-cü ildən "Azad Azərbaycan" müstəqil Teleradio Yayım Şirkətində  müxbir, aparıcı müxbir, redaktor assistenti, redaktor vəzifəsini daşıyıb.

2010-cu ilin may ayında Azərbaycan Respublikası Mərkəzi Bankının Kommunikasiya departamentində fəaliyyətə başlayıb, 2011-ci ilin iyul ayından həmin departamentin İctimaiyyətlə Əlaqələr şöbəsinin rəisidir. Azərbaycan Televiziya və Radio verilişləri Qapalı Səhmdar Cəmiyyətinin (AZTV) "İqtisadiyyat xəbərləri" verilişinin aparıcısıdır (2019)

Zaur Ələkbərovun sahibkarlıq, innovasiya, fintex və ənənəvi bankçılıq sahəsində müxtəlif təcrübəyə və 15 ildən artıq peşəkar təcrübəyə malikdir. Hazırda isə ABB Bank-da açıq innovasiya təşəbbüslərini idarə etməkdədir. O, İsveçrənin “IMD Business School”dan master dərəcəsinə malikdir və “Azərbaycan Dövlət İqtisad Universitet”nin isə bakalavr məzunudur.

Aleksandr Stelmax Visa şirkətində Baş direktor və Rəqəmsal Həllər komandasının rəhbəridir. MDB və Cənubi-Şərqi Avropanın 17 bazarında innovasiyalar gündəmini idarə etmək üçün cavabdehdir. Onun əsas diqqət yetirdiyi sahələr Mobil təmassız və e-ticarət ödənişləri (Visa Token Xidməti əsasında - Visa Token Service), “Visa Tap to Phone” və Rəqəmsal Kart Verilməsidir (Digital Card Issuing). Visa-dakı 4 ili ərzində Aleksandr 9 yeni bazarda ödənişin həyata keçirilməsi kimi iri rəqəmsal layihələri icra etmişdir. “Digital Skins” layihəsi qlobal, “Tap to phone” layihəsi 8 bazarda tətbiq edilmişdir.

Aleksandr Visa-ya 2018-ci ildə qoşulmuşdur və komandaya isə özünün riteyl bankçılıq, ödəniş kartları, mobil şəbəkə əməliyyatları sahəsi ilə bağlı 15 illik təcrübəsini gətirmişdir. O, Visa-ya gəlməmişdə öncə isə Ukraynanın “Pivdennyi” bankında riteyl departamentinin icraçı rəhbəri olmuşdur. Məhsulların alınması, pərakəndə satışı, ödəniş kartları və rəqəmsal kanalların inkişafına cavabdeh olmuşdur. O, magistratura təhsilini informasiya texnologiyaları üzrə Ukraynanın Milli Telekommunikasiya Akademiyasında tamamlamışdır. 

Onur Kartal sənayedə on ildən artıq bir karyerası olan satış və biznesin inkişafı sahəsində tanınmış bir fiqurdur. O, sektor üçün yeni standartlar müəyyən edən bir neçə təməlqoyma layihələrinin aparıcı rolunu oynamışdır.

Hazırda KOBIL-in CCO vəzifəsində çalışan Onur şirkətin MENA regionunda mövcudluğunun genişləndirilməsinə və kommersiya fəaliyyətinin aparılmasına cavabdehdir. Bu sahədə zəngin təcrübəsi və təcrübəsi ilə Onur fintech dünyasındakı ən son tendensiyalar və ən yaxşı təcrübələr haqqında fikirlərini bölüşdüyü sənaye tədbirlərində axtarılan məruzəçidir.

Dmitri Lazarçik Belarusda maliyyə ixtisasını bitirmişdir. İT və maliyyə üzrə 10 ildən çox təcrübəsi mövcuddur. O, daha yaxşı müştəri təcrübəsi üçün qlobal səviyyədə banklara özlərinin rəqəmsal kanallarını inkişaf etdirilməsinə kömək olur. Hazırda isə İcraçı direktor vəzifəsində çalışmaqdadır.

İnformasiya texnologiyaları sahəsində 18 ildən çox təcrübəyə malik olmaqla, o, texniki dəstək mütəxəssisindən satış direktoru vəzifəsinə qədər yüksələrək, Creatio-da 15 il keçirdi. O, iş axınının avtomatlaşdırılması üçün məhsulların tətbiqinə yönəlmiş irimiqyaslı layihələr üçün müştəri dəstəyi üzrə ekspertdir.

Fatih Hastürk 1976-cı ildə Ankarada doğulmuşdur. Onun babası Azərbaycanın Salyan bölgəsindəndir və o, azərbaycanlı kökü ilə bağlı fəxr edir. Fatih bəy, 1994-cü ildə T.E.D. Ankara Kollecini və 1999-cu ildə Qazi Universitetinin İqtisadiyyat Departamentinin İqtisadiyyat fakültəsini bitirmişdir. Karyerasına isə 2000-ci ildə “Şekerbank T.A.Ş”da “Audit Şurası”nda başlamışdır. 2010-cu ilə qədər isə müvafiq olaraq Auditorun köməkçisi, Səlahiyyətli Auditor köməkçisi və Auditor kimi çalışmışdır. 2015-2018-ci illər arasında isə “Cybersoft”da Biznes Arxitekti və Məhsulların İdarəedilməsi meneceri kimi işləmişdir. “Cybersoft”da çalışdığı müddətdə Azərbaycanda fəaliyyət göstərən bir bankın proqram təminatının transformasiyası proseslərinə rəhbərlik etmişdir. 2019-cu ildə isə “Türk Ticarət Bank”ında Audit Şurasının rəhbəri və 2021-ci ildə isə Baş direktorun köməkçisi kimi çalışmışdır. 2022-ci ilin yanvarından bu yana isə “Yaz Bilişim Sistemleri ve Ticaret A.Ş”də Baş direktor vəzifəsini idarə edir. Bura Türkiyə Əmanətlərin Sığortalanması Fondunun törəmə şirkətidir.

Corc Taktakidze baş ofisi Polşa, Varşava şəhərində yerləşən proqram təminatı inkişafı şirkəti “Andersen”də Biznesin İnkişafı Meneceridir. Onun müxtəlif şirkətlərdə biznesin inkişafı rollarında 15 ildən çox təcrübəsi var. Taktakidze-nin komandası ənənəvi bankları, lizinq sığorta, fintex şirkətlərini dəstəkləməkdədir və rəqəmsal transformasiya prosesində onlara kömək olur. Onun sektor ilə bağlı təcrübəsindən yanaşı, parlaq zəkası, problem həll etmək qabiliyyəti və s. görə də, həm müştərilərinin, həm də partnyorlarının rəğbətini qazanıb. Corc müştərilərinin biznes problemlərini həll etməkdən dolayı yeni biznes texnologiyalarının həllində, həmçinin effektiv və innovativ yolların tapılmasında böyük rol oynayır.

Riçard Şirer vaxtının böyük bir hissəsini Cənubi-Şərqi Asiyada keçirmişdir və 2006-cı ildə isə “Tintra”nın əsasını qoymuşdur. Hazırda da “Tintra”nın Baş icraçı direktoru – CEO vəzifəsində çalışmaqdadır. 

Tatyana Yaroşenko bank proqram təminatı sektorunda dünya lideri “Temenos”da satışdan öncə aparıcı baş mütəxəssisdir. Tatyana “Temenos” müştərilərinə özlərinin əməliyyat modeli və biznes ehtiyaclarına uyğun ən effektiv və innovativ həlləri seçməyə kömək olur. Onun Avropa, Rusiya, MDB ölkələri və Asiya-Sakit okean regionunda İT və bankçılıq sektorlarında 20 ildən çox təcrübəsi mövcuddur. Tatyana xanımın professional keçmişinə, həm riteyl, həm də korporativ bankçılıq sahələrində rəqəmsal kanal həlləri, işə qəbul, yeni təşəbbüslərin icrası və s. daxildir. O, magistratura təhsilini Rusiyanın “Volqoqrad Dövlət Universitet”nin maliyyə və kredit dərəcəsi üzrə başa vurmuşdur.

1999-cu ildən bəri bank sektorundakı müştərilər ilə çalışır və onların şəbəkələrini işlək vəziyyətdə saxlamaq üçün işləyir.

Olqa “Binance” şirkətinin Rusiya və MDB ölkələrinin Hökumətlə Əlaqələr üzrə direktorudur. O, yanvarda “Binance” şirkətinə qoşulmazdan öncə Rusiya Mərkəzi Bankının Hesabların Emalı Departamentində direktor vəzifəsində çalışmışdır. Rusiya bazarında bir sıra transformasiya layihələrinə rəhbərlik etmək üçün məsuliyyət daşıyırdı. Onun fəaliyyəti Mərkəzi Bankın nəzarəti altında olan bütün şirkətlərə fintex konseptinin hazırlanmasına, Kredit Bürolarının kredit reytinqi üçün yeni yanaşmalara fokuslanmağına yönəlmişdir. 2021-ci ildə isə Mərkəzi Bankın nümayəndəsi kimi bir sıra İşçi Qruplarında iştirak etmişdir. Olqa, həmçinin “XBRL International”ın Müşahidə Şurasının üzvi idi. Daha əvvəllər isə UniCredit Bank və “Ernst & Young”da çalışmışdır. 

Lars, şirkətlərə onların İT layihələrinin texniki və insan amili ilə bağlı çətinliklərinin aradan qaldırılması yönümündə yardım göstərməklə fəaliyyətinin iki onillikdən çox bir hissəsini İT sahəsinə həsr etmişdir. Onun biznes, psixologiya və texnologiya arasındakı qarşılıqlı əlaqəyə göstərdiyi xüsusi maraq həlli üsulların daha da inkişaf etdirilməsi zamanı texnologiyaların ümumən unudulmaqda olan tətbiqi üsullarını əngəlləyən insan amili məsələsini daha çox işıqlandırmış olur.

Lars Kaliforniyada böyüyüb boya-başa çatmışdır, lakin hal-hazırda İspaniyanın Barselona şəhərində yaşayır.

Bernardo texnoloji şirkətlərə öz bizneslərini beynəlxalq səviyyədə genişləndirmək, öz əməliyyat və bazar gəlirlərini köklü surətdə dəyişmək yolunda  25 ildən çox vaxt sərf etmişdir. Strategiyaların hazırlanması, proseslərin yaradılması və sistemlərin tətbiqi sahəsində zəngin təcrübəyə malik olmaqla, Bernardo yeni bazarlara çıxış imkanlarının innovativ üsullarının işlənib hazırlanmasında və yeni texnologiyaların tətbiqi sahəsində çoxsaylı təşkilatlara yardım göstərilməsində mühüm rol oynamışdır. Proqram təminatı, telekommunikasiyalar, tibbi texnologiya və biotexnologiya kimi müxtəlif sahələrdə çoxşaxəli təcrübəyə malik olmaqla, Bernardo çağdaş dünya çapında biznes qurumlarının üzləşdiyi problemləri hərtərəfli dərketmə imkanına malikdir. Yeddi ölkədə yaşamaqla və iyirmidən çox dövlətin layihələrini uğurla idarə etməklə, Bernardo hər bir ilkə beynəlxalq perspektiv şəklində analoqu olmayan töhfəsini vermiş olur.

Bernardo Almaniyanın Münhen şəhərində yerləşən Nubessom şirkətinin konsaltinq və ticarət təcrübəsi şöbəsinə rəhbərlik edir.

Aidos Jumaqulov “Freedom Bank” Qazaxıstanda direktorlar şurası sədrinin müşaviri vəzifəsində çalışmaqdadır. Maliyyə sektorunda 19 illik təcrübəyə malik rəqəmsal bankçılıq ekspertidir. O, “T.Riskulov Universitet”nin, “City Business Scool”un məzunudur və MBA dərəcəsinə sahibdir. Aidos Jumaqulov müxtəlif illərdə “Caspian Bank”, “Nurbank”, “Alliance Bank”, “Russian Slavic Bank”, “Bank of Astana”da yüksək vəzifələrdə çalışmışdır. Hazırda çalışdığı “Freedom Bank” Qazaxıstanda isə strategiya və transformasiyaya cavabdehdir. Onun rəhbərliyi altında Qazaxıstanda ona qədər olmayan, xüsusi məhsulların hazırlanmasına nail olmuşdu. Bura Rəqəmsal İpoteka, Rəqəmsal Avtomobil Krediti, Rəqəmsal Biznes Krediti kimi məhsullar daxildir.

Cənab Ramil Mahmudov Azərbaycan Respublikasının Mərkəzi Bankında Milli ödəniş sisteminin inkişafı və nəzarati şöbəsinin müdiridir. Azərbaycanda nağdsız ödənişlərin inkişafı və qanunvericiliyə uyğun fəaliyyətini tənzimləməsi sahəsi üzrə məsul şəxsdir.

Ödəmə sistemləri, elektron bankçılıq, mobil bankçılıq, kart biznesi, elektron pul, elektron ödənişlər və pərakəndə bankçılıq sahəsində təcrübəli mütəxəssisdir. Banklar və digər maraqlı tərəflər üçün bir sıra tənzimləmə və tövsiyələrin birgə müəllifi kimi, o, həmçinin ECB, AB, MDB, BİS, ödəmə sistemləri ekosistemi və ödəmə vasitəsi ilə bağlı qaydalar, tövsiyələr və təcrübələr, habelə risklərin idarə edilməsi, fırıldaqçılıq, Visa və MasterCard prosedurları ilə tanışdır.

Cənab Mahmudov Lüksemburq Universiteti, Lüksemburq Maliyyə Məktəbinin bankçılıq və maliyyə fakültəsi və Azərbaycan Dövlət İqtisad Universitetinin Maliyyə fakültəsi üzrə magistr dərəcəsi almışdır.

2015-ci ildə Azərbaycan Diplomatik Akademiyasından "İdarəetmə İnkişafı Proqramı" və 2015-ci ildə Nyu-York Universitetinin Stern Biznes Məktəbindən İcra Təhsilinə dair Sertifikat almışdır.

O, Avropa və Asiyada nağdsız ödənişlər və idarəetmə sahəsində çoxsaylı təlim sertifikatları almışdır.

Fintech sahəsində 7 ildən çox təcrübəli

Şirkət fintech sahəsində aşağıdakı məhsulları təqdim edir:

Kartların ekvayrinqi

Mobil ödənişlər

Onlayn pul kisəsi

Fırıldaqçılıq və Çirkli Pulların Yuyulmasina qarşı sistemləri

Şirkətin qurulduğu zaman MOST Ventures vençur fondu tərəfindən qiymətləndirməsi 1.000.000 ABŞ dolları idi.

Şirkətin cari dəyəri 125.000.000 ABŞ dolları

Şirkət aşağıdakı ölkələrdə fəaliyyət göstərir:

Qazaxıstan, Özbəkistan, Qırğızıstan, Azərbaycan, İspaniya

Şirkətin aylıq dövriyyəsi $100,000,000-dan çoxdur

2013 ildə Visa-ya qoşularaq Nurlan bank sektoru, marketinq və biznesin inkişafı, ödəniş kartları sahəsində əldə etdiyi 9 illik təcrübəsini komandamıza gətirdi. Visa-ya gəlməzdən öncə o, DəmirBankda ödəniş kartları şöbəsinin müdiri qismində ödəniş məhsullarının əkvayrinqi, ödəniş kartları riskləri və rəqəmsal kanalların inkişafına cavabdeh idi. DəmirBankdan əvvəl isə o, UniBank-da marketinq və biznesin inkişafı şöbəsinə rəhbərlik edirdi.

2022 ildən etibarən Nurlan Bakıda yerləşərək Visa-da Baş direktor, Azərbaycan üzrə ölkə direktoru vəzifəsində çalışır.

Bu yeni rolda Nurlan Hacıyev Azərbaycan bazarında biznesin inkişafını davam etdirib, yerli komandanın inteqrasiyası və əlaqəli işini təmin edib. Visa-da 9 illik iş təcrübəsi müddətində Nurlan ilk öncə biznes inkişafı meneceri vəzifəsində çalışaraq 6 il ərzində Visa-nı Azərbaycanda təklikdə təmsil etdi və bununla da komandanın cari artımının bünövrəsini qoydu. Bütün bu dövr ərzində Nurlan MDB CŞA komandasının dəyərli üzvü olaraq müştərilərlə güclü əlaqələri qurub, Azərbaycan bazarında biznesin inkişafını, strategiyanın hazırlanması və icrasını istiqamətləndirib. O, Azərbaycan bazarında nişangah və flaqman rolunu oynamış VTS və ApplePay layihələrinin icrasına şəxsən mühüm töhfə verib, Mərkəzi və Şərqi Avropa – Yaxın Şərq – Afrika regionunda ilk B2B Connect layihəsinin və sair müvəffəqiyyətlərin ərsəyə gəlməsində aparıcı rol oynayıb.

Azərbaycan Respublikası İqtisadiyyat Nazirliyinin İqtisadi İslahatlar Elmi-Tədqiqat İnstitutunun doktorantı Rüstəmov Tamerlan Hafiz oğlu müxtəlif illərdə Azərbaycan Respublikası Mərkəzi Bankı və Maliyyə Bazarlarına Nəzarət Palatasında ödəniş sistemlərinin inkişafı və nəzarəti sahəsində fəaliyyət göstərmişdir.

Hazırda “Bank of Baku” ASC-nin Ödəniş sistemləri departamentinin direktor müavinidir. Həmçinin Azərbaycan Banklar Assosiasiyasında “Ödəniş sistemləri və rəqəmsal bankçılıq üzrə Ekspert Qrupu”nun rəhbəri, Azərbaycan Fintex Assosiasiyasında isə layihə rəhbəridir.

Fəaliyyət göstərdiyi bu illər ərzində ölkədə rəqəmsal ödəniş ekosisteminin formalaşması, bu sahədə normativ hüquqi çərçivənin yaradılması, innovativ ödəniş alətləri və texnologiyalarının tətbiqində yaxından iştirak etmişdir.

Ölkədə rəqəmsal ödənişlər sahəsində ilk dəfə nəşr olunan “Rəqəmsal ödənişlər və elektron bankçılıq xidmətləri” adlı dərsliyin həmmüəllifidir. Rəqəmsal transformasiya və rəqəmsal ödənişlər sahəsində 10-dan artıq elmi məqalələrin və bir çox çox publisist yazıların müəllifidir.

Aleksandr karyerasına 2000-ci ildə başlamışdır və ödəniş şirkətəri üçün internet ödənişlərinin qəbulu sistemini inkişaf etdirmişdir. O, eComCharge UAB-da həmtəsisçi və Baş Məhsul Direktorudur. 2013-cü ildə isə onlayn ödəniş prosessinq sistemi olan beGateway WLS-in əsasının qoyulmasına rəhbərlik etmişdir. 2013-cü ildə bəri isə Aleksandr və onun komandası bank sektoru üçün e-kommersiya layihələri də daxil olmaqla, dünya miqyasında 50-dən çox ödənişlərin qəbulu xidmətlərini yaratmışdır. eComCharge texniki komandası isə Aleksandrın liderliyi altında hədsiz dərəcədə inkişaf etmişdir. Onun bank sektoru, elektron ödəniş sənayesi də daxil olmaqla geniş əlaqələri vardır. Hər zaman yeni biznes əlaqələrinə açıqdır.

Rəşad Qasımov Azərbaycanda ödəniş sistemlərinin inkişafına cavabdehlik daşıyan komandanın aparıcı üzvüdür. Ölkədə nağdsız ödənişlərin genişləndirilməsini hədəfləyən çoxsaylı layihələrin həyata keçirilməsində əsas rol oynamışdır. Rəqəmsal ödənişlərin analitikası, ödəniş sahəsi üzrə inkişaf strategiyasının hazırlanması və innovativ ödəniş həllərinin tətbiqi üçün normativ hüquqi çərçivənin təkmilləşdirilməsi istiqamətində geniş təcrübəyə malikdir.

Bakı Dövlət Universitetinin Dünya iqtisadiyyatı ixtisası üzrə bakalavr, Beynəlxalq iqtisadi münasibətlər ixtisası üzrə magistr dərəcəsinə sahibdir.

2005-ci ildə Azərbaycan Dövlət İqtisad Universitetində (UNEC) Maliyyə-kredit ixtisası üzrə bakalavr və 2007-ci ildə Beynəlxalq iqtisadi münasibətlər ixtisası üzrə magistr təhsili alıb. Bir çox beynəlxalq ixtisas sertifikasiyalarının o cümlədən, ABŞ Layihələrin İdarə Edilməsi İnstitutunun (PMI) Peşəkar Layihə Meneceri (PMP) sertifikatının sahibidir. 2021-ci ildə Kellog Biznes Məktəbinin Təşkilati liderlik proqramı üzrə təhsil almışdır.

2021-ci ildən ölkənin aparıcı İnvestisiya şirkəti olan Unicapital İnvestisiya Şirkəti ASC-yə Baş direktorun müşaviri olaraq qoşulmuşdur. 2023-cü ildən etibarən şirkətin Baş direktoru vəzifəsində çalışır. Maliyyə və maliyyə institutları, ticarət infrastrukturu, layihələrin idarə edilməsi, beynəlxalq əlaqələr və dövlət idarəçilik sahəsində təcrübəyə malikdir.

Vüqar Namazov 13 ildən artıq Bakı Fond Birjasında müxtəlif rəhbər vəzifələrdə, o cümlədən İdarə Heyətinin sədri olaraq fəaliyyət göstərib. Unicapital komandasına qoşulmazdan əvvəl Azərbaycan Respublikaısnın Kənd Təsərrüfatı Nazirliyinin tabeliyində Aqrar Tədarük və Təchizat ASC-də İdarə Heyətinin sədrinin müşaviri vəzifəsində çalışıb. Eyni zamanda, UNEC İslam Maliyyə mərkəzinin tədqiqatçısıdır.

O, kapital bazarları ticarət sistemləri və infrastrukturu, alternativ maliyyələşmə həlləri, İPO, törəmə maliyyə alətlərinin tətbiqi və s. istiqmətlərdə bir çox məqalə və araşdırmaların müəllifidir.

Matvey Filippoviç Qerinq Swift-in Belçikadakı qərargahında və Rusiya, Qafqaz və Mərkəzi Asiya da daxil olmaqla 9 ölkəni əhatə edən digər Aİ yerlərində yayılmış komandaya rəhbərlik etməkdədir.  O, 2006-2020-ci illər ərzində SWIFT Standards-da müxtəlif irihəcmli layihələrin rəhbəri olmuşdur. Bura “Target2-Securities” üçün Layihə Meneceri və SWIFT-i ECB və 4CB işçi qruplarında təmsil etməsi daxildir. O, 2006-cı ilin noyabr ayında Nyu York Bankının Qlobal Qəyyumluq mərkəzindən SWIFT-ə qoşulmuşdur və burada İdarəetmə Məlumatı və Statistikasının rəhbəri olmuşdur. O, Brüsseldə “Institut Catholique des Hautes Etudes Commerciales” də biznes və texnologiya üzrə master təhsili almışdır. Matvey, Wharton və IESE-də marketinq və liderlik modulunu bitirmişdir. Matvey bir çox dillərdə sərbəst danışa bilir, bura ingilis, fransız, italyan, ispan, alman dilləri daxildir. O, evlidir və 2 oğlan atasıdır.

Layihə və risklərin idarə edilməsi, müştəri xidmətləri, bank işi və biznes proseslərinin təkmilləşdirilməsi üzrə təcrübəyə malikdir.

BirBank mobil tətbiqi, o cümlədən digər rəqəmsal retail məhsulların idarə olunmasına və eyni zamanda onlara xidmət və dəstək göstərilməsinə cavabdehdir. O, həmçinin Beynəlxalq Ödəniş Sistemi ilə strateji əlaqələrin davamlı inkişafında dəstək olur.

Maastrixt Biznes Məktəbində və Azərbaycan Dövlət Diplomatik Akademiyasında İcraçı magistr dərəcəsi (EMBA 2018), Azərbaycan Dövlət Neft Akademiyasında İnvestisiyaların İqtisadi Qiymətləndirilməsi üzrə magistr dərəcəsi (MA 2012), Azərbaycan Respublikasının Prezidenti yanında Dövlət İdarəçilik Akademiyasında İdarəetmə üzrə bakalavr dərəcisinə malikdir(2008).

Maqamed İrbayev “EastNets” Avropada (Lüksemburq) Biznesin inkişafı direktoru vəzifəsində çalışmaqdadır. O, İnformasiya Texnologiyaları (İT) sektorunda 1995-ci ildən bəri çalışmaqdadır. “Cognitive Texnologiyaları”, IBM, SAP kimi şirkətlərdə işləmişdir. Maqamed Rusiyanın aparıcı neft sənaye universitetlərindən biri olan “Grozni Dövlət Neft İnstitut”nun inşaat mühəndisi ixtisasını bitirmişdir. Daha sonra isə IBM, SAP və hazırda çalışmaqda olan “EastNets”dən texnoloji treyninqlər əldə etmişdir. Təhsil aldığı yerlərdən biri olaraq isə nüfuzlu London Biznes Məktəbinin biznesin idarəedilməsi ixtisasını başa vurmasını qeyd etmək olar. 

Cihat Altuntaş Türkiyə, İstanbulda yerləşən kibertəhlükəsizlik şirkəti SecHard-ın həmtəsisçisi və yüksək ixtisaslı texniki liderdir. O, qlobal perspektivə və proqram təminatının inkişaf etdirilməsi sahəsində güclü keçmişə sahibdir. Cihat müştəri ehtiyaclarını çox yaxşı anlayır. Uğurlu məhsul, həllərin layihələndirilməsi və həyata keçirilməsində sübut edilmiş təcrübəyə malikdir. SecHard-ın həmtəsisçisi kimi ən son kibertəhlüksizlik məhsulunun dizayn edilməsi və həyata keçirilməsində vacib rol oynayır. Onlar müxtəlif İT resurslarında çətin təhlükəsizlik qüsurlarını aşkar etmək üçün məsuliyyət daşıyırlar. SecHard-a qədər isə Cihat müxtəlif şirkətlərdə, fərqli vəzifələrdə çalışmışdır. Həmçinin xaricdə Proqram təminatı Arxitekti və Meneceri kimi çalışmaq fürsəti əldə etmişdir. Cihat qlobal komandanı idarə etmişdir və telekommunikasiya operatorunun proqram təminatı sistemlərinin uğurla modernləşdirilməsinə rəhbərlik etmişdir. Onlar proqram təminatı arxitekturası, məhsul dizaynı və mühəndislik kimi təcrübələrindən istifadə etməklə, kompleks sistemlərin modern arxitektura ilə əvəz edilməsində əsas rol oynayırlar. Onun Kompüter Mühəndisliyi ixtisası üzrə bakalavr təhsili vardır. O, karyerası ərzində öyrənməyə meyilli olmuşdur və öyrənməyə davam edir və proqram təminatının inkişaf etdirilməsi sahəsində böyük həvəsi vardır. Cihat Açıq Mənbə Proqramını sevir və kompüterlərin, əməliyyat sistemlərinin necə işləməsinə dair aşağı səviyyəli detalları araşdırır.

Dok. Davy Smith Tintra-da Baş İnnovasiya Direktorudur. O, gələcəyin yenilikçi texnologiyalarının köhnə sistemlər üzərində tətbiq edilməsi sahəsində tətqiqatçı, dizayner və mütəxəssisdir. Davy Londonun “Queen Mary University”nin Artırılmış Reallıq (AR) alqoritm dizaynı sahəsində PhD (fəlsəfə doktoru) almışdır. Web3 texnologiyalarında patent sahibi olmaqla yanaşı, onun müxtəlif nəşrlərdə dəfələrlə, AR, maşın öyrənilməsi, innovativ texnologiyaların tətbiqi sahəsində məqalələri dərc edilmişdir.

Expressbank, İdarə Heyəti Sədrinin müavini

Yevgen Lesnyak Visa-da Baş direktor və Ukrayna, MDB və Cənub-Şərqi Avropa ölkələrində (toplam 17 bazarda) strateji tərəfdaşlıqlar, fintek və müştərək layihələr idarəsinin müdiri vəzifəsində çalışır. Onun əsas vəzifəsi fintek sahəsinin tez inkişaf edən biznes mühitində Visa üçün potensial tərəfdaşlıqları taparaq, onları dəstəkləyərək və inkişaf etdirərək innovativ fintek həllərinin yaranmasına və nağdsız iqtisadiyyatın inkişafına xidmət etməkdir.

Yevgen Visa şirkətinə 2017 ildə İnnovativ həllər şöbəsinin müdiri qismində qoşulub. Bu vəzifədə o, Ukrayna və MDB ölkələrində bir sıra nəqliyyat və “ağıllı şəhər” layihələrini müvəffəqiyyətlə icra edib. Hal-hazırda Yevgen neobankların qurulmasını, mobil operatorlarının mobil maliyyə xidmətlərini, ənənəvi bankların rəqəmsal məhsullarını, innovativ “devrimçi” fintek şirkətlərini dəstəkləyir, eləcə də əhatə etdiyi 17 bazarda fintek ekosisteminin inkişafına fokuslanır.

Yevgenin bankçılıq, ödəmələr və fintek sahələrində dərin bilik və təcrübəsi sayəsində Visa Ukrayna, Belarus, Gürcüstan, Azərbaycan, Qazaxıstan, Tacikistan, Özbəkistan və sair ölkələrdə böyük sayda fintek şirkətləri ilə strateji tərəfdaşlıqlar yaradıb və onların dəstəyini qazanıb.

Yevgen Lesnyak aparıcı beynəlxalq şirkətlərində İT və məsləhətçi xidmətlər sahələrində 15 illik zəngin təcrübəyə malikdir. O, Moskva Fizika-Texniki İnstitutundan (MFTİ) tətbiqi fizika və riyaziyyat üzrə magistr dərəcəsinin sahibidir.

Xəyaləddin Rəsul oğlu Tağıyev 1985-ci ilin 1 yanvar tarixində Gədəbəy rayonunun R.Əliyev (indiki Miskinli) kəndində anadan olmuşdur. 2013-2016-cı illərdə Azərbaycan Respublikasının İqtisadiyyat Nazirliyinin İqtisadi İslahatlar Elmi Tədqiqat İnstitutunun doktorantı olmuş və 2018-ci ildən “Ekonometriya: iqtisadi statistika” ixtisasından iqtisad üzrə fəlsəfə doktorudur.

2008-ci ildən Azərbaycan Respublikasının Mərkəzi Bankında ödəniş sistemlərinin inkişafı və nəzarəti sahəsində müxtəlif vəzifələrdə çalışır. 2014-2019-cu illərdə Azərbaycan Dövlət İqtisad Universitetinin MBA Proqramı üzrə “Biznes statistikası” və “Maliyyə risklərinin idarə edilməsi” fənlərini saat-hesabı əsasında tədris etmişdir. 2019-2021-ci illərdə İqtisadiyyat Nazirliyinin İqtisadi İslahatlar Elmi Tədqiqat İnstitutunda yarım-ştat əsasında baş elmi işçi vəzifəsində çalışmışdır. Hazırda həmin institutda elmlər doktorluğu proqramı üzrə təhsil alır. 2020-ci ildən Azərbaycan Texniki Universitetinin “İqtisadiyyat və statistika” kafedrasında yarım-ştat əsasında dosent vəzifəsində çalışır. 20-dən yuxarı elmi məqalənin, 3 dərslik və dərs vəsaitinin müəllifidir.

Ailəlidir, üç övladı var.

Visal Ahmet Ozten “ASEE group”a qoşulmazdan öncə bank sektoru ilə bağlı 20 illik keçmişi olub. O, xüsusilə Avropa və Türkiyənin müxtəlif banklarında Ödəniş Sistemləri və Rəqəmsal Kanallar sahəsində çalışıb. O, bakalavr, eyni zamanda “Okan Universitet”nin bankçılıq bölməsinin magistartura təhsilini tamamlamışdır. Visal Ahmet Ozten BKM-nin Təhlükəsizlik Konsulunun üzvüdür, eyni zamanda bir çox “İşçi Qrup”nın nümayəndəsidir. O, müxtəlif, aparıcı layihələri idarə edib. ASEE ə Payten bazarlarında biznesin inkişafından məsuldur.

Eldar Cəbrayılov “United Payment” şirkətinin Layihə və Portfolionun idarə olunması departamentinin direktorudur.

Ödəniş sistemləri, onlayn bankçılıq, elektron ticarət, layihələrin idarə edilməsi və biznesin inkişafı sahəsində yerli və beynəlxalq təcrübəyə malikdir.

Çalıştığı illər ərzində nağdsız ödənişlərin inkişafı istiqamətində yerli və xarici bazarlarda innovativ layihələri icra etmişdir.  

Eldar Cəbrayılov Dokuz Eylül Universitetində Beynəlxalq Biznesin idarə edilməsi üzrə Magistr dərəcəsi almışdır. Əlavə olaraq akademik təlimçi və biznes konsaltinq fəaliyyətini həyata keçirməkdədir.

Anuar Nuraxmetov KPMG Qafqaz/Mərkəzi Asiya, Texnologiyanın tətbiqi üzrə direktor köməkçisidir. Onun ən axırıncı iş təcrübəsi sırasına isə Özbəkistanda TOP 5 bank və ödəniş texnologiya şirkətləri üçün İT strategiyasının, həmçinin informasiya və kommunikasiya texnologiyalarının (İKT) inkişaf etdirilməsi daxil olmuşdur. Hazırda isə Anuar Azərbaycanda texnologiya xidmətlərinin inkişafına fokus olmuşdur. KPMG-yə qoşulmazdan öncə Qazaxıstan Respublikasının dövlət agentliklərində tətbiqlərin həyata keçirilməsinə, fintex startaplara, yenilikçi dövlət proqramlarının, dövlət əhəmiyyətli regional proqramların inkişafına və idarəedilməsinə, sənaye və innovativ texnologiyaların inkişafına təkan verməyə çalışmışdır. Anuar 2019-cu ildən isə Qazaxıstan prezidentinin elan etdiyi İstedadlı Gənclər Birliyinin üzvlərindən biridir. O, Böyük Britaniyanın Birminhem Universitetinin “Kompüter Elmləri” üzrə magistratura, daha öncə isə Qazaxıstanda Qazax-İngilis Texniki Universitetinin “Hesablama Sistemləri və Proqram təminatı” ixtisası üzrə bitirmişdir. Anuar sektoru üzrə bir çox nüfuzlu sertifikatlara sahibdir, bura TOGAF, Oracle daxildir.

2006-2013-cü illər ərzində Azərbaycan Respublikası Mərkəzi Bankında Baş IT auditoru və İT auditi şöbəsinin müdiri vəzifəsində işləmişdir. 2013-2017-ci illərdə Şirkətlər qrupunda İdarəetmə Təhlükəsizliyi şöbəsinin müdiri və İnformasiya Təhlükəsizliyi şöbəsinin direktoru vəzifəsində işləmişdir. 2017-2021-ci illərdə BBDTL QSC-də İT direktoru vəzifəsində çalışmışdır. Hazırda BISA MMC-nin İcraçı direktorudur. Həmçinin, Azərbaycan Banklar Assosiasiyasının İT və İnformasiya Təhlükəsizliyi üzrə Ekspert Qrupu sədrinin müavinidir. İlqar Əliyev Mərkəzi və Kommersiya bankları, telekommunikasiya, enerji və istehsal şirkətlərində bir sıra auditləri, habelə təhlükəsizlik və konsaltinq layihələrini həyata keçirmiş və onlara rəhbərlik etmişdir. Rəqəmsal trasnformasiya, informasiya təhlükəsizliyinin dizaynı və tətbiqi, daxili nəzarət sistemi və kiber-təhlükəsizliyin təkmilləşdirilməsi, əməliyyat risklərinin idarə olunması və qiymətləndirilməsi üzrə geniş təcrübəyə malikdir. O, 2007-cı ildən etibarən Beynəlxalq ISACA Assosiasiyasının üzvüdür.  2018-ci ildən PECB təşkilatının beynəlxalq sertifikatlı treyneridir.

Elvin Şahverdiyev Azərbaycan Respublikası Mərkəzi Bankının İnformasiya və kibertəhlükəsizlik şöbəsinin rəhbəridir. Cənab Şahverdiyev İnformasiya Texnologiyaları və İnformasiya Təhlükəsizliyi sahəsində 15 ildən artıq iş təcrübəsinə malikdir. O, Mərkəzi Bankda informasiya təhlükəsizliyinin idarə edilməsi sisteminin yaradılmasını həyata keçirir və qabaqcıl standartlara və informasiya təhlükəsizliyi siyasətlərinə uyğun idarə edilməsini təşkil edir.

Bacarıqlar: Strateji Düşüncə, Təhlükəsizlik və Məxfiliyin İdarə Edilməsi, Texniki Bacarıqlar.

Kenan Doğaner professional karyerasına 2007-ci ildə başlamışdır, müxtəlif sektorlarda, fərqli vəzifələrdə çalışmışdır. O, istifadəçi, partnyor, distribyutor sahələrində təcrübələr əldə etmişdir. Onun bir çox mövzularda texniki və satış üzrə sertifikatları vardır. Kenan Doğaner karyerası ərzində təlimçi kimi də çalışmışdır. O, yeni həllər öyrənməyi və komandada çalışmağı, eləcə də

başqaları ilə əməkdaşlıq etməyi sevir və bunu bütün peşəkar karyerası ərzində etmişdir. Hazırda isə “SOCRadar”da regional satışdan əvvəl texniki menecer vəzifəsində çalışmaqdadır.

Adnan Karadaş bakalavr təhsilini 1992-ci ildə “İstanbul Texniki Universitet”nin mexanika mühəndisliyi üzrə bitirmişdir. 2016-cı ildə isə “Mimar Sinan Güzel Sanatlar Universitet”ndə magistratura təhsilini statistika üzrə almışdır. Hazırda biznesin idarəedilməsi üzrə fəlsəfə doktoru (PhD) təhsilini isə “Gebze Texniki Universitet”ndə almaqdadır. 

2022-ci ildən “Denetik Sertifikatlaşdırma” ASC-nin Baş icraçı direktoru (CEO) vəzifəsində çalışmaqdadır. “Denetik Sertifikatlaşdırma” ASC-yə qədər isə müxtəlif şirkətlərdə, yüksək idarəetmə vəzifələrində çalışmışdır. Məsələn, bura 2009-2022-ci ildə çalışdığı “Denetik Sertifikatlaşdırma” Ltd.-də və 1999-2009-cu ildə “Digisis İnformasiya və Telekommunikasiya” Ltd.-də Baş menecer vəzifəsi daxildir. “Digisis İnformasiya və Telekommunikasiya” Ltd-yə qədər çalışdığı yerlər isə “Gebze Yüksək Texnologiya Universitet”ndə və “Mimar Sinan Güzel Sanatlar Universitet”ndə mühazirəçi olmuşdur. Universitetdəki karyerasına qədər isə “Akıl Küpü İnformasiya” Ltd-də Baş menecer və “Netaş”, KOSGEB-də müvafiq olaraq mühazirəçi-məsləhətçi və metodlar üzrə mühəndis olmuşdur. Ümumilikdə karyerasına isə 1991-ci ildə “Türk Standartları İnstitut”nda ekspert olaraq başlamışdır.

Korhan Şen “Yapı Kredi Bank” Azərbaycan-da Baş İnformasiya Təhlükəsizliyi Rəisidir. O, həmçinin “Yapı Kredi Bank” Türkiyə-nin Törəmə müəssisələrin Təhlükəsizlik Koordinasiyası və İdarəetmə Meneceridir. Korhan Şen 2013-cü ildən Türkiyənin ən böyük banklarından biri olan “Yapı Kredi Bank”da çalışmağa başlayıb. O, “Yapı Kredi Bank”ın müxtəlif İT Təhlükəsizlik Departamentlərində çalışmışdır. Şen, şəbəkə təhlükəsizliyi, kriptologiya və data təhlükəsizliyi üzrə ixtisaslaşmışdır. Həmçinin Korhan Şen kriptologiya və data təhlükəsizliyi sahələrində bir çox layihələri uğurla başa vurmuşdur. “İstanbul Kültür Universitet”ndə elektrik elektronika mühəndisliyi üzrə bakalavr dərəcəsi və “Bahçeşehir Universitet”ndə biznesin idarə edilməsi üzrə magistratura proqramı üzrə təhsil almışdır.

Steven SWIFT təhsil departamentinə 1994-cü ildə qoşulmuşdur. 1997-ci ilin sonuna qədər isə əsas fokusunun Rusiya və MDB ölkələri olduğu, Avropa, Mərkəzi Asiya, Afrikada müştərilərə treyninqlər vermişdir. 1997-ci ildən 1999-cu ilə qədər o, bank proqram təminatı satıcıları ilə münasibətlərin idarə edilməsi ilə məşğul olmuşdur. Steven 2013-cü ilin sonuna qədər isə Rusiya, MDB və Monqolustanın və SWIFT-in Moskva Ofisinin rəhbəri olmuşdur. Şirkət daxilində müxtəlif regionlar üzrə fərqli vəzifələrdə çalışmışdır və 2022-ci ildən isə Swift, Belçikanın - Avropa, Rusiya, Qafqaz və Mərkəzi Asiya üzrə maliyyə cinayətləri və komplayns üzrə baş mütəxəssisidir.

Samir Nuriyev Global texnoloji və Telekom şirkətlərdə 25 ildən artıq təcrübəsi olan peşəkar mütəxəssisdir. İKT, kibertəhlükəsizlik, bulud texnologiyaları və rəqəmsal transformasiya üzrə bir cox layihələrdə yaxından iştirak edir. Hal hazırda Samir Nuriyev Bulutistan Azərbaycan şirkətində Baş icracı direktordu.

Şəfiq Əmiri “Carbon Sarhat”ın təsisçisi və baş icraçı direktorudur (CEO). Eyni zamanda “FARI Solutions”da əməliyyatlar üzrə direktor vəzifəsini icra edir. Şəfiq Əmiri Rəqəmsal Avro Assosiasiyasının (DEA) CBDC eksperti və müəssisələr üçün blokçeyn yardım proqramının tədqiqatçısıdır. Eyni zamanda o, çoxsaylı maliyyə və texnologiya start-apları üçün məsləhətçi və rəhbər vəzifələrini icra etməkdədir. Cənab Əmiri fəal mələk yatırımçısıdır və bərpa olunan enerji və layihələrin maliyyələşdirilməsinə böyük maraq göstərir.

Azərbaycan Respublikası Mərkəzi Bankında böyük iqtisadçı və Dayanıqlı maliyyə layihəsinin layihə meneceridir və maliyyə bazarlarında 7 illik iş təcrübəsinə malikdir.

Həm özəl maliyyə bazarı institutları, həm də maliyyə bazarlarını tənzimləmə orqanınında peşəkar təcrübəyə malikdir. Təcrübə qazandığı sahələr dayanıqlı maliyyə, makroprudensial siyasət, maliyyə sabitliyi, iqtisadi təhlil və risklərin idarə edilməsini əhatə edir.

Bununla yanaşı, ADA Universitetinin Biznes Məktəbində maliyyə və iqtisadiyyatla əlaqəli fənləri tədris edərək akademik karyerasını davam etdirir.

Böyük Britaniyanın Warwick Biznes Məktəbində Maliyyə üzrə magistr və Qafqaz Universitetində Maliyyə üzrə bakalavr dərəcəsinə malikdir.

Həmçinin Kral Abdullah Neft Araşdırmaları və Tədqiqat Mərkəzi və Səudiyyə Ərəbistanı Enerji Assosiasiyasının təşkil etdiyi 04-09 fevral 2023-cü il tarixlərində Səudiyyə Ərəbistanının Ər-Riyad şəhərində keçirilən 44-cü IAEE Beynəlxalq Konfransında həmmüəllifi olduğu “Maliyyə sektorunun inkişafının karbon qazı emissiyalarına təsiri: Azərbaycan, Rusiya və Qazaxıstandan empirik sübutlar” məqaləni təqdim etmişdir  iqtisadiyyat. Bununla yanaşı, SCOPUS tərəfindən indeksləşdirilən Müasir İqtisadiyyat Jurnalında nəşr olunan “Ticarət və qeyri-ticarət sektorlarının iqtisadi artımda sosial və fiziki infrastruktur xərclərinin rolu” adlı məqalənin həmmüəllifidir.

İvana Fernandes Duarte Beynəlxalq Maliyyə Korporasiyasının – BMK (International Monetary Fund – IMF) Cənubi Qafqazdakı işini 2021-ci ilin iyunundan bəri icra etməkdədir. Onun “Avropa Yenidənqurma və İnkişaf Bankı” – AYİB (European Bank for Reconstruction and Development – EBRD), “Citigroup” da daxil olmaqla beynəlxalq maliyyə sahəsində, müxtəlif vəzifələrdə 20 ildən çox təcrübəsi mövcuddur. Karyerası ərzində İvana özəl infrastrukturun inkişafı və maliyyələşdirmə sahələrinə, eləcə də bütün sektorlar üzrə ölkə idarəçiliyinə diqqət yetirmişdir. O, karyerasına isə Slovakiyada Baş nazirin Ofisində başlamışdır.

Hazırkı rolunda İvana dayanıqlı inklüziv artım və iqlim dəyişikliyinə, rəqəmsallaşmaya və kapital bazarlarının inkişafına, eləcə də regionda “IFC Upstream” fəaliyyətinin inkişafına xüsusi diqqət yetirməklə Qafqazda BMK fəaliyyətinin daha da genişləndirilməsinə diqqət yetirir. İvana xanım MBA dərəcəsini İspaniya, Barselonada “IESE Biznes Məktəb”ndə, magistratura təhsilini isə “Slovakiya İqtisadiyyat Universitet”ndə İqtisadiyyat üzrə bitirmişdir.

O, 2008-ci ildən isə “CFA Charterholder” statusuna sahibdir. İvana xanım bir sıra dilləri əzbər bilir, bura ispan, slovak, çex dili, həmçinin rus, portuqal və fransız dili daxildir.

Samir Məmmədov 15 ildir ki, icraçı rollarda çalışmışdır. O, ikili profili; korporasiyalarda kommersiya rollarını, həmçinin çoxmillətli inkişaf təşkilatlarında liderlik rollarını aparmışdır. Samir Məmmədov “Vodafone-Azerfon”, Nar və Azertelecom şirkətlərində Biznesin İnkişafı, Gələcək Laboratoriyalar Direktoru, Korporativ rəhbər və Baş satış direktoru kimi vəzifələrdə işləmişdir. Çalışdığı dövrdə isə yeni bazara daxil olmaq və müştərilərin qazanmasında rekord göstəricilər əldə etmişdir. O, hazırda Birləşmiş Millətlər Təşkilatı Qlobal Kompakt-da (United Nations Global Compact) Azərbaycan üzrə ölkə rəhbəridir. Cənab Məmmədov “United Nations Global Compact”a qədər, Gürcüstan, Misir və Livanda müxtəlif təyinatlarla “World Vision International”, “SC Niderland” və “Save the Children” Federasiyasının Azərbaycan üzrə direktoru vəzifəsində çalışmışdır. Dünyanın ən böyük korporativ dayanıqlılıq şəbəkəsi isə daha yaxşı qlobal gələcək üçün 20.000-dən çox biznesləri birləşdirir. Samir Məmmədov ABŞ-ın Corciya Dövlət Kənd Təsərrüfatı Universitetində beynəlxalq iqtisadi əlaqələri oxumuşdur. O, “Lancaster Universitet”dən Tətbiqi Dilçilik üzrə magistratura dərəcəsi almışdır və Cənubi Idaho Kollecindən İnsan Xidmətləri kursunu bitirmişdir.

Fidan Sadıxlı EY Azərbaycan/Menecer, İqlim Dəyişikliyi və Dayanıqlı İnkişaf üzrə Xidmətlər rəhbəridir. Onun 8 ildən çox iş təcrübəsi var. MDB ölkələri və Azərbaycanda müxtəlif şirkətlərdə fərqli sahələrdə çalışmışdır, bura bank/maliyyə, enerji/neft və qaz sektoru, mədənçilik, sement, telekommunikasiya, kənd təsərrüfatı, tullantıların idarəedilməsi və s. daxildir. Fidan xanım bakalavr dərəcəsini Azərbaycan Neft və Sənaye Universitetinin biznesin idarəedilməsi və magistraturanı isə Böyük Britaniyanın Uorvik Universitetinin Biznes Mükəmməlliyi üçün İdarəetmə ixtisası üzrə başa vurmuşdur. Onun aparıcı biznes jurnallarında məqalələri dərc edilmişdir.