II Bankçılıq Forumu

Anar Kərimov Bakı Dövlət Universitetinin Beynəlxalq hüquq fakültəsini bitirmişdir (1998-2002), həmin universitetdə Fərqlənmə diplomu ilə Magistr dərəcəsinə də yiyələnmişdir. 2005-2007-ci illərdə A. Kərimov Azərbaycan Dövlət İqtisad Universitetinin Maliyyə və kredit fakültəsində ikinci ali təhsilini almışdır.

A.Kərimov peşə fəaliyyətinə 2002-ci ildə Azərbaycan Respublikasının İqtisadi İnkişaf Nazirliyində hüquqşünas vəzifəsində başlamışdır. 2002-2004 illərdə Azərbaycan Respublikasının Standartlaşdırma, Metrologiya və Patent üzrə Dövlət Agentliyinin Beynəlxalq münasibətlər departamentinin aparıcı mütəxəssisi, 2004-cü ildə “Azər-Türk Bank”da Hüquqşünas, 2004-2006 illərdə Birlik Bankının Baş Kredit Analitiki, 2006-2007-ci illərdə isə “Sumqayıt Elektrik Şəbəkəsi“ MMC-də Hüquq Idarəsinin Rəisi vəzifəsində işləmişdir.

2011-ci ildə A. Kərimov Komplayns sahəsi üzrə ATTF (Agence de Transfert de Technologie Financière, Lüksemburq) peşəkar ixtisasartırma sertifikat ilə təltif olunmuşdur.

2007-2011-ci illərdə Anar Kərimov PAŞA Bankda Hüquq şöbəsinin meneceri, 2011-2018-ci illərdə Komplayns departamentinin direktoru, 2018-ci ildən etibarən isə Anar Kərimov PAŞA Bankda Hüquq və Komplayns departamentinin direktoru vəzifəsində çalışır. 2015-ci ildə A. Kərimov Azərbaycan Banklar Assosiasiyasının “Çirkli Pulların Yuyulmasına qarşı mübarizə və Komplayns üzrə” ekspert qrupunun Sədri seçilmişdir.

Asim Zülfüqarov 1980-ci ildə Bakıda anadan olub. Ali təhsillidir. 2000-ci ildə Azərbaycan Dövlət İqtisad Universiteti Maliyyə və kredit ixtisası üzrə bakalavr dərəcəsi alan Asim Zülfüqarov Marmara Universitetində “Bank və sığorta işi” üzrə magistr dərəcəsi almışdır. 2004-cü ilin oktyabr ayından 2005-ci ilin oktyabr ayına qədər həqiqi hərbi xidmətdə olmuşdur.

Asim Zülfüqarov öz karyerasına MuğanBank-ın Əməliyyatlar departamentində mühasib kimi başlamışdır. 2004-cü ildə Unibank -da Layihə maliyyələşməsi üzrə kredit mütəxəssisi kimi çalışmışdır. 2006-cı ilin yanvar ayından 2014-cü ilin may ayınadək Azərbaycan Mərkəzi Bankında müxtəlif vəzifələri icra etmiş, 2010-cu ilin fevral ayında Azərbaycan Respublikası Mərkəzi Bankının Tədqiqatlar Departamentinin Maliyyə Sektorunun Araşdırmaları şöbəsinin rəisi vəzifəsinə yüksəlmişdir.

2014-cü ilin May ayından 2016-cı ilin aprelinə qədər Dəmirbank-da Strateji inkişaf Departamentinin rəhbəri kimi çalışmışdır.

2016-cı ilin aprel ayında Azərbaycan Respublikası Maliyyə Bazarlarına Nəzarət Palatasının Baş icraçı direktorunun müavini vəzifəsinə təyin olunmuşdur. O, FRM II namizədi və  xaricdə çap olunmuş çoxsaylı məqalələrin müəllifidir.

Axel Summer  öz karyerasına 1996- cı ildə RZB (Raiffeisen Zentralbank) Avstriyada  Asiya-Sakit Okean regionu üzrə müxbir bankir kimi başlayıb. 1998-ci ildən bəri o , Orta şərq və Afrikada Maliyyə Qurumlarında məsul hesab meneceri olub (account manager), 2001-ci ildə  “Financial Institutions and Sovereigns for Western Europe and US” -də idarəçi kimi çalışıb.

2006-cı ildə o, Qlobal Maliyyə Qurumlarının, hazırda “Raiiffeisen Bank”ın rəhbəri olub. Hazırda Axel Summer  “Financial Institutions and Sovereigns” istiqamətində RBİ şirkətinin biznes strategiyası üzrə məsul şəxsdir.

2010-cu ildən etibarən BAFT-IFSA Avropa Şurasının (maliyyə və ticarət üzrə bankirlər assosiasiyası) üzvüdür.

Ayaz Çaparlı öz fəaliyyətinə İqtisadi İslahatların Təhlili və Kommunikasiya Mərkəzində 2016-cı ilin may ayında makroiqtisadiyyat üzrə analitiki vəzifəsində başlamışdır.Bir sıra iqtisadi hesabatların tərtibi ilə yanaşı Strateji Yol Xəritəsinin hazırlanması zamanı maliyyə sektorunun koordinatoru funksiyalarını yerinə yetirərək dövlət-özəl sektorları arasında dialoqu təmin etmişdir. “Azərbaycan Respublikasının milli iqtisadiyyat perspektivləri üzrə” və “Azərbaycan Respublikasında maliyyə xidmətlərinin inkişafına dair” Strateji yol Xəritələrinin hazırlanmasında fəal iştirak edib. 2017-ci ilin  oktyabr ayında İqtisadi Təhlil və Analitik- İnformasiya Departamentinin rəhbəri vəzifəsinə təyin edilmişdir.

Bundan əvvəl,2009-2014-cümillər ərzində Mərkəzi Bankın Kredit Təşkilatlarının Fəaliyyətinə Nəzarət Departamenti və Dövlət Neft Fondunun İnvestisiya Departamentində müxtəlif vəzifələrdə çalışmışdır. O  Azərbaycan Dövlət İqtisad Universitetinin beynəlxalq iqtisadi münasibətlər fakültəsi üzrə bakalavr və İE Biznes Məktəbində Beynəlxalq MBA təhsili alıb.

Cavanşir Abdullayev 1982-ci ildə Azərbaycan Xalq Təsərrüfat İnstitutunun maliyyə-kredit fakültəsini (hazırkı Azərbaycan Dövlət İqtisad Universiteti) fərqlənmə diplomu ilə bitirmişdir. O, strateji idarəetmə, İnsan resurslarının idarə edilməsi, risklərin idarə edilməsi və idarəetmənin digər sahələri üzrə Avropanın aparıcı 10-dan çox bankında və digər bizneslərdə 6 aydan çox təcrübə mübadiləsində olmuşdur.

O, iş karyerasına SSRİ bank sisteminin filialında kredit mütəxəssisi kimi başlamış və SSRİ Dövlət Bankının Azərbaycan kontorunda aparıcı müfəttişədək (aparıcı auditor) yüksəlmişdir.

1991-ci ildə Azərbaycan müstəqillik əldə etdikdən sonra C. Abdullayev ilk özəl banklardan biri olan «Azinvestbank» KB-nın İdarə heyətinin sədri olmuş və sonradan irəli çəkilərək, nəzarət paketi Dövlətə məxsus ən böyük bank olan Aqrar-Sənaye Bankının İdarə Heyətinin Sədri olmuşdur.

1992-1993-cü illərdə o, müstəqil Azərbaycanın Mərkəzi Bankının İdarə Heyətinin sədri vəzifəsində işləmişdir.

2000-ci ilin yanvarından, yəni fəaliyyətə başladığı andan Azərbaycan Bank Tədris Mərkəzinə (ABTM) direktor təyin edilən C.Abdullayev qısa bir müddətdə Mərkəzi yaratmış, yüksək peşəkar komandası ilə  onu maliyyələşdirən aparıcı təlim müəssisəsinə çevirmişdir.

ABTM-nin yarandığı dövrdən indiyədək  C. Abdullayev 120-dən artıq məsləhət xidməti layihəsi idarə etmiş, 10-dan artıq beynəlxalq təşkilatla yaxın əməkdaşlıq quraraq, Mərkəzin 30-dan artıq beynəlxalq layihəyə cəlb olunmasına nail olmuş, strateji planlaşma, insan resurslarının idarə edilməsi, biznes proseslərin təşkili, risklərin idarə edilməsi, yumşaq vərdişlər və digər sahələr üzrə 200-dən artiq təlim keçmişdir.

Daniil Solovyev 2010-cu ildə Rusiya Dövlət Texnologiya Universiteti, sonralar K.E. Tsiolkovsky adlanan Universitetin İnformasiya sistemləri və texnologiyaları kafedrasından (nanotexnologiya) məzun olmuşdur.10 ildən artıq İT şirkətlərin əsas müştəri qrupları  ilə işləmişdir. 2015-ci ildə CloudDC şirkətində əsas müştəri  qrupları ilə iş üzrə menecer vəzifəsinə təyin olunmuşdur.

Hazırki vəzifəsi: RDTEX şirkətində Əsas müştəri qrupları ilə iş üzrə  menecer   

Vəzifə öhdəliyi: Maliyyə Xidmətləri Mərkəzi, şirkətin əsas fəaliyyətlərinə nəzarət

Cənab Solovyev Rusiyada və MDB ölkələrində keçirilən bir çox ixtisaslaşmış bank konfransları və forumlarının müntəzəm iştirakçısıdır.

O, tez-tez maliyyə şirkətlərində informasiya texnologiyalarının effektiv istifadəsi,proqram təminatının seçilməsi və provayderlə biznes arasında əlaqələrin qurulması problemləri barəsində  çıxış edir.

Emil Qarayev Deloitte şirkətinin Vergi və Hüquq Departamentində Direktor vəzifəsində çalışır. 0, Deloitte şirkətində əmək fəaliyyətinə 2006-cı ildə başlamışdır. Emil yerli və transmilli şirkətlərə birbaşa, dolayı və fərdi vergi məsələləri üzrə məsləhət xidmətləri ilə bağılı on bir illik təcrübəyə malikdir. Emil əsasən müştərilərə maliyyə sektoru üzrə vergi məsləhətlərinin verilməsi sahəsində ixtisaslaşmışdır.

Emil müştərilərin vergi öhdəliklərinin yoxlanılması, şirkətlərin alğı-satqısı ilə bağlı çoxsaylı layihələrə rəhbərlik etmişdir.

Emil Deloitte sirkətinin London ofisində Beynəlxalq Vergi departamentində yarım il praktiki təcrübəyə malikdir. 0, hüquqşünaslıq ixtisası üzrə bakalavr və maqistr dərəcələrinə malikdir.

Emil Qarayev peşəkar faaliyyəti ərzində Azərbaycan və Gürcüstan Respublikasında ondan artıq yerli maliyyə institutu üçün  FATCA üzrə layihənin həyata keçirilməsində bilavasitə iştirak edir və bu layihələr çəçrçivəsində Deloitte şirkətinin digər ofislərindən olan mütəxəssislərində və yerli işçi həyatının fəaliyyətinin əlaqələndirilməsini həyata keçirir. Bundan basqa o, ölkənin bir neçə aparıcı bankları ilə birgə cinayət yolu ilə əldə olunmuş pul vəsaitlərinin və terrorçuluğun maliyyələşdirilməsinə qarşı mübarizə tədbirləri üzrə metodoloji bazanın yaradılması və müvafiq infrastrukturun təkmilləşməsi üzrə layihələr həyata keçirmişdir.

Emre Kuzlu “İ-AM İstanbul” şirkətinin həmtəsisçisi, Ankarada yerləşən Orta Şərq Texniki Universitetinin (ODTÜ) baş memarı və məzunudur. O, 2001-ci ildə məzun olduqdan sonra memarlıq üzrə keçirilən yarışlarda uğur qazanıb. Gənc yaşlarında əhəmiyyətli uğurlardan, bir çox yüksək səviyyəli və daxili dizayn layihələrini yaratdıqdan sonra Londonda “İ- AM”qrupu ilə tanış olaraq 360º müştəri təcrübəsinin dizayn prinsipləri əsasında “İ- AM İstanbul”u yaradıb. O zamandan bəri, bəzi əlamətdar layihələr “I-AM” metodologiyası ilə başa çatdırılıb.

Layihələr: Ferahfeza, Cloud 7, Ouspace, Lav, MNG WOW, Garanti Bank (BBVA), Unicredit, Türkiye Is Bankası, First Gulf Bank (UAE), House Hotel, Bank Avstriya , Kapital Bank (Azərbaycan), Jordan Kuwait Bank (Jordan), Səudiyyə İvestisiya Bankı (Səudiyyə Ərəbistanı), MNG Group, Dogus Group, Turkish Airlines, Odebank, Nike.

Hakan Tatlıcı, xüsusən, məhsul idarə edilməsi, yeni biznesin inkişaf etdirilməsi və hesab idarəçiliyinə fokuslanaraq ödəmə və telekommunikasiya sahəsində 10 illik təcrübəyə malikdir. Mastercardda fəaliyyətə başlamamışdan öncə o, “Avea” və “Turkcell” şirkətlərində avtomatlaşdırma sənayəsində müxtəlif vəzifələrdə çalışıb.

O, 2014-cü ildən etibarən “Mastercard”-da Biznesin İnkişafı Direktoru olaraq fəaliyyət göstərir.

Hakan Tatlıcı Bakalavr təhsilini Kadir Has Universitetində Elektron Mühəndislik üzrə, magistratura təhsilini isə Mərmərə Universitetində Mekatronik Mühəndislik üzrə bitirib. O, həmçinin avarçəkmə, motosiklet sürmək kimi hobbiləri var və müxtəlif mədəniyyətlərin kulinariyalarını kəşf etməyi sevir.

Hakan Tatlıcı bir uşaq atasıdır.

Konstantin İvanov FICO TONBELLER-də Regional direktordur və Baltik, MDB, Gürcüstan, Skandinaviya və Polşa bazarlarında şirkətin iştirakının və satışlarının təmin edilməsinə cavabdehdir.

FICO TONBELLER-ə qoşulmadan əvvəl, Software AG və IDS Scheer AG daxil olmaqla, İT sənayesinin aparıcı müəssisələrində müxtəlif idarəetmə vəzifələrində çalışmışdır. Konstantin kompüter elmləri üzrə magistr və ümumi idarəetmə diplomu almışdır.

Kristof Franzen "Trüb Trading" (TTIAG) şirkətinin rəhbəridir. İsveçrə şirkəti olan TTIAG dövlət və maliyyə qurumlarının təhlükəsiz identifikasiya sistemlərilə təmin olunmasını həyata keçirir.

TTIAG Azərbaycanın yeni ePassport sisteminin vəgələcəkdə həyata keçirilməsi nəzərdə tutulan Eid sisteminin reallaşdırılması üzrə müqavilə ortağıdır.

O, TTIAG-a qoşulmazdan öncə yüksək texnologiya şirkətlərinin rəhbəri və icracı direktoru vəzifələrində çalışıb. Texnologiya sistemlərinin inkişafının təmin olunmasını həyata keçirən bu şirkətlərdən  biri dünya üzrə dövlət və bələdiyyə idarələrində real vaxtda maliyyə əməliyyatlarının yerinə yetirilməsi sisteminin əsasını qoymuşdur.

Məhəmməd Məmmədov 2011-ci ildə Türkiyənin İstanbul Universitetinin Beynəlxalq İqtisadi Əlaqələr fakültəsini fərqlənmə diplomum 2004-cü ildə Türkiyənin Marmara Universitetinin Bankçılıq və Sığortaçılıq İnstitutunun Bankçılıq ixtisasını magistr dərəcəsi ilə bitimirşdir.

O, karyerasına 2003-cü ildə “Para Bank”da kredit mütəxəssisi kimi başlamışdır. 2005-2006-cı illərdə “Kapital Bank”ın 2 saylı Səbail filialında aparıcı mühasib vəzifəsində çalışmışdır. 2006-2009-cu illərdə “Kapital Bank “ da yeni yaradılan Plastik Kartlar Riteyl Departamentində aparıcı mütəxəssis və baş mütəxəssis vəzifələrində çalışmışdır.O, 2009-2011-ci illərdə “Kapital Bank”ın Riteyı Departamentinin şöbə rəisi vəzifəsində çalışmış və2011-ci iləd bu departamentdə direktor müavini vəzifəsinədək yüksəlmişdir.

O, karyerasına 2013-cü ildə “Yapı Kredi Azərbaycan” da yeni yaradılan Alternativ Xidmət Kanalları Departamentində direktor müavini kimi davam etmişdir. 2015-ci ildə Alternativ Xidmət Kanalları Departamentinin direktoru vəzifəsinə yüksəlmiş və hazırda karyerasına “Yapı Kredi Azərbaycan”da davam etməkdədir.

Məhəmməd Məmmədov 2016-cı ildən Azərbaycan Banklar Assosiasiyasının nəzdində yaradılan “Ödəniş Sistemləri və Alternativ Xidmət Kanalları” üzrə Ekspert Qrupunun sədridir.O, ekspert qrupu daxilində kartlı ödəniş sistemləri,alternative xidmət kanalları (İnternet Bankçılıq, Mobil Bankçılıq, ATM, Çağrı Mərkəzi və a.), ödəniş sistemlərinin təhlükəsizliyi və digər nağdsız ödənişlərlə əlaqədar bank sistemindəki mövcud vəziyyətin, bankların qarşılaşdıqları problemlərin və digər əlaqədar məsələlərin müzakirə edilməsində, o cümlədən xarici təcrübənin, qabaqcıl ölkələrin innovativ yanaşmalarının öyərnilməsi, eləcə də müvafiq qurumlara ünvanlanacaq əsaslandırılmış təkliflərin hazırlanması, hüquqi –normativ baza və standartların hazırlanmasında və digər bu qəbildən olan fəaliyyətlərin həyata keçirilməsində aktiv iştirak edir.

Cənab Haussner 1954-cü ildə Almaniyanin Auqsburq şəhərində anadan olub. O, Münhen Universitetinin hüquq fakültəsinin məzunudur. Məzun olduqdan sonra, cənab Haussner Yaponiyanin Kyushu Universitetində kiçik mühazrəçi kimi çalışmışdır.

O, 1983-cü ildə vətənə döndüktən sonra, öz karyerasına Bavariyada prokuror kimi başlamışdır. 1991-ci ildə cənab Haussner Münhen şəhərinin yerli məhkəməsində Hüquqi Təlim İnstitutunda mühazirəçi vəzifəsinə təyin olunmuşdur. Daha sonra o bir neçə vəzifələrdə çalışmışdır: Türingen  məhkəməsində prokuror, ədliyyə Nazirliyində hüquqsünas, Münhen Ali Məhkəməsində hakim və s.

2011-ci ildan 2013-c0 ilə qədər Xorvatiya Ali Məhkəməsinin Xorvatiyanın Avropa ittifaqına daxil olması ilə bağlı məsələləri üzrə məsləhətçi təyin olunmuşdur. 2013-cü ildən 2016-cı ilə qədər Monteneqro Ədliyyə Nazirliyinda məsləhətçii kimi də çalışmışdır. 2013-cü ildən bu yana, cənab Haussner Berlində Almaniyanın Əmanət Bankları Maliyyə Qruppasının Ombudsmanı kimi fəaliyyat göstərir.

Müşviq Binyət oğlu Bayramov Azərbaycan Dövlət İqtisad Universitetinin məzunudur.

2003-c0 ildə ABŞ-ın Oklahoma universitetində Enerji bazarları mövzusunda elmi tədqiqat proqramı üzrə təhsil alıb. İqtisadiyyat üzrə fəlsəfə doktorudur. Əmək  fəaliyyətinə Dövlət Neft şirkətində başlamışdır. Daha sonra Milli Elmlər Akademiyasının iqtisadiyyat İnstitutunda elmi işçi kimi çalışmışdır. 2003-cü ildən etibarən Azərbaycan Respublikası Dövlət Neft Fondunda işləyir.

Hal hazırda Dövlət Neft Fondunun Büdcə Proqnozlaşdırma və Layihələr Departamentinin Direktorudur. 2009-cu ildə Dövlət Neft Fondunun inkişafındakı xidmətlərinə görə «Tərəqqi» medalı ilə təltif edilmişdir.

Hüquqi təminat idarəsinin rəisi. Maliyyə Bazarlarına Nəzarət Palatası.

Nurlan Babayev maliyyə hüququ və beynəlxalq hüququ üzrə mütəxəssisdir.

Cənab Babayev hüquqşünaslıq üzrə maqistr, maliyyə və kredit ixtisası üzrə isə diplomuna malikdir.

Nurlan Babayevin qanunvericilik layihələrinin hazırlanmasında 10 ilə yaxın təcrübəsi vardır. İlk olaraq 2007-­ci ildə ədliyyə Nazirliyinin Qanunvericilik baş idarəsində əmək fəaliyyətinə başlamış, fəaliyyət göstərdiyi üç il ərzində bir sıra qanunvericilik layihələrinin hazırlanmasında iştirak etmişdir.

Nurlan Babayev həmçinin PL/TMM (pulların leqallasdırılmasına və terrorçuluğun maliyyələşdirilməsinə qarşı mübarizə) üzrə  Avropa Şurasının qiymətləndirici ekspertdir, Amerika Ekspertlər Assosiasiyasının (ACAMS) üzvüdür. Maliyyə Monitorinqi Xidmətində Hüquq şöbəsinin rəisi kimi fəaliyyət göstərdiyi 6 il ərzində PL/TMM sisteminin qurulmasında, bu sahədə beynəlxalq standartların implementasiyasinda xidmətləri olmuşdur. 2011-2016-cı illərdə Azərbaycanın Avropa Şurasının  MONEYVAL Komitədinfəki nümayəndə heyətinin üzvü olmuş və bir sıra ölkələrin PL/TMM sisteminin qiymətləndirilməsində iştirak etmişdir.

Qorxmaz Ağayev 2001-ci ildə Bakı Dövlət Universitetinin Hüquq fakültəsini bitirmiş, 2004-cü ildə Mülki və Ticarət hüququ üzrə magistr dərəcəsi və  Maliyyə, informasiya hüququ və inzibati hüquq  üzrə  Fəlsəfə Elmləri Doktoru dərəcəsini almışdır.  Eyni ildə Azərbaycan Respublikasının Prezidenti yanında Dövlət İdarəçilik Akademiyasında mülki hüquq, ticarət hüququ, vergi hüququ və əmək hüququnu tədris etmişdir.

2004-2005-ci ildə “AtaConsulting” şirkətində Hüquq  xidmətləri departamenitin hüquqşünası, 2005-ci ildə həmin departamentin rəhbəri vəzifəsini yerinə yetirmişdir. 2005-2011-ci illərdə “Bank of Baku” ASC –də Korporativ hüquq bölməsinin aparıcı mütəxəssisi, Korporativ hüquq bölməsinin rəhbəri və Hüquq departamentinin direktoru kimi müxtəlif vəzifələrdə çalışmışdır.

2011-2013-də “CLC” hüquq firmasında idarəçi partnyor kimi çalışmış, 2013-2017-ci illərdə “Ata Bank”ASC -də İdarə Heyəti sədrinin hüquq məsləhətçisi, risklərin idarə edilməsi komitəsinin üzvü kimi müxtəlif vəzifələri yerinə yetirmişdir.2015-2016-cı illərdə “Caspian Development Bank”ın, 2016-2018-ci illərdə isə “Bank VTB”( Azərbaycan) ASC-nin Müşahidə Şurasının üzvü olmuşdur.

 2013-cü ildən bəri “Medlex” hüquq firmasında idarəçi partnyordur. Q. Ağayev həmçinin “Ata Holding” ASC-nin Hüquq Departamentinin direktoru, “Azerbaijan Global Investments şirkətində hüquq məsləhətçisi və Monteneqro Respublikasının bankı  “Nova Banka”nın Müşahidə Şurasının üzvüdür.

Qorxmaz Ağayev ölkəmizin qeyri-neft sektorunda Azərbaycandan  kənarda ən böyük layihəsi “Portonovi resort&spa”nın  hüquq məsləhətçisidir. O, Vəkillər Kollegiyasının, Azərbaycan Risk Peşəkarları Assosiasiyasının İdarə Heyətinin  üzvü və Azərbaycan Banklar Assosiasiyasının nəzdində fəaliyyət göstərən Hüquqi məsələlər üzrə Ekspert Qrupunun sədridir.

22 illik Hüquqi karyerasından əlavə Roger Gladei 11 il şirkət daxilində hüquqşünas, daha sonra nüfuzlu Maldova Bankının Vitse Prezidenti, növbəti 11 ildə isə Gladei & Partners Hüquq Firmasının  yaradıcısı və idarəçisi olmuşdur.

Roger tarix, hüquq , maliyyə sahələrində ixtisaslaşmış və Grenoble Graduate School of Business-dan MBA dərəcəsi almışdır. O, Moldova Vəkillər Assosiasiyasının , Moldovada Amerika Ticarət Palatasının (AmCham) Direktorlar Şurasının üzvü və  AmCHam Beynəlxalq  Arbitraj Məhkəməsinin (CACIC)Prezidentidir.

Roger, Moldovada  əsaslı hüquqi islahat layihələrinə, o cümlədən təhlükəsiz kreditləşdirmə, maliyyə sektorunun tənzimlənməsi və nəzarəti, lizinq və ödəmə qabiliyyətsizliyi ilə məşğul olmuşdur.

Korporativ idarəetmə üzrə ekspert kimi, Avrasiya regionunda (2007-2008-ci illər) OECD / AYİB-in Korporativ İdarəetmə Dəyirmi Masasında Moldovanı təmsil etmiş, Korporativ Idarəetmə Siyasəti haqqında qısa nitqlə çıxış etmişdir.

Gladei & Partners komandasının bir hissəsi olan Roger, biznes mühafizəsinin inkişafını, dövlət nəzarəti orqanları ilə qarşılıqlı fəaliyyətdə işə kömək edən on-line veb platforma və İKT sənayesi üçün Mobil Bələdçi koordinasiya etmişdir.

O , hazırda Milli Ədliyyə İnstitutunda bank və maliyyə mübahisələri üzrə  hakimlər və gələcək hakimləri öyrədir.

Out of his 22 years of legal carrier, Roger Gladei worked for 11 years as in-house lawyer and then Vice president of a reputable Moldovan Bank, and for the next 11 years, as attorney-at-law, co-founding and managing Gladei & Partners Law Firm.

Şaiq Adıgözəlov hazırda Azərbaycan Respublikası Mərkəzi Bankında iqtisadi təhlil departamentinin direktoru vəzifəsində çalışır. O qlobal iqtisadi proseslərin və ölkədə makroiqtisadi mühitin diaqnostikası, proqnozlaşdırılması və təhlilinin aparılmasına rəhbərlik edir. Yaradılmış diaqnostika sistemi makroiqtisadi və monetary siyasət istiqamətlərinin analitik bazasının formalaşmasına dəstəkverici kimi çıxış edir.

Ş. Adıgözəlov əmək fəaliyyətinə 2002-ci ildə Azərbaycan Milli Elmlər Akademiyasının İqtisadiyyat İnstitutunda tədqiqatçı kimi başlamışdır.2004-cü ildə İqtisadiyyat Nazirliyi İqtisadi İslahatlar ELmi –Tədqiqat İnstitutunda müxtəlif vəzifələrdə çalışmışdır. 2005-ci ildən Azərbaycan Respublikasının Mərkəzi Bankının Pul siyasəti departamentində və Tədqiqatlar və İnkişaf Mərkəzində müxtəlif vəzifələri yerinə yetirmişdir. Ümumilikdə aparıcı daxili və xarici elmi jurnallarda nəşr edilmiş 30-dan çox məqalənin müəllifidir. Makro və monetar iqtisadiyyat,inkişaf maliyyəsi,makroiqtisadi modelləşdirmə və s. Kimi mövzular Ş. Adıgözəlovun əsas tədqiqat marağıdır. Hazırda Şaiq Adıgözəlov Dinamik- Stoxastik Ümumi Tarazılıq,Bayez əsaslı inflyasiyanın proqnozlaşdırılması kimi modellərin qurulmasında və monetar transmissiyanın makroiqtisadi effektlərinin tədqiqində iştirak edir. Tədqiqat istiqaməti üzrə müxtəlif mərkəzi banklarda təşkil olunmuş seminar və konfranslarda məruzələr etmişdir.

O, 2005-ci ildə iqtisadiyyat üzrə fəlsəfə doktoru elmi dərəcəsi almışdır.Ş.Adıgözəlov 2001-2005-ci illərdə isə AMEA İqtisadiyyat İnstitutunda aspirantura təhsili almışdır. 2010-2011 ci illərdə Fulbright proqramı ilə ABŞ-ın Boston Universitetinin “iqtisadiyyat” departamentində tədqiqatla məşğul olmuşdur.

Tural İsmayıl oğlu Məmmədov 1986-cı ildə anadan olub. 2008-ci ildə Xəzər Universitetinin Hüquq fakültəsini bitirmişdir. Ədliyyə orqanlarında fəaliyyətinə 2012-ci ildən başlamışdır. 2012-ci ildən 2016-cı ilədək icra məmuru vəzifəsində çalışmışdır.

2016-cı ildən Azərbaycan Respublikasının Ədliyyə Nazirliyinin İcra baş idarəsində məsləhətçi vəzifəsinə təyin olunan Tural Məmmədov hazırda həmin baş idarədə çalışır. Xüsusi rütbəsi –II dərəcəli ədliyyə qulluqçusudur.

O, Ədliyyə Nazirliyinin İcra orqanlarının fəaliyyətində operativliyin və şəffaflığın təmin olunması üçün “Elektron icra” xidmətinin yaradılmasında və həmin xidmətin qısa müddətdə istifadəyə verilməsində məsul olan işçi qrupun tərkibində səylə çalışmışdır.

Ugo Bechis maliyyə qurumlarında elektron ödəniş və SEPA (Single Eurp Payments Area)  üzrə məsləhətçidir. O, bankçılıq,,korporativ və satış maliyyəsi,audit, qiymətləndirmələr kimi ilk təcrübələrininin davamı olaraq onlayn bankçılıq,elektron ticarət,korporativ və pərakəndə ödənişlər, istehlak krediti, distrbyutor, ticarət və ödəniş xidmətlərinin mühafizəsi sahələrində Çoxkanallı Distrbyutor rəhbəri kimi bank təcrübəsinə malikdir. Ugo Bechis beynəlxalq və İtaliya banklarında biznes, təşkilati və strateji işlərdə menecment təcrübəsini qazanmışdır.

O,EAPS-ın (European Alliance of Payment Schemes), ABİ Klirinq və Hesablaşma Komitəsinin İdarə heyəti sədri, “IWBank S.p.a”., “SIA S.p.A,”nın, “Key Client Cards and Solutions S.p.A, Consorzio Bancomat” ın İdarə heyəti üzvü vəzifələrini icra etmişdir.Son 14 ildə Avropa Ödəniş Kanallarında rəhbər vəzifədə olmuş, Avropa  eləcə də  instisional, siyasi, antiinhisar məsələləri üzrə Avropa Komissiyası, Avropa Mərkəzi Bankı və digər tənzimləyici qurumlarla işləmiş, millli, beynəlxalq müstəvidə  təcrübələr qazanmışdır.

Ugo Turin Universiteindən  İqtsiadiyyat, Monetar Siyasət və Avropa Birliyi Məsələləri üzrə doktorluq dərəcəsi, UCLA Menecment Məktəbindən (Kaliforniya Universiteti) Maliyyə və Təşkiletmə bacarıqları üzrə MBA dərəcəsi almışdır.

Xəyaləddin Tağıyev 2002-2006-cı illərdə Azərbaycan Respublikasının Prezidenti yanında Dövlət İdarəçilik Akademiyasının Menecment ixtisası üzrə bakalavr təhsili və2007-2009-cu illərdə Dövlət İqtisad Universitetinin Strateji İdarəetmə ixtisası üzrə magistr təhsili almışdır.2013-cü ildən isə İqtisadiyyat və Sənaye Nazirliyinin İqtisadi İslahatlar Elmi Tədqiqat İnstitutunun fiskal siyasət və dövlət maliyyəsi ixtisası üzrə doktorantura təhsili alır.Hal –hazırda dissertasiya işini yekunlaşdırmış və müdafiənin yekunlaşdırılması istiqamətində işlər görülür.

Xəyaləddin Tağıyev 2008-ci ildən etibarən  Azərbaycan Respublikası Mərkəzi Bankında Milli Ödəniş sisteminin inkişafı və nəzarəti şöbəsində aparıcı mütəxəssis, 2015-ci ildən isə həmin şöbədə böyük mütəxəssis vəzifəsində çalışır. Eyni zamanda, 2014-cü ildən etibarən Dövlət İqtisadi Universitetinin MBA proqramında statistika və maliyyə risklərinin idarəedilməsi fənlərini tədris edir.

Onun ödəniş sistemləri sahəsində 8 elmi məqaləsi dərc edilmişdir.Həmçinin ödəniş sistemləri və hesablaşmalarla bağlı müxtəlif ölkələrdə keçirilən ixtisasartırma və sertifikatlaşdırma kurslarında iştirak etmişdir.

1977-ci ildə Azərbaycan Dövlət İqtisad Universitetinin “Mühasibat uçotu” fakultəsinə daxil olmuş və 1981-ci ildə “İqtisadçı” ixtisası üzrə tam kursu bitirmişdir.

Əmək fəaliyyətini 1981-ci ildən Azərbaycan Respublikası Rabitə Nazirliyində, “Nəzarət-Təftiş” İdarəsində aparıcı mühasib kimi başlamışdır.

1981-1983-cü illərdə Hərbi xidmətdə olmuşdur. Hərbi xidməti  başa vurduqdan sonra 1983-cü ilin iyul ayından etibarən 1989-cu ilin yanvar ayınadək, Azərbaycan Respublikası Rabitə Nazirliyinin “Nəzarət-Təftiş” İdarəsində mühasib-revizor, Baş təftişçi və Baş mühasibin müavini kimi fəaliyyət göstərmişdir. 1989-cu ildən AR Rabitə Nazirliyinin “Rayon Rabitəsi” İstehsalat Birliyinə “Nəzarət və mühasibat uçotu” şöbəsinin rəisi vəzifəsinə təyin edilmişdir.

1993-1998-ci illərdə “Rabitəbank” SKB-nın İdarə Heyətinin Sədri vəzifəsində çalışmışdır və 1998-ci ildən hal-hazıradək “Rabitəbank” ASC-nin Müşahidə Şurasının Sədri vəzifəsində çalışır.

1996-cı ildə “Azərbaycan Banklar Assosiasiyası”nın Prezidenti vəzifəsinə seçilmiş və 2006-cı ilə qədər həmin vəzifədə çalışmışdır. 2006-cı ildən 2015-ci ilədək “Azərbaycan Banklar Assosiasiyası”nın Rəyasət Heyətinin üzvü olmuşdur. 2015-ci ildən yenidən “Azərbaycan Banklar Assosiasiyası”nın Prezidenti vəzifəsinə seçilmişdir.

Zaur Hacılı "Qafqaz" və Bakı Dövlət Universitetlərinin Beynəlxalq Hüquq fakültəsini bakalavr və magistratura pillələri üzrə fərqlənmə diplomları ilə bitirmişdir. O, həmçinin İstanbul Universitetinin Beynəlxalq əlaqələr fakültəsində 2-ci maqistratura pilləsi üzrə təhsil almışdır. Hazırda Milli Elmlər Akademiyasında doktorantura pilləsində təhsilini davam etdirir.

Öz karyerasina 2006-cı il tarixindən Azərbaycan Respublikasının Mərkəzi Bankının Pulların yuyulmasına qarşı mübarizə üzrə Qrupunda mütəxəssis vəzifəsində başlamış, aparıcı mütəxəssis vəzifəsinədək yüksəlmişdir. Karyerasını 2009-cu il tarixində pulların yuyulmasına qarşı mübarizə üzrə yeni yaradılmış qurum olan Maliyyə Monitorinqi Xidmətində böyük analitik vəzifəsində davam etdirmişdir.

Azərbaycan Respublikasının Maliyyə Bazarlarına Nəzarət Palatası yaradıldığı tarixdən  etibarən (2016-cı il) bu günədək, həmin qurumun Maliyyə Monitorinqi Xidmətində idarə rəisi vəzifəsində

Pulların yuyulmasına və terrorçuluğun maliyyələsdirilməsinə qarsı mübarizə mövzusunda təlimlər aparan Z.Hacılı, bir kitab və bir neca məqalənin müəllidifir.

Azərbaycan Respublikasının Maliyyə Bazarlarına Nəzarət Palatasının Ödəniş sistemlərinə nəzarət sektorunun müdiridir.O, hazırda ödəniş xidmətləri və ödəniş sistemləri sahəsində yeni qanunvericilik çərçivəsinin formalaşdırılması, Azərbaycan Respublikası Mərkəzi Bankının operatoru olmadığı ödəniş sistemlərinə nəzarətin həyata keçirilməsi, ödəniş kartları bazarının tənzimlənməsi üzrə fəaliyyət göstərir. Həmçinin, əhalinin maliyyə savadlılığının yüksəldilməsi və bank sistemində çalışan əməkdaşların bilik və bacarıqlarının daha da inkişaf etdirilməsi üzrə keçirilən layihələrdə də iştirak edir. Maliyyə Bazarlarına Nəzarət Palatasından əvvəl isə doqquz ilə yaxın müddətdə Mərkəzi Bankın Ödəniş sistemləri və hesablaşmalar departamentində işləmişdir.

O, növbəti layihələrin reallaşdırılmasında iştirak etmişdir. (i) ödəniş sistemlərinin inkişafı və nağdsız ödənişlərin genişləndirilməsi; ödəniş sistemləri üzrə normativ hüquqi bazanın inkişaf etdirilməsi, ödəniş kartları, pul köçürmələri və banklararası hesablaşmalar üzrə müxtəlif hüquqi sənədlərin hazırlanması; (iii) prosessinq təşkilatlarının fəaliyyətinə nəzarətin həyata keçirilməsi və digərləri. O, Azərbaycan Dövlət İqtisad Universitetində maliyyə və kredit ixtisası üzrə magistr dərəcəsinə malikdir. Ödəniş xidmətləri və ödəniş sistemləri sahəsində müxtəlif ölkələrdə nəşr olunmuş elmi məqalələrin müəllifidir.